MAROMU 2:1 - Ha`bari Ndjema ya I Maore

¹ V̄av̄o ɓasi, kusina muswamaha, wawe mutru yotsi unamuao wanyaho. Mana wamonamua wanyaho, v̄av̄o usudzihukumu ɗe wawe, mana wawe unamuao, usufanya ɗe wizo zile.

MAROMU 2:1 Referans Kwoze

LUKASI 6:37

«Musulaumu, na wanyu kamutsolaumiwa; musuisiye, na wanyu kamutsoisiwa; namuswamihi, na wanyu mutsoswamihiwa.

MAROMU 2:3

He wawe mwanadamu unamuao wanyaho wafanyao trongo mauri ɗe zizo, ne uzifanyao wawe-wawe, usufikiri amba utsoshindra utrale ihukuma ya Mungu?

MAROMU 9:20

Ɓasi hewe wawe shiumbe mwanadamu, wawe mbani ata usuɓutuo umukanyushe Mungu? Hali shitru yaparangwa itsomudzisa muparangizi wayo amba: «Manatrini wanifanya namuna ini?»

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

YAKOƁU 2:20

Usutsaha udhiɓitifu, wawe shiumbe ndzijinga, amba uaminifu kawaɗungwa na zitrendro, uwo kauna mana?

LUKASI 19:22

Wakati ule murumisa ule amuambia: ‹Nisuhunamua ha yamarongozi yaho yao, wawe murumizi wa peu! Wakojua amba wami mutru muhali nirengao iyo ilio amba tsailisha, tsena nivunao iyo ilio amba tsaitaɓu.

1 MAKORINTIYO 7:16

Wawe mutrumushe, usujua jeje neka utsohuyi mume waho? Na wawe mutrumume, usujua jeje neka utsohuyi mushe waho?

LUKASI 12:14

Ɓadi Insa amudjiɓu: «Ɓaɓa, mbani ɗe anilisha nike munamuzi wanyu, au muãnisa mali wanyu?»

MAROMU 2:2

Na wasi risujua amba ha ukweli ɗe Mungu anamuao watru wafanyao trongo mauri ɗe zizo.

MAROMU 3:9

Ɓasi v̄av̄o trini? Hali v̄anu wasi Mayahudi ra uju mwa wanyatru? Ata hata! Mana madza tsionesa amba wanadamu piya, yaãni, Mayahudi na tsi Mayahudi, rishilidziwa piyasi na maãswi.

MAROMU 14:22

Uaminifu waho ulionawo, usike uke waho mbeli za Mungu. Furaha uwo kasudzituhumia na izo aonao amba ndjema.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.