MATIYO 1:21 - Ha`bari Ndjema ya I Maore

²¹ Atsodza mwana mutruɓaɓa, na wawe utsomuhira Insa, mana waye ɗe atsohuyio umati wahe na madhambi yawo.»

MATIYO 1:21 Referans Kwoze

MAV̄INGIZI-RISALA 13:23

Ɗe hari mwa zizilembwe za Daudu ɗe Mungu, ha ulawana na uwahadi wahe, av̄ingia Israila Muhuyifu, ne ɗe Insa.

MAV̄INGIZI-RISALA 4:12

Uhuyifu kausi ha mutru wangina atsokao yotsi, mana shiv̄andreju mwa tsi v̄anu kav̄usi dzina langina lav̄elehwa mbeli za wanadamu amba ha lilo ɗe ralazimu rihuyiwe.»

YUHANI 1:29

iSuku yaɗunga Yahaya amuono Insa iv̄o akomujilia. Sa ile arongoa: «Tsunu uMwana Ɓariɓari wa sadaka atoao yamadhambi ya lidunia.

1 YUHANI 3:5

Na wanyu musujua amba waye av̄enuha, ile atowe lidhambi. Na kav̄usi dhambi haheju.

LUKASI 2:21

iSuku ya nane yamopara atahiriwa, av̄olwa lidzina la Insa, dzina laka lajudziwa mayahe na imalayika kaɓula ya waye umumira.

MAV̄INGIZI-RISALA 5:31

Mungu amuhedza humeni hahe ake ɗe uMushangirizi amma uMuhuyifu, ile av̄e iIsraila indzia ya uendra toɓa, na umuswamaha wa yamadhambi.

LUKASI 1:31

Vulishia, utsomira, udze mwana mutruɓaɓa, utsomuv̄a lidzina la Insa.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

LUKASI 2:11

Mana leo ini, hari mwa liɗago la Daudu, mudzaliwa Muhuyifu, ne ɗe Kristi, Raɓi watru.

1 YUHANI 1:7

Ɓadi neka risendra heuni, mauri waye-waye alio heuni, v̄av̄o ra hari mwa uv̄umoja wasi na wasi, amwesa idamu ya Insa, Mwana wahe, isurirahatsa na kula dhambi.

MAV̄INGIZI-RISALA 3:26

Ɗe hanyuju kadimu ɗe Mungu av̄enusa umurumishi wahe, amuv̄eleha amuɓarikini ha uzingisa kula moja hari mwanyu na zimbovu zahe.»

MUV̄ENULIO 7:14

Tsimudjiɓu: «Mutukufu, wawe usujua.» Amwesa aniambia: «Wao ɗe walawao hari mwa lidjondo ɓole. Wafua nguo zawo, wazifanya ndjeu hari mwa idamu ya uMwana Ɓariɓari.

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

LUKASI 1:13

Ɓadi malayika ile imuambia: «Usuriye Zakariya, mana mamilio yaho yakuɓaliwa. Mushe waho Elizabeti atsohudzalia mwana mutruɓaɓa, utsomuhira Yahaya.

MATIYO 1:25

Ɓadi kalala na waye ata mupaka adza mwana mutruɓaɓa alio amba amuhiri dzina la Insa.

YUHANI 4:42

Amwesa wamuambia mutrumama ule: «Av̄asa tsi ɗe ha siɓaɓu ya marongozi yaho ɗe raamini, ɓadi rimukia wasi wenyewe, tsena risujua amba kweli waye ɗe uMuhuyifu wa ulemengu.»