MAHEƁRANIYA 12:3 - Ha`bari Ndjema ya I Maore

³ Ɓasi namufikiri Uwo alio amba astahamili mukanyusho mauri ɗe uwo walawa ha maãswifu, ile mwasulemewe ha mupulio-ɓari.

MAHEƁRANIYA 12:3 Referans Kwoze

MAGALATWIYA 6:9

Ɓasi rasulemewe ufanya ndjema, mana ritsovuna wakati wamopara, neka karisupuha ɓari.

2 MAKORINTIYO 4:16

Iyo ɗe imana ata karisupuha ɓari. Ata neka amba hatruju ɓuumbio la v̄ondze latru lisuangamia, ɓadi la moni lisufanyiha pia suku ha suku.

MUV̄ENULIO 2:3

Wawe mustahamilivu, uondesheha ha siɓaɓu ya lidzina langu, tsena kwapuha ɓari.

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

2 MAKORINTIYO 4:1

Ha izo, iv̄o riliona urumishi uwo ha urehema radjaãliwawo, karisupuha ɓari.

YUHANI 5:16

Iyo ɗe imana ata Mayahudi yaandrisa umusonga Insa, mana trongo ile akoifanya Suku ya Uv̄umuzi.

MAHEƁRANIYA 12:5

Afa muɗela umutrilio-ɓari mwav̄olwawo mauri wana amba: «Mwana wangu, usudharau shiv̄ondro ya Mola, tsena usupuhe ɓari wakati ahurudio.

LUKASI 14:1

V̄uka Suku ya Uv̄umuzi, Insa angia nyumbani ha moja mengoni mwa uwaɓole wa ishama ya Mafarisayo, akwendra aɗye. Na watru waka v̄ale wakomutunda.

2 MATESALONIKA 3:13

Yahusu wanyu wananya wa shi uaminifu, mwasulemewe ufanya ndjema.

YUHANI 18:22

Urongoa yahe zile, moja mengoni mwa yamagogezi yaka v̄ale amureme pi Insa ha umuambia: «Iyo ɗe inamuna umudjiɓuo uMuɓole wa yaMatolezi-Masadaka?»

YUHANI 8:52

Sa ile Mayahudi yamuambia: «Av̄asa risujua amba una shetwani. Iɓrahima afu, yimitrume wajau, na wawe usurongoa amba: ‹Mutru asikao urongozi wangu, kana suku atsofao.›

YUHANI 8:59

Ɓas, v̄ale warenge mawe wamuvutsiye, ɓadi Insa awav̄itsi, alawa hari mwa iNyumba Ndzitwaharifu.

YUHANI 8:13

Ɓasi v̄ale watru wa ishama ya Mafarisayo wamuambia: «Usudzilawia ushahidi wawe monyewe. Ha izo, v̄av̄o ushahidi waho tsi kweli.»

YUHANI 7:12

Watru wakonguruma trongo nyengi ju lahe hari mwa idunia ile. V̄wa wakorongoa: «Waye mutru mwema», ɓadi wasalia wakorongoa: «Ata hata, asulaɓa idunia.»

LUKASI 16:14

Watru wa ishama ya Mafarisayo ukia yawo piya trongo zile, iv̄o wakov̄endza marike, wamutseshea.

LUKASI 15:2

Watru wa ishama ya dini ya Mafarisayo na Mafundi ya Sharia wakonguruma ha urongoa: «Mutru unu asurenga fetre watru wendza taɓia mbi na uɗya v̄umoja na wao.»

LUKASI 5:21

Sa ile Mafundi ya Sharia na Mafarisayo waandrisa udzisana ha urongoa: «Unu mutru trini akufuruo? Mbani ashindroswamihio madhambi neka tsi Mungu weke?»

LUKASI 2:34

Ɓas, Simeona awaɓariki, amwesa umuambia mayahe Mariama: «Kweli amba mwana unu ahetsiwa ake siɓaɓu ya umuusio na umuhimio ha watru wengi wa Israila, tsena ake ãlama itsotsongeshao ukinyume ha watru.

MATIYO 22:15

Ɓas, watru wa ishama ya Mafarisayo wakwendra wapange namuna ya umulimbia Insa utra ata wamusike hari mwa marongozi yahe.

MATIYO 21:46

Ɓas wakotsaha wamusike, ɓadi wakoria idunia, iv̄o yakomurenga amba waye mutrume.

MATIYO 21:23

Insa angia moni na iNyumba Ndzitwaharifu na wakati akosomedza v̄ale, yaMatolezi Maɓole ya Masadaka, na waɓole wa idjama waja wamuambia: «Ha yezi trini ɗe ufanyao trongo zini? Mbani ɗe ahuv̄a yezi iyo?»

MATIYO 15:2

«Manatrini maswihaɓa yaho yatadio imila ya wadzaɗe watru? Mana wao kawatwaharisha yimihono wamondroɗya.»

MATIYO 12:24

Wakati watru wa ishama ya Mafarisayo wakia trongo ile, warongoa: «Mutru unu asuĩdzia mazetwani ha ushindzi wa Ɓelzeɓuli, umuɓole wa yamazetwani.»

MATIYO 11:19

uMwana wa Mwanadamu|Mwana wa Mwanadamu aja, asuɗya na unwa, na watru wasurongoa: ‹Unu muv̄endzoɗya na unwa, mwandzani wa maliv̄isa-latete|muliv̄isa-latete na maãswifu!› Ɓadi ihikima ihakikishiha ha zitrendro zahe.»

YUHANI 9:40

Ɓaãdhwi ya Mafarisayo yaka v̄ale na waye ukia yawo marongozi yale, wamudzisa: «Hali wasi wajau, ne wafa-matso?»

YUHANI 10:20

Wengi mengoni mwawo wakorongoa: «Ana shetwani, uwo mwendza masera! Manatrini mumuvulishiao?»

1 MONYE 2:23

Waye alio amba amoruhanwa, kakoruhana, amoondesheha, kakorisidza, ɓadi akodzilisha ha Uwo anamuao ha haki.