MAKOLOSIYA 2:11 - Ha`bari Ndjema ya I Maore

¹¹ Hari mwa uv̄umoja na waye raha, wanyu mutahiriwa|utahiri, wala tsi matahiri yafanyiwa ha mihono ya wanadamu, ɓadi ɗe mutru utolewa ushindzi wa itaɓia ya shiuɓinadamu; na yao ɗe matahiri ya shiKristi.

MAKOLOSIYA 2:11 Referans Kwoze

MAROMU 2:29

Ɓadi uMuyahudi ɗe wa moni, na utahiriwa ɗe wa iroho, trongo ifanyiwao na iRoho Ndzitwaharifu, wala tsi ha ulingana na shitru yaangihwa. Sifa ya mutru mauri ɗe uwo kailawa ha wanadamu, ɓadi ha Mungu.

MAFILIPI 3:3

Mana watahiriwa wa kweli ɗe wasi, wasi riãɓuduo ha iRoho ya Mungu, ridzifaharishao hari mwa uv̄umoja watru na Kristi-Insa, tsena rilio amba karisutria tama yatru hari mwa uɓinadamu.

MAEFESO 4:22

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu,

MAROMU 6:6

Risujua amba utru watru wa ãswili uremwa mizumari v̄umoja na waye hari mwa umuri wa pawa, ile itaɓia ndziãswifu yatru iangamidziwe, rasuke tsena warumwa wa dhambi.

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAGALATWIYA 2:20

v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami.

2 MAKORINTIYO 5:17

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

MAHEƁRANIYA 9:24

Kweli amba Kristi waye kangia moni na Pa Dzitwaharifu lafanyiwa ha mihono ya wanadamu, lilio mufano wa lile lilio la kweli, ɓadi angia pev̄oni swafi-swafi, ile adziv̄enuwe av̄asa mbeli za Mungu ha faida yatru.

MAHEƁRANIYA 9:11

Ɓadi Kristi waye aja amba Mutolezi-Masadaka Muɓole wa zindjema madza zilio v̄av̄o. Av̄iri hari mwa nyumba ya haima iɓole tsena indzikamilifu, ilio amba kayafanyiwa ha mihono ya wanadamu, yaãni tsi ya liɓuumbio lini,

2 MAKORINTIYO 5:1

Mana wasi risujua amba neka liɓanga la haima lini riliketsiao ulemenguni v̄anu liangamidziwa, rina pev̄oni v̄ahanu v̄wa uketsi v̄wafanyiwa na Mungu, makazi ya daima kayafanyiwa ha yimihono ya wanadamu.

MAV̄INGIZI-RISALA 17:24

Mungu aumba lidunia na piya zilio moni, waye ɗe Mola wa uwingu na ishiv̄andre ya tsi, na waye kaẽshi hari mwa nyumba za uãɓudu zafanyiwa ha mihono ya wanadamu.

MAV̄INGIZI-RISALA 7:48

Na v̄ale, Monyewe Uju rahana Uju kaketsi v̄ahanu v̄wafanyiwa ha mihono ya wanadamu, mauri ɗe iheli umutrume arongoa:

LUKASI 2:21

iSuku ya nane yamopara atahiriwa, av̄olwa lidzina la Insa, dzina laka lajudziwa mayahe na imalayika kaɓula ya waye umumira.

MARKUSI 14:58

«Rimukia iv̄o arongoa: ‹Nitsokomoa iNyumba Ndzitwaharifu ini yafanyiwa ha muhono wa mwanadamu, na hari mwa suku traru nitsoundra yangina ilio amba kaitsofanyiwa ha muhono wa mwanadamu.› »

MAROMU 7:24

Masikini wami! Mbani ɗe atsonikomboao na umwili unu univ̄ingao hari mwa ufa?

MAKOLOSIYA 3:5

Ɓasi namuule zitrongo za itaɓia ya shiduniani mulionayo, mauri: uzani, utshafi, taɓia za shahawa, ngushauku mbovu na uv̄endza-upara, ilio sawa na uãɓudu masanamwe.