MAROMU 1:1 - Ha`bari Ndjema ya I Maore

¹ Wami Ɓaulusu, murumishi wa Kristi-Insa|Kristi, nahirwa nike Muv̄ingizi-Risala, tsena nahetsiwa nijudze iHaɓari Ndjema ya Mungu,

MAROMU 1:1 Referans Kwoze

MAV̄INGIZI-RISALA 9:15

Ɓadi Raɓi amuambia: «Endra, mana mutru uwo, waye shombo naitsahua ajudze lidzina langu ha zinishani zangina, ha yamafalume, na ha uwana wa Israila.

MAROMU 15:16

Anidjaãlia ineema ya uka murumishi wa Kristi-Insa ha zinishani zangina. iHazi nadjukumisiwayo ya utolezi masadaka, ɗe ujudza iIndjili ya Mungu, ile watru wa zinishani zangina wake sadaka lakuɓalishiwa na Mungu, latwaharishiwa na iRoho Ndzitwaharifu.

1 MAKORINTIYO 1:1

Wami Ɓaulusu nahiriwa ha yamav̄endzeleo ya Mungu nike Muv̄ingizi-Risala wa Kristi-Insa, v̄umoja na umwananya wa shi uaminifu Sustani,

MAKOLOSIYA 1:1

Wami Ɓaulusu, Muv̄ingizi-Risala wa Kristi-Insa ha yamav̄endzeleo ya Mungu, v̄umoja na umwananya wa shi uaminifu Timutausu,

TITUSA 1:1

Wami Ɓaulusu, murumishi wa Mungu amma Muv̄ingizi-Risala wa Insa-Kristi amba niv̄inge wao watsahulwa na Mungu hari mwa uaminifu na ujuzi wa ukweli walingana na iĩɓada.

MAROMU 1:9

Mungu nimurumishiao rohoni hangu ha ujudza iIndjili ya uMwana wahe, a shahidi wangu amba ha daima wami umumiliani.

2 MAKORINTIYO 1:1

Wami Ɓaulusu, Muv̄ingizi-Risala wa Kristi-Insa|Kristi ha yamav̄endzeleo ya Mungu, na umwananya wa shi uaminifu Timutausu, risumuangishiani wanyu iDjama Ndziwaminifu ya Mungu ilio Korintiyo, v̄umoja na piya maaminifu walio hari mwa iAkaya|Akaya kamili.

1 MAKORINTIYO 9:1

Hali tsisi hari mwa unafasi? Hali wami tsi Muv̄ingizi-Risala? Hali tsamuona Insa, Raɓi watru? Hali wanyu tsi mavuna ya urumishi wangu ha Raɓi?

2 TIMUTAUSU 1:11

Ɗe ha iIndjili iyo ɗe nalishwa mujudzizi, Muv̄ingizi-Risala amma musomedza.

1 TIMUTAUSU 1:1

Wami Ɓaulusu, Muv̄ingizi-Risala wa Kristi-Insa ha ãmuri ya Mungu Muhuyifu watru, na ya Kristi-Insa itama yatru,

MAGALATWIYA 1:1

Wami Ɓaulusu, Muv̄ingizi-Risala, trongo kayalawa ha wanadamu, wala ha indzia ya mwanadamu, ɓadi ha Insa-Kristi|Insa na Mungu Ɓaɓa, amuregeza hayi ulawa ha uwafu,

1 TIMUTAUSU 2:7

Ushahidifu ulio amba wami tsifanyiha mujudzizi na Muv̄ingizi-Risala wawo, nisurongoa kweli ɓadi tsi trambo, tsena musomedza ha watru wa nishani zangina yahusu uaminifu na ukweli.

1 MATESALONIKA 2:2

Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole.

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

MAFILIPI 1:1

Ɓaulusu na Timutausu, warumishi wa Kristi-Insa, ha piya watwaharifu hari mwa uv̄umoja wawo na Kristi-Insa walio ɗagoni Filipi, ha yamadhwamana na wasaidizi:

MUV̄ENULIO 1:1

Shio ini isuv̄inga umuv̄enulio ha Insa-Kristi, ulio amba Mungu amuv̄a aonese warumishi wahe izo zijao zihidjiri tsi hale. Aujudza ha ndzia ya malayika yahe aiv̄eleha ha murumishi wahe Yuhani,

YUDA 1:1

Wami Yuda, murumishi wa Insa-Kristi, tsena mwananyahe wa Yakoɓu, nisuangishia wao wahiriwa amma wav̄endzewa wa Mungu ne ɗe Ɓaɓa, tsena wahetsiwa amba wa Insa-Kristi:

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

YAKOƁU 1:1

Wami Yakoɓu, murumishi wa Mungu amma wa Raɓi Insa-Kristi, ha zingudjama kumi na mbili zatsambadziwa ulemenguni. Salamu ju lanyu.

