MAKOLOSIYA 1:18 - Ha`bari Ndjema ya I Maore

¹⁸ Waye ɗe Shitswa wa umwili, ilio iDjama Ndziwaminifu; waye ɗe umwandro, umudzalwa wa handra alawa ha uwafu, ile hari mwa piya ake ɗe wa handra.

MAKOLOSIYA 1:18 Referans Kwoze

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MAV̄INGIZI-RISALA 26:23

ne ɗe amba uMutsahuliwa atsoondesheha, atsoka ɗe wa handra atsoregezewao hayi ha ulawa ufaju, amwesa amba atsotrangaza iheu ha umati [wa Israila], na ha zinishani zangina.»

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

1 MAKORINTIYO 11:3

Ɓadi nisutsaha mujuwe amba shitswa wa kula mutruɓaɓa ɗe Kristi, shitswa wa mutrumushe ɗe mutrumume, na shitswa wa Kristi ɗe Mungu.

MUV̄ENULIO 22:13

Wami ɗe iAlfa amma iOmega, wa Handra amma wa Hwisa, uMwandro amma uMwiso.

MAEFESO 5:23

Mana mutrumume waye ɗe shitswa wa umutrumushe, mauri ɗe Kristi alio shitswa wa iDjama Ndziwaminifu ilio mwili wahe, waye alio uMuhuyifu wayo.

MUV̄ENULIO 21:6

Aniambia tsena: «Zitsimidziha. Wami ɗe Alfa na Omega, uMwandro, na uMwiso. Uwo aliona nyora, nitsomuv̄a anwe hari mwa lidzitso la maji ya uhayati ɓila uliv̄a.

1 MAKORINTIYO 15:25

Mana ilazimu atawale mupaka ike amba atria piya maãduwi yahe utsini na maharo yahe.

MUV̄ENULIO 11:15

Ɓas, imalayika ya saɓa ivudzia liɓaragumu layo. Na v̄ale v̄ukilihana maji maɓole pev̄oni, yakorongoa: «Utawalizi wa lidunia ufanyiha wa Mwalatru na wa Kristi wahe, na waye atsotawala mida ha mida.»

MUV̄ENULIO 1:18

Uwo alio hayi. Tsifu, na tsami tsa hayi mida ha mida, amwesa tsina yimifunguo ya ufa na ya Uzimu wa wafu.

MUV̄ENULIO 1:8

Mwalatru Monyezi Mungu asurongoa: «Wami ɗe uMwandro, amma uMwiso, Uwo alio, aka, tsena ajao, Monyewe Ushindzi.»

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

MAEFESO 1:10

ile auhidjirise wakati wamopara: ɗe utsanganisa piya, rangu zilio mbinguni ata za shiv̄andreju mwa tsi, zike utsini na Kristi, Shitswa wazo.

YUHANI 1:27

Waye asuja nyuma hangu, na wami tsisustahiki ata uɓulia umukandra wa zikaɓwa zahe.»

YUHANI 1:16

Ha ukamilifu wahe, ridjaãliwa piyasi, neema hari mwa neema.

YUHANI 1:1

Mwandroni Urongozi uka, na Urongozi uka na Mungu, na Urongozi uka Mungu.

MUV̄ENULIO 3:14

«Angishia imalayika ya iDjama Ndziwaminifu ya Laodiseya zini: Tsizini izo zirongolwao na iAmina|Amina, lishahidi dziaminifu, tsena la kweli, koho la liɓuumbio la Mungu.

1 YUHANI 1:1

Trongo ilio amba ika rangu mwandro, trongo raikia, trongo raiona ha yamatso yatru, trongo raistamia na uisika ha yimihono yatru, trongo yahusu Uwo alio Urongozi wa uhayati, ɗe rimujudzaoniyo.

MAROMU 8:29

Mana wao awajua rangu mwandro, awahetsi wajau rangu kaɓula walingane na umufano wa uMwana wahe, ile pare uMwana wahe ake ɗe zuki hari mwa wananya wengi.

MATIYO 23:8

Ɓadi wanyu, mwasutsahe mwahiriwa ‹fundi›, mana Fundi wanyu moja tu, na wanyu piya wananya.

1 MAKORINTIYO 12:27

Ɓasi wanyu ɗe umwili wa Kristi, na kula moja shiga ya umwili uwo.

MAKOLOSIYA 2:19

Na waye kasudzifunga na ishitswa ilio amba ha wiyo, piya umwili wafungamaniha ha uzuri ha zifungo za mwili na yimizi yawo, uhua ha muhulio ulawao ha Mungu.