MATIYO 11:8 - Ha`bari Ndjema ya I Maore

⁸ Ɓasi trini ɗe mwakondroiangalia? Mutru apindra vao dzuzuri? Nisumujudzani, watru wapindrao vao dzuzuri, wao wa moni na nyumba za wafalume.

MATIYO 11:8 Referans Kwoze

MATIYO 3:4

Yahaya akana nguo ya madzivuzi ya ngamia, na mukandra wa ngwezi trengaju. Akoɗya maɗatra na ngizi ya nyoshi.

MUV̄ENULIO 11:3

Nitsov̄a yamazahidi maili yangu yajudze marongozi ya shi mutrume yashukidziwa muda wa suku alifu wa miyateni wa sitini; na wao watsopindra maguni.»

2 MAKORINTIYO 11:27

Nakofanya hazi ndziro hari mwa taãɓu, wakati mwengi tsakopara tsindzi; nakoka hari mwa ndza na nyora, mara nyengi nakofunga; nakoremwa na ɓaridi, nakoka ɓila nguo.

1 MAKORINTIYO 4:11

Ata v̄anu, ra hari mwa ndza na nyora, ra wadzi, risuv̄ondrwa, karina makazi.

MATIYO 11:7

Wakati wakwendra dzawo, Insa aambia idunia yaka v̄ale yahusu Yahaya: «Mwakondroangalia trini padzaju? Sandze liv̄ungiwao na pev̄o?

MATIYO 11:9

Ɓasi trini ɗe mwakondroiangalia? Mutrume? Ewa, tsena nisumuambiani, zaidi rahana mutrume.

LUKASI 7:25

Ɓasi trini ɗe mwakwendra muiangaliye? Mutru apindra vao dzuzuri? Nisumuambiani amba wapindrao vao dzuzuri, waẽshio ha masterehi, wa moni na zinyumba za mafalume.