MAHEƁRANIYA 5:4

Na kav̄u mutru adziv̄ao monyewe isheo iyo, mutru uhiriwa na Mungu akaneyo, mauri ɗe Haruna waye-waye.

MAFILIPI 2:11

tsena kula hanyo ikuɓali ha hadhwira amba Insa-Kristi ɗe Raɓi, ha utukufu wa Mungu amma Ɓaɓa.

MAEFESO 4:11

Waye ɗe afanya amba ɓaãdhwi wake Mav̄ingizi-Risala, wasalia wake watru wajudzao marongozi washukidziwawo, wasalia amba wajudzizi wa iHaɓari Ndjema, na wasalia amba watsunga, iv̄o watru wasomedzao waaminifu,

MAEFESO 1:13

Wanyu wajau hari mwa uv̄umoja wanyu na waye ɓaanda mwakia urongozi wa ukweli, ne ɗe iIndjili ya ukombofu wanyu, ɓasi hari mwa uv̄umoja uwo, mungia hari mwa uaminifu, tsena muremwa muhuri ha iRoho Ndzitwaharifu yaka yatolwa wahadi.

2 MAKORINTIYO 12:11

Tsika tsifanyiha mujinga, na wanyu ɗe mwaka mwanitsongesha. Kweli amba ika ilazimu wanyu ɗe munisifu, mana tsaka muv̄ungufu rahana «mav̄ingizi-risala wahu» wale hari mwa itsokao yotsi, wala ukana wami tsi shitru.

2 MAKORINTIYO 11:5

Ne tsisuona amba tsa muv̄ungufu hari mwa itsokao yotsi ulawana na «mav̄ingizi-risala wahu» wale.

2 MAKORINTIYO 4:5

Kweli amba tsi ɗe wasi wenyewe ɗe ridzijudzao; risumujudza Insa-Kristi amba waye ɗe Raɓi, na wasi ra warumwa wanyu ha siɓaɓu ya Insa.

MAROMU 1:16

Kweli amba tsisuonea haya iIndjili, mana uwo ushindzi wa Mungu ha uhuyifu wa yotsi aaminio, rangu Muyahudi ata uwo kasi.

MAV̄INGIZI-RISALA 22:21

Ɓadi Raɓi aniambia: ‹Endra, nitsohuv̄eleha mbali ha nishani zangina.› »

MAV̄INGIZI-RISALA 22:7

Sa ile tsiwu v̄otsi, tsikia ji laniambia: ‹Saulusu, Saulusu, mana trini unitresao?›

MAV̄INGIZI-RISALA 20:24

Ɓadi tsisuona uhayati wangu amba muhimu au na faida itsokao yotsi na wami, neka tsi ɗe wami utsimidza umwendro wangu, nendre ata nimalidze ihazi nadhwaminishiwayo na Raɓi Insa, ɗe ujudza iHaɓari Ndjema ya ineema ya Mungu.

MUV̄ENULIO 22:9

Ɓadi iniambia: «Usufanye trongo iyo! Wami murumishi munyaho, na wa wanyaho wao washukidziwa marongozi ya shi mutrume, na wao wasikao marongozi ya ishio ini. Muãɓudu ɗe Mungu!»

MAKOLOSIYA 1:25

Tsifanyiha murumishi wayo ulawana na lidjukuma Mungu anidhwaminisha ha tanafu yanyu, amba nitsimidze utekeleza urongozi wa Mungu,

MAEFESO 1:1

Wami Ɓaulusu, Muv̄ingizi-Risala wa Kristi-Insa ha mav̄endzeleo ya Mungu, nisuangishia watwaharifu amma waaminifu hari mwa uv̄umoja na Kristi-Insa [ɗagoni Efeso]:

MAROMU 16:25

Natukuzihe uwo aliona ushindzi wa umuhodarishani, ha uɗunga iIndjili niijudzao yamuhusu Insa-Kristi, yalingana na izo zav̄enulwa zapatana na isiri yaka yasikwa rangu daima,

MAROMU 16:18

Mana watru mauri ɗe wao kawasumurumishia Raɓi watru Kristi, ɓadi ɗe zimimba zawo. Ha marongozi mema yendza sifa, wao udanganya ziroho za wao kawafikiri.

