MATIYO 13:3 - Ha`bari Ndjema ya I Maore

³ Ɓas v̄ale akowasomedza trongo nyengi ha urumia mifano. Awaambia: «Suku, mutsanyizi-maela alawa, akondrotsanya.

MATIYO 13:3 Referans Kwoze

MARKUSI 4:13

V̄ale Insa awadzisa: «Wanyu kamusuelewa imana ya mufano unu? Ɓasi mutsoelewa jeje imana ya piya yimifano yasalia?

MARKUSI 4:33

Ɗe ha mifano mengi mauri ɗe yini, ɗe Insa akowasomedza urongozi wa Mungu, ha ikiasi ya wale wakomuvulishia.

MATIYO 13:53

Insa ɓaanda amalidza utolea watru mifano yile, alawa v̄ale.

MARKUSI 12:12

Ɓasi v̄ale waɓole wa dini wakotsaha wamuziye Insa, ɓadi wakoria idunia. Waka waelewa amba ɗe kinyume na wao, ɗe aka arongoa mufano ule. Ɓas wamulishi, wandre dzawo.

YUHANI 16:25

Tsimuambiani trongo zini ha mifano. Wakati usuja amba tsitsorongoa tsena na wanyu ha mifano, ɓadi nitsomujudzani dhwahiri trongo zahusu Ɓaɓa.

LUKASI 12:41

Sa ile Monye amuambia: «Raɓi, mufano uwo usuriambiawo ɗe wasi, au watru piya?»

LUKASI 8:10

Ɓas, adjiɓu: «Wanyu mudjaãliwa ujua siri za Utawalizi wa Mungu, ɓadi wasalia wajudziwazo ha mifano, ile ‹wamoangalia, wasuone, na wamokia, wasuelewe.› »

MARKUSI 12:1

Amwesa Insa aandrisa usomedza watru ha mifano. Arongoa: «V̄uka mutru aka ataɓu shunga ya mizaɓiɓu. Aizingidzia uhura, atsimbi ngama ya uhamua zimbia, aundru munara wa uigogea, amwesa aiadjirisa walimizi wa mizaɓiɓu, alawa andre hari mwa tsi yangina.

MARKUSI 3:23

Ɓas, Insa awahiri, amwesa awaambia ha urumia mifano: «Ha namuna jeje Shetwani ashindrao atowe Shetwani?

MATIYO 24:32

«Namurenge musomo hari mwa mufano warengwa ha mufigiye. Marahi yahe yamofanyishiha marembwavu na yamani yamoandrisa utsanga, wanyu ujua amba kashikazi ikaɓili.

MATIYO 22:1

Insa arenge tsena umurongo, alagua na wao ha urumia mifano. Awaambia:

MATIYO 13:4

Utsanya yahe v̄ale, ɓaãdhwi za maela zipuliha ndziani; zinyunyi zija, ziyaɗyi.