MATIYO 11:1 - Ha`bari Ndjema ya I Maore

¹ Wakati Insa amalidza ueledza maswihaɓa kumi na maili yahe, alawa v̄ale, akwendra asomedze na uĩdhia hari mwa malago ya mukaɓala ule.

MATIYO 11:1 Referans Kwoze

MAV̄INGIZI-RISALA 10:38

Musujua namuna Mungu amutsahua Insa wa Nazareti na umuenedza iRoho Ndzitwaharifu na ushindzi, na namuna akwendra ha urendra ndjema na uzihira piya wao waka watawaliwa na Iɓilisa, mana Mungu aka na waye.

LUKASI 8:1

Ɓaanda ya v̄ale Insa akwendra hari mwa kula ɗago, rangu ɓole ata titi, na ujudza iHaɓari Ndjema ya Utawalizi wa Mungu. Na watru kumi na waili wale waka na waye.

MATIYO 9:35

Insa akov̄iria piya yamalago maɓole na matiti na usomedza moni na ziNyumba za Uswali zawo. Akojudza iHaɓari Ndjema ya Utawalizi wa Mungu, na uzihira kula uwaɗe, na zifeli za kula namuna.

2 MATESALONIKA 3:10

Mana kweli amba wakati raka v̄umoja na wanyu, rakomuv̄ani sariɓu lini: «Neka mutru kasutsaha afanya hazi, ɓasi v̄av̄o asuɗye».

2 MATESALONIKA 3:6

Risumusariɓiani wananyatru ha lidzina la Raɓi Insa-Kristi, mudziɓause na kula mwananya wa shi uaminifu aliona maẽsha yendza musadjadja, ɓadi tsi ha uɗunga maosio ramuv̄aniwo.

1 MATESALONIKA 4:2

Kweli amba musujua maosio ramuv̄aniwo ulawa ha Raɓi Insa.

MAV̄INGIZI-RISALA 10:42

Na waye Insa ariãmurisha ritrangaze ha umati na ulawa shahidi amba waye ɗe ahetsiwa na Mungu ake hakimu wa wao walio hayi na uwafu.

MAV̄INGIZI-RISALA 1:2

ata isuku ahedzewa pev̄oni, ɓaanda av̄a ãmuri ha iRoho Ndzitwaharifu yaMav̄ingizi-Risala|Mav̄ingizi-Risala aka ayatsahua.

YUHANI 15:14

Wanyu wandzani wangu, neka musufanya izo nimuãmurishaoni.

YUHANI 15:10

Neka musutuĩ ãmuri zangu, mutsoɓaki hari mwa uv̄endza yangu, mauri ɗe inamuna natuĩ ziãmuri za Ɓaɓangu, tsena niɓakio hari mwa uv̄endza yahe.

MATIYO 28:20

muwasomedze watuĩ piya izo namuãmurishanizo. Na tsami, nisuka v̄umoja na wanyu kula suku, ata mupaka umwiso wa lidunia.»

MATIYO 7:28

Wakati Insa amalidza marongozi yanu, idunia yaka v̄ale yakoshanga na yimisomo yahe,

MATIYO 4:23

Insa akov̄ira hari mwa piya iGalilaya ha usomedza moni na ziNyumba za Uswali, na ujudza iHaɓari Ndjema ya Utawalizi wa Mungu; tsena akozihira kula uwaɗe na shifeli watru wakanazo.

1 TIMUTAUSU 6:14

usike iãmuri ini ɓila pandra, wala tuhuma, ata mupaka umuv̄enulio wa Raɓi watru Insa-Kristi,

MARKUSI 6:12

Ɓasi walawa, wakoĩdhia watru wandre toɓa.

LUKASI 23:5

Ɓadi watru wale wakoshadidisha urongoa: «Asutsotsa uumati ha usomedza hari mwa piya iYudeya, rangu Galilaya v̄ahali aandrisa, ata v̄anu.»