MAGALATWIYA 6:2 - Ha`bari Ndjema ya I Maore

² Namutrihane udziro wanyu na wanyu, na v̄av̄o mutsotsimidza iSharia ya Kristi.

MAGALATWIYA 6:2 Referans Kwoze

MAROMU 15:1

Wasi rilio wahodari, rilazimu rireme ɓega udziro wa wale kawasi wahodari, wala tsi ha udzijiv̄idza wasi wenyewe.

1 MATESALONIKA 5:14

V̄av̄o wananya wa shi uaminifu, risumutriani ɓari mufahamishe wendza musadjadja, muhodarishe wao wapuha ɓari, musaidiye walemevu, mukane suɓira mbeli za watru piya.

YUHANI 13:34

Nisumuv̄ani ãmuri pia tsini: Namuv̄endzane wanyu na wanyu. Mauri ɗe inamuna namuv̄endzani, wanyu wajau namuv̄endzane wanyu na wanyu.

1 YUHANI 4:21

Na wasi rina ãmuri ini yalawa hahe: uwo amuv̄endzao Mungu, nav̄endze munyahe wajau.

YAKOƁU 2:8

Ɓila shaka neka musutsimidza isharia ya shiufalume yalawana na uMuangishio amba: «Utsov̄endza munyaho mauri ɗe iwawe yaho», v̄av̄o musufanya ndjema.

YUHANI 15:12

Tsini iãmuri yangu: namuv̄endzane wanyu na wanyu, mauri ɗe inamuna namuv̄endzani.

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.

MATIYO 8:17

Zini zija ile trongo ini yaka yarongolwa na mutrume Izaya, itsimidzihe: «Arenge zifeli zatru, tsena adzitrihisa mawaɗe yatru.»

MAGALATWIYA 6:5

Mana kula mutru atsotrika mudzo wahe monyewe.

1 MAKORINTIYO 9:21

Ha wao walio ɓila iSharia tsika mauri mutru kasina iSharia, wakati ulio amba wami ha wami kaisi amba tsisina iSharia ya Mungu, ɓadi tsitawaliwa na iSharia ya Kristi. Trongo ini tsiifanya, ile nipare wao walio ɓila iSharia.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

LUKASI 11:46

Ɓasi Insa adjiɓu: «Maondo hanyuju wajau, wanyu mataãlamu ya Sharia! Mana musutrihisa watru midzo midziro ya uv̄inga, wala wanyu kamusutria ata sha amba muwasaidiye.

YAKOƁU 1:25

Ɓadi mutru aangaliao ha makini iSharia yendza ukamilifu iv̄ingiao unafasi, amwesa aendreleao nayo, tsi amba ha uivulishia na uiɗela, ɓadi ha uitria ndziani, mutru uwo atsoɓarikishiha hari mwa izo atsofanyao.

YAKOƁU 2:12

Namulaguwe na urendra shi watru watsohukumulwao ulawana na sharia ya shi unafasi.

2 MONYE 2:21

Mana yatsoka ndjema hawoju amba kawajua indzia ya uhaki, rahana iv̄o waijua, amwesa wadziɓausa na iãmuri ndzitwaharifu wav̄olwayo.

2 MONYE 3:2

pare munahane marongozi yarongolwa rangu kaɓula na yimitrume mitwaharifu, na iãmuri mwajudziwayo na Mav̄ingizi-Risala yanyu, ãmuri ya Uwo alio Raɓi amma Muhuyifu.