MAGALATWIYA 5:1 - Ha`bari Ndjema ya I Maore

¹ Ile wasi rikane unafasi, ɗe Kristi arikomboa. Ɓasi v̄av̄o namuhodarishihe, wala musudzilishe mwarudi tsena mwatrika mulandza wa urumwa.

MAGALATWIYA 5:1 Referans Kwoze

2 MAKORINTIYO 3:17

Na Raɓi, waye ɗe iRoho, tsena v̄ahali iRoho ya Raɓi ilio, ɗe v̄ukao unafasi.

MAGALATWIYA 5:13

He wanyu wananyangu, muhiriwa muke hari mwa unafasi. Ɓadi unafasi uwo, usufanyihe amba shisa ya ufanya taɓia ya shiuɓinadamu. Ɗe ha kinyume amba ha uv̄endzana yanyu, namurumishiane wanyu na wanyu.

1 MONYE 2:16

Namudziv̄inge shi wendza unafasi, ɓila ufanya unafasi wanyu amba shitamba ifinikiao taɓia mbi; mudziv̄inge shi warumwa wa Mungu.

MAROMU 6:14

V̄av̄o dhambi kalitsomutawaliani, mana kamusi utsini na iSharia, ɓadi hari mwa urehema.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

MAGALATWIYA 4:9

Ɓadi av̄asa, iv̄o mumujuao Mungu, au amba mujulihanao na Mungu, namuna jeje mushindrao murudi raha hari mwa trongo zile kazina ushindzi tsena ndziv̄ungufu, ha utsaha muzirumishiye raha mauri warumwa wazo?

MAHEƁRANIYA 10:23

Narisike hodari itama yatru riikuɓalio ha hadhwira ɓila rasujeledze, mana Uwo atoa uwahadi, waye muaminifu.

MAGALATWIYA 2:4

Piya zile ha siɓaɓu ya watru wadzifanyao wananya wa shi uaminifu wadziseledza hari mwa wasi, ile watunde unafasi rilionawo hari mwa uv̄umoja watru na Kristi-Insa|Kristi, pare warifanye warumwa.

MAGALATWIYA 4:31

Ha izo wananyangu, wasi karisi wana wa umutrumushe murumwa, ɓadi ra wa umunafasina.

MUV̄ENULIO 3:3

Nahana ɓasi iyo wapara, iyo wakia, amwesa uisike, wendre toɓa. Neka kusi hashiri, nitsoja mauri mwidzi, na wawe kutsojua ata hata isa nitsohujiliao.

2 MONYE 2:19

Wasuwav̄a wahadi wa unafasi, wakati ulio amba wao-wao wa warumwa wa taɓia ndziangamifu. Mana kula mutru uka murumwa wa iyo yamutawalia.

1 MAKORINTIYO 16:13

Namuke hashiri, musike hodari uaminifu wanyu, mudziv̄inge mauri watruɓaɓa, muke wahodari.

MAROMU 7:6

Ɓadi av̄asa riɓuliwa mbeli za iSharia, mana rifu ha itrongo ile yakorifunga, ha namuna amba av̄asa risumurumishia Mungu ha utawalizi muv̄ia wa iRoho, ɓadi tsi ɗe ha indzia ya utawalizi wa hale, ne ɗe iSharia yaangihwa.

MAROMU 6:18

Ɓasi iv̄o mwakombolwa na ushindzi wa dhambi, muja mufanyishiha warumwa wa uhaki.

MAV̄INGIZI-RISALA 15:10

Ɓasi av̄asav̄anu, manatrini mumudjereɓuo Mungu ha utrihisa maaminifu mudzo ulio amba rangu yamaɓaɓatru, ata uwaswili hatru, karashindra rauv̄inga?

1 MAKORINTIYO 7:22

Mana umurumwa ahiriwa na Raɓi, waye mwendza unafasi wa Raɓi; ɗe namuna iyo tsena, umwendza unafasi ahiriwa, waye murumwa wa Kristi.

YUDA 1:3

Wanyu wav̄endzewa, ha iv̄o nakana ushauku muɓole wa umuangishiani yahusu uhuyifu wa shirika watru, tsidziono farudhwi ya umuangishiani pare nimutriyeni ɓari amba muwaniliye uaminifu wajudzwa ha watwaharifu mara moja ha piya.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

MAEFESO 6:14

V̄av̄o namukaze, mufunge mukandra wa ukweli trengani, amwesa mupindre uhaki ike ngwezi ya shuma.

MUV̄ENULIO 2:25

Ɓadi iyo mulionayo, namuisike hodari ata mupaka nije.

MAHEƁRANIYA 4:14

Ɓasi ha iv̄o riliona Mutolezi-Masadaka azidi uɓole av̄ira zimbingu, Insa, uMwana wa Mungu, narisike hodari uaminifu riukuɓalio ha hadhwira.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

2 MATESALONIKA 2:15

Ɓasi ha izo wananya wa shi uaminifu, namuke watru wasika, musike hodari yimisomo ramuv̄aniyo, neka ha hanyo, au ha ɓarua.

1 MATESALONIKA 3:8

Na av̄asa risuẽshi, iv̄o mwasika hodari hari mwa uv̄umoja wanyu na Raɓi.

MAGALATWIYA 4:26

Ɓadi iYerusalemu ya uju ya hari mwa unafasi, na wiyo ɗe ilio mayatru.

MAGALATWIYA 3:25

Ata uaminifu uja yawo, karisi tsena utsini na mulezi.

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

MATIYO 23:4

Wao ufunga midzo midziro, wayitria maɓegaju ha wanadamu, wala kawav̄endze wayigudzusa ata ha sha.

MAROMU 7:3

Ɓasi ha izo, neka andre adziv̄a mutru wangina wakati mume wahe alio hayi, v̄av̄o atsorongolwa amba muzindzi. Ɓadi neka mume wahe afu, v̄ale aɓuliwa na iSharia, tsena amololwa na mutru wangina katsoka muzindzi.

MAROMU 8:15

Na Roho iyo mwav̄olwayo tsi ya umufanyani warumwa amba irudise hari mwa trisidzo; ɓadi muv̄olwa Roho imufanyaoni wana, na ha wiyo, risuhira: «Aɓɓa, Ɓaɓa!»

2 MAKORINTIYO 11:20

Kweli amba musustahamili mufanyiwe warumwa, muɗyiwe, murav̄we, mufedheshewe, muremwe mav̄i usoni.

LUKASI 5:38

Ɓadi ilazimu trembo lajemwa av̄asa litrilwe moni na ziya za ngwezi pia.