MAKOLOSIYA 1:11 - Ha`bari Ndjema ya I Maore

¹¹ amwesa raha muhodarishihe hari mwa piya zitrongo, ha inguvu ndzitukufu yahe, ile mukane ustahamilifu na suɓira hari mwa piya, tsena ha furaha.

MAKOLOSIYA 1:11 Referans Kwoze

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAFILIPI 4:13

Kula trongo wami uishindra ha uv̄umoja wangu na uwo aniv̄ao nguvu.

MAEFESO 4:2

hari mwa uwekevu na umakini, v̄umoja na suɓira. Namustahamiliane wanyu na wanyu hari mwa mahaɓa.

MAEFESO 6:10

Ha umalidza, namuhodarishiwe hari mwa uv̄umoja wanyu na Raɓi, ha zinguvu zendza ushindzi zahe.

2 MAKORINTIYO 4:7

Ɓadi idafine iyo risuiv̄inga moni hatru, wasi rilio ziya za ɗongo, ile ushindzi kauna mufano unu uonehane amba ulawa ha Mungu, ɓadi tsi hatru.

MAV̄INGIZI-RISALA 5:41

yaMav̄ingizi-Risala yale yalawa hari mwa uMungulidzano wa Waɓole, wafurahi ha iv̄o waonehana amba wastahiki warendrwe mbovu ha siɓaɓu ya lidzina la Insa.

MUV̄ENULIO 14:12

V̄av̄o ɗe v̄walazimiwani isuɓira ya watwaharifu wasikao ziãmuri za Mungu na uaminifu wa Insa.

2 MONYE 1:6

ju la ujuzi, trongo ya udzizia, na ju la udzizia, ustahamilivu, ju la ustahamilivu, maendreleo ya ĩɓada,

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

MAV̄INGIZI-RISALA 1:8

Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»

YUDA 1:25

ha Mungu moja-moja, Muhuyifu watru ha ndzia ya Insa-Kristi, Raɓi watru, nav̄uke utukufu, ufalume, ushindzi na yezi, rangu kaɓula ya kula wakati, av̄asa, amma hari mwa piya uwakati! Amina.

1 MAKORINTIYO 16:13

Namuke hashiri, musike hodari uaminifu wanyu, mudziv̄inge mauri watruɓaɓa, muke wahodari.