MAROMU 1:6 - Ha`bari Ndjema ya I Maore

⁶ Wanyu wajau mwa mengoni mwao, wanyu mwahirwa muke wa Insa-Kristi.

MAROMU 1:6 Referans Kwoze

MUV̄ENULIO 17:14

Watsofanya kondro kinyume na uMwana Ɓariɓari, na uMwana Ɓariɓari atsowashindra, mana waye Raɓi wa yamaraɓi, tsena Mufalume wa yamafalume, na v̄umoja na waye, wao wahiriwa, watsahulwa, uwaaminifu.»

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

2 MONYE 1:10

Ha izo wananyangu, namufanye djitihadi zaidi muyakinishe umuhirio na umutsahulio mwadjaãliwa. Mwamofanya izo, dahari kamutsopuliha.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

1 MAKORINTIYO 1:9

Mungu waye muaminifu, waye amuhirani muke hari mwa uv̄umoja na uMwana wahe Insa-Kristi, Raɓi watru.

1 MONYE 2:21

Na ha iyo ɗe mwahirwa, mana Kristi wajau ne aondesheha ha umufayidishani, amulishiani mufano, ile muɗunge yimirohoro yahe:

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

MAEFESO 1:11

Hari mwa uv̄umoja watru na waye, ripara wajau fungu latru la umwaratha, wasi ratsahulwa rangu kaɓula, ha uɗunga mupango wa Uwo arendrao piya ha ulingana na inia ya mav̄endzeleo yahe,

2 MATESALONIKA 2:14

Ɗe ha izo tsena ɗe amuhirani ha indzia ya Indjili yatru, ile mupare utukufu wa Raɓi watru Insa-Kristi.

1 MATESALONIKA 2:12

rimutriani ɓari, rimutrulidzani, rimusariɓiani ha kusudi mudziv̄inge ha namuna yamustahiki Mungu alio amba asumuhirani murenge fuvu hari mwa utawalizi wahe na utukufu wahe.

MAKOLOSIYA 1:6

Indjili ini imujiliani, mauri ɗe inamuna iv̄ingao mavuna na urandra hari mwa ulemengu kamili. Ɗe inamuna iyo wajau hari mwanyu, rangu isuku mwakia tsena mwajua urehema wa Mungu ha ukweli wawo.

MAGALATWIYA 1:6

Nisushanga ha upesi trini muɓauhao Uwo alio amba amuhirini ha ineema ya Kristi, ha uendra hari mwa Haɓari Ndjema yangina.

MAROMU 9:24

Wasi ra moni v̄av̄o wajau, wasi rilio amba arihiri, tsi tu amba hari mwa yaMayahudi, ɓadi tsena hari mwa zinishani zangina.

MAKOLOSIYA 1:21

Na wanyu mulio amba nyumeni hule muka mutengeha, tsena muka maãduwi ha zifikira zanyu na zitrendrwa mbovu zanyu,

YUDA 1:1

Wami Yuda, murumishi wa Insa-Kristi, tsena mwananyahe wa Yakoɓu, nisuangishia wao wahiriwa amma wav̄endzewa wa Mungu ne ɗe Ɓaɓa, tsena wahetsiwa amba wa Insa-Kristi: