MAKOLOSIYA 1:6 - Ha`bari Ndjema ya I Maore

⁶ Indjili ini imujiliani, mauri ɗe inamuna iv̄ingao mavuna na urandra hari mwa ulemengu kamili. Ɗe inamuna iyo wajau hari mwanyu, rangu isuku mwakia tsena mwajua urehema wa Mungu ha ukweli wawo.

MAKOLOSIYA 1:6 Referans Kwoze

YUHANI 15:16

Wanyu tsi ɗe mwanitsahua, ɓadi wami ɗe namutsahuani, tsena namuhetsini mwendre muv̄inge mavuna, na mavuna yanyu yaẽshi, pare trongo yotsi mutsomumiao Ɓaɓa ha lidzina langu, amutakaɓaliyeniyo.

MAFILIPI 1:11

amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

1 MONYE 5:12

Ɗe ha umusada wa Silvanus nimurengao amba mwananya muaminifu, ɗe nimuangishiaoni wana mistari wanu, ile nimutriyeni ɓari na ulawa ushahidi amba iyo ɗe irehema ya kweli ya Mungu ɗe mwadzifungamanisa nayo.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAROMU 16:26

ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

MAROMU 1:13

Wananyangu, tsisutsaha yaka amba kamusujua amba mara nyengi nakoka na inia ya uja hanyu, ile nirundre wana mavuna hari mwanyu, mauri ɗe hari mwa zinishani zangina tsi Mayahudi; ɓadi ata upara av̄asa tsashindra.

YUHANI 4:23

Ɓadi v̄usuja wakati, na uwo madza uja, ulio amba watru waãɓuduo ha kweli, watsomuãɓudu Ɓaɓa ha roho, tsena ha ukweli. Mana watru namuna iyo ɗe Ɓaɓa atsahao wamuãɓudu.

MARKUSI 16:15

Amwesa awaambia: «Namwendre hari mwa lidunia piya, mujudze iHaɓari Ndjema ha kula shiumbe mwanadamu.

MARKUSI 4:8

Yangina iv̄o yapuliha hari mwa trotro ndjema, yameye, yatrendre, ata yadza mavuna: v̄wa yadza thalathini, yangina sitini, na yasalia miya.»

MATIYO 24:14

iHaɓari Ndjema ini ya Utawalizi itsotekelezewa hari mwa ulemengu kamili, ile ike ushahidi ha piya zinishani; v̄av̄o iv̄o ɗe umwiso utsojao.»

2 MATESALONIKA 2:13

Hatruju wasi, risulazimu rimuhimidiye Mungu ha daima ha siɓaɓu ya wanyu wananya wa shi uaminifu wav̄endzewa wa Raɓi, mana Mungu amutsahuani rangu mwandro mupare ukombofu ha iRoho itwaharishao na ha uaminifu wa ukweli.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

1 MATESALONIKA 1:5

Mana iIndjili ramujudzaniyo kayamujiliani amba ha marongozi tu, ɓadi tsena ha ushindzi, ha iRoho Ndzitwaharifu, v̄umoja na yakini yaswafishiha. Mana kweli amba musujua namuna jeje rakoka na wanyu, ha tanafu yanyu.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

MAFILIPI 4:17

Tsi amba nisuzunguha musada; ɓadi iyo niitsahao, ɗe mavuna yazidishihao ha faida yanyu.

MAEFESO 5:9

mana mavuna ya heu ɗe kula uwema, uhaki na ukweli.

MAEFESO 4:23

tsena ilazimu mufanyihe watru wav̄ia hari mwa ziroho na zifikira,

MAEFESO 4:21

Neka anga amba kweli yahusu waye ɗe mwakia, tsena neka amba ha uv̄umoja wanyu na waye ɗe mwasomedzewa ha ulingana na ukweli ulio ha Insa,

2 MAKORINTIYO 10:14

Ha izo, karisutupa mupaka mauri amba karawaswili hanyu, mana kweli amba rija ata mupaka hanyu na iIndjili ya Kristi.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

MAROMU 15:19

tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAV̄INGIZI-RISALA 16:14

Moja mengoni mwawo akohiriwa Lidiya, muɓahazazi wa nguo zakana range ya muzambarao. Aka wa shi Tiyatira, tsena akomuria Mungu. Akorisitamia, na Mola amuɓua iroho yahe, ile akuɓali zitrongo Ɓaulusu akozirongoa.

MAV̄INGIZI-RISALA 12:24

Na uUrongozi wa Mungu wakoenea na uengedzeha.

MAV̄INGIZI-RISALA 11:18

Ɓaanda wakia trongo zile, watrulia, amwesa wamutukuza Mungu ha urongoa: «Ɓasi v̄av̄o Mungu adjaãlia wajau watru wa zinishani zangina wandre toɓa, ndzia iv̄ingao hari mwa uhayati mukamilifu.»

MATIYO 28:19

Ɓas namwendre ha piya zinishani, muwafanye maswihaɓa, muwaɓaĩshe ha lidzina la Ɓaɓa, la uMwana, na la iRoho Ndzitwaharifu,

MAEFESO 3:2

neka amba mwaparokia anga urumishi Mungu anidjaãliawo ha irehema yahe, amba niufanye ha tanafu yanyu.

MAROMU 15:28

Wakati nitsomalidzao itrongo iyo, tsitakaɓadhi mutsango uwo mihononi hawo, nitsolawa nendre Espanya ha uv̄iria hanyu.

YUHANI 17:19

Nisudziv̄a wawe ha siɓaɓu ya wao, pare wao wajau wadziv̄e wawe ha kweli.