MAKOLOSIYA 3:15 - Ha`bari Ndjema ya I Maore

¹⁵ Utrulivu wa Kristi ulio amba muhiriwa mukanewo ile mufanyihe mwili moja, nautawale rohoni hanyu. Namuke wendza himida.

MAKOLOSIYA 3:15 Referans Kwoze

YUHANI 14:27

Nisumulishiani utrulivu wa roho, nisumuv̄ani utrulivu wangu; tsisumuv̄aniwo mauri ɗe inamuna ulemengu uv̄ao. Roho yanyu isuhafilihe, wala isuke na trisidzo.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

1 MATESALONIKA 5:18

hali yotsi mutsokao namushukuriye, mana hanyuju yao ɗe mav̄endzeleo ya Mungu hari mwa uv̄umoja na Kristi-Insa.

MAROMU 5:1

Ɓasi ha iv̄o rihakishiha mbeli za Mungu ha uaminifu watru, v̄av̄o ripara amani haheju ha ndzia ya Raɓi watru Insa Kristi.

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

YUHANI 16:33

«Tsimuambiani trongo izo, ile pare mukane utrulivu wa roho hari mwa uv̄umoja wanyu na wami. Mutsoka hari mwa usongefu ulemenguni v̄anu, ɓadi namudzitriye ɓari! Wami madza tsishindri ulemengu.»

MAEFESO 5:20

Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.

2 MAKORINTIYO 9:11

Ha izo mutsotadjiriha hari mwa piya, pare muke watolezi musada wa kula namuna ha uwengi. Na umusada wanyu uwo utsov̄ingwao na wasi utsotsongesha himida ha Mungu.

MAEFESO 4:4

V̄wa mwili moja na Roho moja, mauri ɗe inamuna ilio amba itama mwahiriwa nayo moja, ne ɗe ile ya umuhirio wanyu.

MAROMU 14:17

Mana Utawalizi wa Mungu tsi ɗe uɗya na unwa, ɓadi ɗe uhaki, amani, na furaha, ha iRoho Ndzitwaharifu.

1 TIMUTAUSU 2:1

Kaɓula ya kula trongo, nisutsaha v̄uv̄elehwe ha Mungu hadja, mamilio, mirayilio, v̄umoja na himida ya wanadamu piya.

MAKOLOSIYA 2:7

Namudzisise mizi na udziundra hari mwa uv̄umoja na waye, namudzihodarishe hari mwa uaminifu ha ulingana na iyo mwasomedzewa, na uzidishiha hari mwa himida.

MAEFESO 5:1

V̄av̄o namuke watiɓizi wa Mungu, iv̄o mulio wana wav̄endzewa wahe.

2 MAKORINTIYO 4:15

Piya zizo ɗe ha siɓaɓu ya wanyu pare irehema, ha uendra na ujilia indadi zaidi na zaidi ya watru, izidishe umuhimidio, ha utukufu wa Mungu.

MUV̄ENULIO 7:12

ha urongoa: «Amina! Sifa, utukufu, hikima, uhimidifu, hishima, ushindzi na nguvu nazimuendreleye Mungu watru mida ha mida. Amina!»

MAEFESO 4:16

Ɗe ha waye ɗe umwili piya ha ukamilifu wawo waungatsiha na ufungiha hodari ha piya zifungo zilio moni mwawo. Ha izo, neka kula shiga isufanya ihazi yayo heli yalazimu, ɓasi piya umwili uhua na uhodarishiha hari mwa mahaɓa.

MAKOLOSIYA 1:12

Namumuhimidiye Ɓaɓatru Mungu amushindrisani ustahiki upara fungu hari mwa umwaratha wa watwaharifu hari mwa iheu.

MAHEƁRANIYA 13:15

Ɓasi ha indzia yahe Insa, narimutamaniye Mungu dahari sadaka la sifa, ne ɗe mavuna ya hanyo zatru zikuɓalio ha hadhwira dzina lahe.

1 MAKORINTIYO 7:15

Ɓadi neka ule tsi muaminifu asudziɓausa, nadziɓause. V̄av̄o umwananya mutrumume au mutrumushe hari mwa uaminifu kafungamanisiha. Mana Mungu arihiri riẽshi hari mwa amani.

MAROMU 1:21

Mana ata ha iv̄o wamujua Mungu, ne kawamutukuza amba Mungu, wala kawamuhimidia, ɓadi walatsiha hari mwa fikira kazina mana zawo na inafusi yendza ujinga yawo ifinikiha na shidza.

1 MAKORINTIYO 10:17

Ɓasi iv̄o v̄ulio dipe moja, wasi ha uwengi watru, ra mwili moja, mana piyasi risurenga fuvu hari mwa dipe moja lilo.

1 TIMUTAUSU 6:12

Wanilia ikondro ndjema ya uaminifu, usike uhayati wa daima ulio amba uhiriwa uke nawo, na ha uwo ɗe wafanya mukuɓalisho mwema mbeli za mazahidi ha uwengi.