MAKOLOSIYA 1:9 - Ha`bari Ndjema ya I Maore

⁹ Iyo ɗe imana ata wasi wajau, rangu isuku raikia, karisuzia umumiliani Mungu na utsaha amba mujadziwe ujuzi wa mav̄endzeleo yahe, ha kula hikima na ushindzi wa uelewa shiroho,

MAKOLOSIYA 1:9 Referans Kwoze

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

YAKOƁU 1:5

Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo.

MAKOLOSIYA 4:5

Namudziv̄inge v̄umoja na hikima mbeli za wao walio v̄ondze. Namurumiye ha uzuri uwakati mulionawo.

MAHEƁRANIYA 13:21

namudjaãliyeni ushindzi wa kula ndjema itsomuruhusunio mufanye mav̄endzeleo yahe; nafanye moni hatru izo zimujiv̄iao, ha indzia ya Insa-Kristi, alio amba haheju utukufu naumuendreleye ha daima. Amina.

1 MONYE 2:15

Mana mav̄endzeleo ya Mungu ɗe amba ha ufanya ndjema, muɓale ihanyo ya ujinga wa yamalaɓa.

2 MATESALONIKA 1:11

Iyo ɗe imana dahari rimufanyiaoni mamilio, ile Mungu watru amuoneni amba mustahiki muhirio wahe, tsena atsimidze ha ushindzi wahe kula nia ndjema mulionayo, na kula shitrendro muifanyao ha uaminifu.

1 MATESALONIKA 5:17

mufanye mamilio ɓila uzia,

1 YUHANI 5:20

Risujua raha amba uMwana wa Mungu aja, tsena ariv̄a iãkili ya ujua Uwo alio wa kweli. Na wasi rina uv̄umoja na Uwo alio wa kweli, ha wasi ukana uv̄umoja na uMwana wahe Insa-Kristi. Waye ɗe uMungu wa kweli, amma uhayati mukamilifu wa daima.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

MAHEƁRANIYA 10:36

Ilazimu mukane ustahamilivu, ile ɓaanda mwafanya mav̄endzeleo ya Mungu, mupare iyo yatolwa wahadi.

MAFILIPI 1:4

Kula namomumiliani piyanyu, wami umilia ha furaha,

FILIMUNA 1:4

Nisumushukuria Mungu wangu kula sa namohunahana hari mwa mamilio yangu,

MAEFESO 6:6

Tsi amba matsoni hawo tu mauri musutsaha mujiv̄idze wanadamu, ɓadi mauri warumwa wa Kristi, wafanyao ha piya umo wawo mav̄endzeleo ya Mungu.

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

1 YUHANI 2:17

liDunia lisuv̄ira, na ngushauku zalo wajau. Ɓadi monyewe ufanya mav̄endzeleo ya Mungu, waye uɓaki dahari.

1 MONYE 4:2

ile aẽshi tsi ha zingushauku za wanadamu, ɓadi ha uɗunga yamav̄endzeleo ya Mungu hari mwa uwakati wamuɓakia aẽshi hari mwa umwili.

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

MAKOLOSIYA 1:6

Indjili ini imujiliani, mauri ɗe inamuna iv̄ingao mavuna na urandra hari mwa ulemengu kamili. Ɗe inamuna iyo wajau hari mwanyu, rangu isuku mwakia tsena mwajua urehema wa Mungu ha ukweli wawo.

MAEFESO 5:17

Ɓasi v̄av̄o, mwasuke ɓila ãkili, ɓadi namuelewe amba mav̄endzeleo ya Mola ɗe yav̄i.

MAEFESO 5:10

Namutsahe mujuwe zimujiv̄iao Raɓi;

MAEFESO 1:8

ulio amba arieneseawo ha uwengi hari mwa piya zihikima na zingujuzi.

YUHANI 7:17

Mutru atsahao afanye mav̄endzeleo yahe waye Mungu, atsojua neka musomo wangu ulawa ha Mungu, au neka nisulagua ha iwami yangu.

1 MAKORINTIYO 1:5

Mana hari mwa uv̄umoja na waye, mudjaãliwa kula utadjirifu wa kula urongozi na kula ujuzi,

MAV̄INGIZI-RISALA 12:5

Ɓas, Monye aka aɓaliwa shiv̄ani, na iDjama Ndziwaminifu yakomumilia Mungu ha djitihadi ɓole.

FILIMUNA 1:6

Nisumia Mungu amba murengeo-fuvu waho hari mwa uaminifu uhuv̄ingiye ujuzi mukamilifu wa kula ndjema rilionayo hari mwa uv̄umoja watru na Kristi.