MAROMU 1:16 - Ha`bari Ndjema ya I Maore

¹⁶ Kweli amba tsisuonea haya iIndjili, mana uwo ushindzi wa Mungu ha uhuyifu wa yotsi aaminio, rangu Muyahudi ata uwo kasi.

MAROMU 1:16 Referans Kwoze

MARKUSI 8:38

Mutru aonao haya ha siɓaɓu ya wami na yamarongozi yangu mbeli za uwatru tsi maaminifu maãswifu wa lidunia la leo lini, ɓasi uMwana wa Mwanadamu atsoona haya wajau ha siɓaɓu ya mutru ule wakati atsojao hari mwa utukufu wa Ɓaɓahe v̄umoja na zimalayika ndzitwaharifu.»

2 TIMUTAUSU 1:8

Ɓasi usuone haya umulawia ushahidi Raɓi watru, wala wami nilio mufungwa ha siɓaɓu ya waye, ɓadi ondesheha v̄umoja na wami ha tanafu ya iIndjili, ha ushindzi wa Mungu.

1 MONYE 4:16

ɓadi neka amba iv̄o alio mutru wa Kristi, asuone haya; v̄av̄o waye namutukuze Mungu iv̄o av̄inga lidzina lilo.

2 TIMUTAUSU 1:12

Na iyo ɗe imana ata niparwao na maondo yanu, ɓadi tsisuyaonea haya, mana nisujua uwo namuamini, tsena tsina yakini amba ana ushindzi wa usika iyo nadhwaminishiwayo ata mupaka Suku iyo.

LUKASI 9:26

Mutru yotsi aonao haya ha siɓaɓu ya wami na marongozi yangu, ɓasi uMwana wa Mwanadamu atsomuonea haya wajau amoja hari mwa utukufu wahe, na wa Ɓaɓa, na wa zimalayika ndzitwaharifu.

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

1 MAKORINTIYO 2:4

Hutuɓa yangu na mujudzio wa ihaɓari wangu kazaka zaketsi hari mwa marongozi yendza hikima yaswadikishao, ɓadi hari mwa uv̄enufu wa iRoho ya Mungu v̄umoja na ushindzi,

1 MAKORINTIYO 2:2

Mana tsiãzimia nasujuwe trongo yangina hanyuju neka tsi Insa-Kristi, waye alio amba aremwa mizumari hari mwa muri wa pawa.

MAROMU 10:17

V̄av̄o uaminifu uja ha iyo mutru akiao, na iyo mutru aikiao, uja ha umutekelezeyo wa urongozi wa Kristi.

MAHEƁRANIYA 4:12

Mana urongozi wa Mungu uwo wa hayi, wa hazini, tsena usutsindza rahana sembea lendza nguso mbili; uwo ungia ata utsapua umo na iroho, na zizifungo na yamatra ya miɓa; uwo unamua zifikira na zinia za iroho.

1 MAKORINTIYO 15:2

na ha wiyo tsena muna uhuyifu, neka musuisika mauri ɗe iheli namujudzaniyo. Neka tsi ɗe namuna iyo, itsoka amba v̄av̄o muamini ɓila tanafu itsokao yotsi.

MAGALATWIYA 1:7

Tsi amba v̄wa Haɓari Ndjema yangina, ɓadi v̄wa wamuɓaɓanisaoni, watsahao wagaudze iIndjili ya Kristi.

MAROMU 2:9

Matreso na utungu ha mutru yotsi arendrao mbovu, raɓuzi ha uMuyahudi|Muyahudi, iv̄o ha uwo kasi.

MAV̄INGIZI-RISALA 3:26

Ɗe hanyuju kadimu ɗe Mungu av̄enusa umurumishi wahe, amuv̄eleha amuɓarikini ha uzingisa kula moja hari mwanyu na zimbovu zahe.»

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

1 TIMUTAUSU 1:11

walingana na iIndjili ndzitukufu ya Mungu Monyewe ɓaraka, ilio amba tsidhwaminishiwayo.

2 MAKORINTIYO 9:13

Ha udhiɓitifu wa urumishi wanyu uwo, wao wasumutukuza Mungu ha siɓaɓu ya utuĩvu wanyu wamuv̄ingani mukuɓali ha dhwahiri iIndjili ya Kristi na ha siɓaɓu ya utolezi musada wanyu ha uwengi hawoju, na ha piya.

2 MAKORINTIYO 2:12

Uwaswili yangu Troasi ha siɓaɓu ya iIndjili ya Kristi, tsipara amba tsiɓuliwa mulongo na *Raɓi wa umurumishia.

1 MAKORINTIYO 9:18

Ɓasi shiliv̄o yangu ɗe iv̄i? Ɗe wami utamania ɓure-ɓure iIndjili niijudzao, wala tsi ha urumia ukamilifu wa zihaki nastahikiwa hari mwa iIndjili iyo.

1 MAKORINTIYO 9:12

Neka wasalia wana ruhusa ya upara fungu hanyu, ɓasi wasi karisinayo zaidi rahana wao? Ɓadi kararumia ruhusa iyo. Ɗe ikinyume, risustahamili piya ile rasutriye kale iIndjili ya Kristi.

MAROMU 15:29

Na wami nisujua amba namoja nimuoneneni, nitsoja v̄umoja na ɓaraka ndzikamilifu ya Kristi.

MAROMU 15:19

tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.

2 TIMUTAUSU 1:16

Raɓi naenedze urehema wahe hari mwa umuraɓa wa Onesiforu, mana anitria ɓari mara nyengi, wala kaona haya na silisili zangu.

MAROMU 4:11

Ne apara iãlama ya utahiri amba ike muhuri ushadidishao muhakisho wahe mbeli za Mungu ha siɓaɓu ya uaminifu wahe rangu raha kaka atahiriwa. Ha izo afanyiha ɓaɓa wa piya wao waaminio ɓila utahiriwa, ile wapare muhakisho mbeli za Mungu wajau.

YUHANI 7:35

Mayahudi yaambiana: «Hav̄i ɗe atsendrao ata karitsomupara? Saɓu katsendra ha wale waẽshio hari mwa yaMagiriki, andra asomedza yaMagiriki?