MAHEƁRANIYA 1:1 - Ha`bari Ndjema ya I Maore

¹ Mida ya hale, Mungu alagua na wadzaɗe watru ha mara nyengi na namuna nyengi ha ndzia ya yimitrume,

MAHEƁRANIYA 1:1 Referans Kwoze

LUKASI 24:27

Ɓas, ha uandrisa na Musa na piya yimitrume, awaeledza zitrongo zaangihwa zapatana na waye moni na piya yimiangishio.

MAV̄INGIZI-RISALA 2:30

Iv̄o aka mutrume, tsena akojua amba Mungu amutolea wahadi ha umulav̄ia amba atsohetsi moja hari mwa zizilembwe zahe aketsi hari mwa ishiri ya yezi yahe,

LUKASI 1:55

mauri ɗe iheli aka aambia maɓaɓatru, ne ɗe Iɓrahima na zilembwe zahe ha daima.»

MAV̄INGIZI-RISALA 13:32

Na wasi risumujudzani iHaɓari Ndjema ini amba uwahadi Mungu atoleawo maɓakoko watru,

MAHEƁRANIYA 2:2

Mana neka urongozi wajudziwa na zimalayika udhiɓitishiha, na neka kula uvundzifu-Sharia na kula tsiutuĩvu zipara ãdhaɓu za haki,

LUKASI 1:72

Ha izo ɗe aonesao urehema wahe ha maɓaɓatru, na unahana umukataɓa mutwaharifu wahe,

MAV̄INGIZI-RISALA 28:23

Wafungu uparana suku, tsena waja ha uwengi zaidi wamupara nyumbani hahe v̄ale. Rangu asuɓuhi ata utswa ya lijua, Ɓaulusu awaeledza na uwatolea ushahidi Utawalizi wa Mungu, na uzunguha ulawa rangu iSharia ya Musa na yimitrume awav̄inge ata wakuɓali izo zahusuana na Insa.

YUHANI 9:29

Risujua amba Mungu alagua na Musa, ɓadi mutru uwo, wasi kariji v̄ahanu ala.»

YUHANI 7:22

Musa amuv̄ani matahiri, (na v̄ale iyo tsi trongo yalawa ha Musa, ɓadi ha wadzaɗe watru wa hale), na wanyu utahiri mutru ata wala ukana *Suku ya Uv̄umuzi.

LUKASI 24:44

Amwesa awaambia: «Zini ɗe nakomuambianizo wakati raha naka v̄umoja na wanyu, amba piya trongo zanihusu zaangihwa moni mwa iSharia ya Musa, yimitrume na iZaɓuri, zilazimu zitsimidzihe.»

YUHANI 16:13

Ɓadi wakati itsokao amba aja, waye iRoho ya ukweli, atsomuv̄ingani hari mwa piya ukweli, mana katsorongoa ha iwaye yahe, ɓadi atsorongoa izo azikia, amwesa atsomujudzani trongo zijao.

MAV̄INGIZI-RISALA 3:21

Waye Uwo ɗe alazimu aɓaki pev̄oni ata mupaka ɗe wakati wa umurengeledzeo mukamilifu wa zitrongo, ule Mungu aujudza ha yamarongozi ya yimitrume mitwaharifu yahe.

MAHEƁRANIYA 2:3

namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?

MAHEƁRANIYA 3:5

Yahusu Musa waye, aka muaminifu hari mwa piya umuraɓa wa Mungu amba murumishi, alawiye ushahidi izo zakoja zirongoleshehe.

MAHEƁRANIYA 4:8

Kweli amba na djeli Yeshua aka awav̄a uv̄umuzi, Mungu katsorongoa ɓaanda ya v̄av̄o trongo ya suku yangina.

MAHEƁRANIYA 5:5

Ɗe inamuna iyo wajau, Kristi kadziv̄a waye monyewe utukufu wa ufanyiha Muɓole wa Matolezi-Masadaka; aupara ha Uwo amuambia amba: «Wawe Mwana wangu; ileo ini tsifanyiha Ɓaɓaho.»

MAHEƁRANIYA 9:19

Mana Musa ɓaanda ajudza ha piya umati kula ãmuri ya iSharia, arenge damu ya wana mahondzo na maɓeɓeru v̄umoja na maji, na uzi mukundru, amwesa na wana marahi wa muri uhiriwao hisop, aazindzia ishio ya iSharia na piya umati

MAHEƁRANIYA 11:2

Ɗe ha uwo ɗe uwadzaɗe wakorongolwa na sifa.

MAHEƁRANIYA 11:18

tsena ha waye ɗe aka aambilwa: «Ɗe ha Isiaka ɗe utsopariwao zilembwe.»

MAHEƁRANIYA 12:25

Namufahamu, musuharaliye uwo alaguao. Neka wao waharalia uwo akowafahamisha shiv̄andreju mwa tsi kawashindra watrala, ha mara ngav̄i zaidi wasi karitsoshindra ratrala, neka risudziɓausa na Uwo arifahamishao rangu pev̄oni!