MAGALATWIYA 6:9 - Ha`bari Ndjema ya I Maore

⁹ Ɓasi rasulemewe ufanya ndjema, mana ritsovuna wakati wamopara, neka karisupuha ɓari.

MAGALATWIYA 6:9 Referans Kwoze

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

2 MATESALONIKA 3:13

Yahusu wanyu wananya wa shi uaminifu, mwasulemewe ufanya ndjema.

MAHEƁRANIYA 12:3

Ɓasi namufikiri Uwo alio amba astahamili mukanyusho mauri ɗe uwo walawa ha maãswifu, ile mwasulemewe ha mupulio-ɓari.

1 MONYE 2:15

Mana mav̄endzeleo ya Mungu ɗe amba ha ufanya ndjema, muɓale ihanyo ya ujinga wa yamalaɓa.

YAKOƁU 5:7

Ɓasi wananyangu, namukane suɓira ata umujilio wa Raɓi. Namufikiri tu mulimizi namuna alindrao v̄umoja na suɓira yamavuna yendza faida ya ishiv̄andre ya tsi, rangu vua za handra ata za mwiso.

1 MONYE 3:17

Ɓorwa mutru aondeshehe ha ufanya ndjema, neka yao ɗe yamav̄endzeleo ya Mungu, rahana uondesheha ha ufanya mbovu.

2 MAKORINTIYO 4:16

Iyo ɗe imana ata karisupuha ɓari. Ata neka amba hatruju ɓuumbio la v̄ondze latru lisuangamia, ɓadi la moni lisufanyiha pia suku ha suku.

MUV̄ENULIO 2:3

Wawe mustahamilivu, uondesheha ha siɓaɓu ya lidzina langu, tsena kwapuha ɓari.

1 MONYE 4:19

Ha izo, wao waondeshehao ha yamav̄endzeleo ya Mungu, nawadhwaminishe nafusi zawo uMuumbizi alio muaminifu, ha wao urendra ndjema.

LUKASI 18:1

Insa awatolea mufano ha uwaeledza amba walazimu wafanye mamilio ha daima, wala wasulawe tama.

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

2 MAKORINTIYO 4:1

Ha izo, iv̄o riliona urumishi uwo ha urehema radjaãliwawo, karisupuha ɓari.

MATIYO 24:13

Ɓadi uwo atsostahamilio ata mwiso, atsohuyiwa.

MUV̄ENULIO 2:7

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

MUV̄ENULIO 2:17

Mwendza makio nakiye izo iRoho aambiao ziDjama Ndziwaminifu! Uwo ashindra, nitsomuv̄a fungu hari mwa ishahula yatsitswa ihiriwao manna, tsena ɓwe djeu. Na hari mwa liɓwe lilo v̄uangihwa dzina pia lilio amba kav̄u mutru alijuao neka tsi ɗe uwo aliparao.»

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAEFESO 3:13

Ɓasi nisumumiani, musupuhe ɓari na maondo niyav̄iriao ha siɓaɓu ya wanyu: yao ɗe utukufu wanyu.

MAHEƁRANIYA 12:5

Afa muɗela umutrilio-ɓari mwav̄olwawo mauri wana amba: «Mwana wangu, usudharau shiv̄ondro ya Mola, tsena usupuhe ɓari wakati ahurudio.

2 MAKORINTIYO 9:6

Namujuwe amba: Monyewe utaɓu ha ushashi, atsovuna ha ushashi, na uwo ataɓuo ha uwengi, atsovuna ha uwengi.

MATIYO 9:19

Sa ile Insa ahimi, amuɗungu v̄umoja na maswihaɓa yahe.

MATIYO 25:17

Ɗe ha inamuna ile wajau, ule aka apara yamaili, ayarumishia ata apara maili yangina.

MARKUSI 3:3

Ɓas, Insa aambia mutru ule afa umuhono: «Hima hari v̄ale.»