MAHEƁRANIYA 3:12 - Ha`bari Ndjema ya I Maore

¹² V̄av̄o namufahamu wananyangu, v̄wasuke ata mutru hari mwanyu akana roho mbovu kaina uaminifu, ata yamuɓausa na Mungu alio hayi.

MAHEƁRANIYA 3:12 Referans Kwoze

MAHEƁRANIYA 12:25

Namufahamu, musuharaliye uwo alaguao. Neka wao waharalia uwo akowafahamisha shiv̄andreju mwa tsi kawashindra watrala, ha mara ngav̄i zaidi wasi karitsoshindra ratrala, neka risudziɓausa na Uwo arifahamishao rangu pev̄oni!

1 MAKORINTIYO 10:12

Ha izo, monyewe udzifikiria amba alimbala, natahadhari asuje awa.

MAHEƁRANIYA 10:38

Na mwendza haki wangu atsoẽshi ha uaminifu, ɓadi neka asudzivura, roho yangu kaijiv̄iwa na waye.»

MAHEƁRANIYA 12:15

Namuke hashiri amba v̄usuke ata mutru ahara urehema wa Mungu; v̄usuke ata muzi wendza nyongo wamea wataãɓisha, trongo ilio amba itsorandra, itupiye watru wengi.

MAHEƁRANIYA 3:10

Iyo ɗe imana natukiwa na dunia lilo ata narongoa: ‹Ha daima roho zawo upotea, kawajua ndzia zangu.›

MARKUSI 13:33

Namudzifahamishe, namuke hashiri [na ufanya mamilio], mana kamusujua lini ɗe wakati uwo utsojao.

MATIYO 24:4

Ɓas, Insa awadjiɓu: «Namufahamu, v̄wasuke mutru amudanganyani.

MARKUSI 13:9

Ɓadi wanyu, namudzifahamishe nafusi zanyu. Mana watru watsomuv̄elehani mbeli za mahakama, na uɓuɓulwa zengwe moni na ziNyumba za Uswali. Mutsov̄elehwa mbeli za mawakala na mafalume ha siɓaɓu ya wami, ile muv̄inge ushahidifu wanyu mbeli zawo.

1 MATESALONIKA 1:9

Mana watru wasurongoa husuana na wasi namuna jeje mwarirenga hanyu, na namuna jeje mwaɓuza ha Mungu ha udziɓausa na masanamwe, ile mumurumishiye Mungu alio hayi, tsena wa kweli,

MAROMU 11:21

Mana neka Mungu kaɓalilia yamarahi ya ãswili, v̄av̄o katsohuɓalilia wajau.

LUKASI 21:8

Insa adjiɓu: «Namufahamu, musudzilishe mwadangamanyiwa. Mana wengi watsodziv̄eleha ha lidzina langu ha urongoa: ‹Mutru ɗe wami!› na: ‹Wakati usukuruɓia!› Ɓadi musuwaɗunge.

MARKUSI 13:23

Ɓasi namudzifahamishe! Tsimujudzani piya zitrongo rangu kaɓula.»

MATIYO 16:16

Simoni Monye adjiɓu: «Wawe ɗe Kristi, uMwana wa Mungu alio hayi.»

MAKOLOSIYA 2:8

Namufahamu amba v̄wasuke mutru amufanyiani shambwe ha ndzia ya misomo ya ziãkili za shiuɓinadamu ndzidangamanyifu, tsena truv̄u, yilawanao na zimila za shiuɓinadamu, na zitru za ãswili za ulemengu, ɓadi tsi ha Kristi.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

MAHEƁRANIYA 3:19

Risuona ha uzuri amba kawashindra wangia iv̄o kawakana uaminifu.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.

MAHEƁRANIYA 10:31

Iyo trongo irisidzao, upuliha mihononi ha Mungu alio hayi.

MAHEƁRANIYA 12:22

Ɓadi mujilia uMulima wa Siyuna|Mulima wa Siyuna na liɗago la Mungu alio hayi, iYerusalemu ya shipev̄oni, v̄ahanu v̄ulio amba mialifu na mialifu za malayika zingulidzana ha mufurahishio,