MATIYO 11:7 - Ha`bari Ndjema ya I Maore

⁷ Wakati wakwendra dzawo, Insa aambia idunia yaka v̄ale yahusu Yahaya: «Mwakondroangalia trini padzaju? Sandze liv̄ungiwao na pev̄o?

MATIYO 11:7 Referans Kwoze

YAKOƁU 1:6

Ɓadi naitsahe ha uaminifu, wala taradudu itsokao yotsi; mana mwendza taradudu, uwo sawa na ɗuja la ɓaharini ligudzusiwao na uv̄ingwa na pev̄o.

YUHANI 5:35

Yahaya aka mwenge wakovua na uwala, na wanyu muka mukuɓali ufurahi mwana muda hari mwa iheu yahe.

MAEFESO 4:14

Ha izo, karitsoka tsena wanatsa wav̄ingwao na maji, watangisiwao na kula pev̄o ya musomo, wapotezewao ha udjandja na yimipango ya unafiki ya wanadamu.

LUKASI 8:18

Ɓasi namudzifahamishe na inamuna muvulikiao; mana uwo aliona, atsov̄olwa, ɓadi uwo kasina, ata iyo afikirio amba anayo, ne atsotolewayo.»

MATIYO 21:25

Muɓaĩsho *Yahaya akofanya, uka ulawia hav̄i? Ha Monyewe ziMbingu, au ha wanadamu?» Ɓadi wakolana shuara wao na wao ha urongoa: «Neka ridjiɓu: ‹Mbinguni›, atsoriambia: ‹Manatrini ɓasi ata kamwamuamini?›

MATIYO 3:5

Wakazi wa Yerusalemu, na piya itsi ya Yudeya, na wa piya liɓavu la umuro wa Jurdani, wakomujilia.

YUHANI 1:38

Sa ile Insa azingi, awaono iv̄o wamuɗunga, awadzisa: «Trini ɗe muitsahao?» Wamudjiɓu: «Raɓi» (yaãni, «Fundi»), «wawe uketsi hav̄i?»

MATIYO 11:8

Ɓasi trini ɗe mwakondroiangalia? Mutru apindra vao dzuzuri? Nisumujudzani, watru wapindrao vao dzuzuri, wao wa moni na nyumba za wafalume.

MATIYO 12:20

Katsovundza sandze langia ndrwa, wala katsozima pwendzi lilawao mwesi, ata mupaka av̄e ushindzi ihaki.