MAROMU 15:29

Na wami nisujua amba namoja nimuoneneni, nitsoja v̄umoja na ɓaraka ndzikamilifu ya Kristi.

MAROMU 11:13

Av̄asa nisumuambiani wanyu tsi Mayahudi: Rangu nilio Muv̄ingizi-Risala ha zinishani zangina, nisutukuza ihazi nadhwaminishiwayo,

MAV̄INGIZI-RISALA 27:23

Mana uku v̄anu v̄univ̄enushia malayika ya Mungu alio amba wami wahe, tsena nisumurumishia.

MAV̄INGIZI-RISALA 26:1

Sa ile Agripaso amuambia Ɓaulusu: «Utsojua ulaguwe udziwaniliye.» Ɓas, Ɓaulusu adzua umuhono, adziwanilia namuna ini:

MAV̄INGIZI-RISALA 13:9

Ɓas Saulusu, ule akohiriwa tsena Ɓaulusu, ajaya iRoho Ndzitwaharifu, amureme matso, amwesa amuambia:

YUHANI 15:15

Tsisumuhirani tsena warumizi, mana murumizi kaji trongo murumisa wahe aifanyao. Ɓadi tsimuhirini wandzani, mana tsimujudzani piya izo nakia ha Ɓaɓangu.

YUHANI 12:26

Neka mutru asutsaha anirumishiye, naniɗunge; na v̄ahali nilio, v̄av̄o wajau ɗe v̄ahali murumishi wangu atsokao. Neka mutru asunirumishia, Ɓaɓangu atsomuhishimu.

MUV̄ENULIO 22:6

Amwesa iniambia: «Marongozi yao yastahiki uaminifu, tsena kweli. Mola, Mungu wa ziroho za wao washukidziwa marongozi, av̄eleha malayika yahe ionese warumishi wahe izo zalazimu zije tsi hale.»

MAHEƁRANIYA 7:26

Muɓole wa Matolezi-Masadaka mauri waye ɗe akorilazimu: mutwaharifu, kana kosa wala pandra, aɓauhana na maãswifu, tsena ahedzewa uju rahana zimbingu.

MAV̄INGIZI-RISALA 26:14

Sa ile piyasi riwu v̄otsi, amwesa tsikia ji lakoniambia ha Shiheɓraniya: ‹Saulusu, Saulusu, manatrini unitresao? Ndziro hahoju wawe uwana kinyume na ishengwe.›

MAV̄INGIZI-RISALA 21:40

Shitswa wa madjeshi ule amuv̄a iruhusa; ɓas, Ɓaulusu alimbala hari mwa zipandro zile, adzulia umuhono idunia. Sa ile v̄ufanyiha zi kamili; ɓas, Ɓaulusu awaambia ha luha ya Shiheɓraniya:

YUHANI 15:20

Namunahane urongozi namuambianiwo: ‹Murumishi tsi muɓole rahana murumisa wahe.› Neka wanitrese, watsomutresani wajau. Na neka watuĩ urongozi wangu, watsotuĩ wajau wanyu.

MARKUSI 1:14

Ɓaanda ya Yahaya ufungwa, Insa andre Galilaya, akojudza iHaɓari Ndjema ya Mungu.

2 MAKORINTIYO 2:12

Uwaswili yangu Troasi ha siɓaɓu ya iIndjili ya Kristi, tsipara amba tsiɓuliwa mulongo na *Raɓi wa umurumishia.

2 MAKORINTIYO 11:7

Au v̄av̄o tsiãswi iv̄o nadzishukidza wami-wami ile muhedzewe, umujudzani yangu ɓila uliv̄isa iIndjili ya Mungu? Ata hata.

1 MATESALONIKA 2:8

Ha uv̄endza rilionayo na wanyu, rakojiv̄iwa rimuv̄eni tsi tu amba iHaɓari Ndjema ya Mungu, ɓadi tsena ata ziroho zatru, ha ikiasi mwaka mwafanyiha wav̄endzewa hatruju.

1 MATESALONIKA 2:9

Kweli amba musunahana, wananya wa shi uaminifu, ihazi na usongefu rakanawo; rakodziruma uku na mutsana, ile rasuke djukumani ha mutru atsokao yotsi hari mwanyu, mulio amba rimutekelezeani iIndjili ya Mungu.

1 MONYE 4:17

Mana uwo ɗe uwakati ihukuma ya Mungu iandrisao hari mwa umuraɓa wahe. Na neka hari mwa wasi ɗe iandrisao, v̄av̄o utsoka jeje umwiso wa wao waharao utuĩ iIndjili ya Mungu?