MAKOLOSIYA 1:14 - Ha`bari Ndjema ya I Maore

¹⁴ alio amba haheju rina ukombofu, ne ɗe umuswamaha wa yamadhambi.

MAKOLOSIYA 1:14 Referans Kwoze

MAEFESO 1:7

Haheju, rina ukombofu ha idamu yahe, muswamaha wa madhambi walingana na utadjirifu wa urehema wahe,

MAHEƁRANIYA 9:22

Ne ɗe ulawana na iSharia, wengi wa zitru utwaharishiwa ha damu, na neka kav̄watriha damu, v̄av̄o kav̄u muswamaha.

MAHEƁRANIYA 9:12

wala tsi ha uv̄inga damu ya mbuzi au ya mwana nyombe ɗe angia mara moja ha piya moni na liPa Dzitwaharifu rahana Dzitwaharifu, ɓadi idamu yahe waye monyewe. Ɗe ha izo ɗe aparia ukombofu wa daima.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.

MAGALATWIYA 3:13

Kristi waye arikomboa na ilaãna ya iSharia ha ufanyiha laãna ɓadala yatru. Mana v̄uangihwa: «Alaãnishiha mutru yotsi alembedzewa hari mwa muri.»

MATIYO 20:28

Iyo ɗe inamuna uMwana wa Mwanadamu kaja arumishiwa, ɓadi aja arumishiye, na udzitoa fidia akombowe wengi wa wanadamu.»

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

1 YUHANI 2:2

Waye-waye ɗe lisadaka liripariao muswamaha madhambi yatru, wala tsi ɗe yatru tu ɓasi, ɓadi wajau na ya ulemengu kamili.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

1 YUHANI 2:12

Nisumuangishiani wana wangu, mana madhambi yanyu yaswamihiwa ha siɓaɓu ya lidzina lahe.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

1 TIMUTAUSU 2:6

adziv̄a waye-waye ake shiliv̄o ya ukombofu wa piya. Uwo ɗe ushahidifu watolewa wakati wawo wahetsiwa.

MAKOLOSIYA 2:13

Na wanyu mwaka mwafa ha siɓaɓu ya mahosa yanyu na iv̄o kamwaka mwatahiriwa shimwili, Mungu amuẽshisani v̄umoja na Kristi ha uriswamihi piya mahosa yatru;

MAEFESO 4:32

Namuke wema na roho zendza poreho wanyu na wanyu; namuswamihiane, mauri ɗe inamuna Mungu amuswamihini ha uv̄umoja wanyu na Kristi.

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAV̄INGIZI-RISALA 10:43

Piya yimitrume wasumulawia ushahidi amba mutru yotsi amuaminio, asupara ha lidzina lahe swamaha la yamadhambi.»

MAKOLOSIYA 3:13

Namustahamiliane wanyu na wanyu, tsena muswamihiane, neka amba v̄wa aliona trongo kinyume na munyahe. Mauri ɗe iheli Mola amuswamihini, namufanye namuna iyo wajau.

MAV̄INGIZI-RISALA 2:38

Monye awadjiɓu: «Namwendre toɓa, amwesa kula mutru hari mwanyu naɓaĩshiwe ha lidzina la Insa-Kristi, ile mupare muswamaha wa yamadhambi yanyu; v̄av̄o mutsodjaãliwa ineema ya iRoho Ndzitwaharifu.

1 YUHANI 1:9

Ɓadi neka risukuɓali madhambi yatru, waye muaminifu, tsena mwendza haki. Ɓasi atsoriswamihi madhambi yatru, na urirahatsa na kula uovu.

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MUV̄ENULIO 14:4

Wao ɗe walio amba kawadzitria tsama na watruwashe, mana wana ɓikira. Wasuɗunga uMwana Ɓariɓari kula v̄ahali andrao. Wakombolwa hari mwa uwanadamu wake madzazi ya handra wa Mungu na wa uMwana Ɓariɓari.

LUKASI 5:20

Uona yahe uaminifu wawo, Insa arongoa: «Ɓaɓa, madhambi yaho yaswamihiwa.»

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,