MAGALATWIYA 4:6 - Ha`bari Ndjema ya I Maore

⁶ Na ha iv̄o mulio wana, Mungu av̄eleha rohoni hatru iRoho ya uMwana wahe, ilio amba isurongoa ha nguvu: «Aɓɓa!» yaãni «Ɓaɓa!»

MAGALATWIYA 4:6 Referans Kwoze

MAROMU 5:5

Na itama kaisuripua ɓari, mana uv̄endza ya Mungu ienea moni na roho zatru ha ndzia ya iRoho Ndzitwaharifu radjaãliwayo.

MAROMU 8:9

Yahusu wanyu, wanyu kamusi utsini na utawalifu wa ihali ya shiuɓinadamu, ɓadi utsini na wa iRoho, neka anga amba iRoho ya Mungu isuẽshi moni hanyu. Na neka mutru kasina iRoho ya Kristi, v̄av̄o kasi wahe.

MAFILIPI 1:19

mana nisujua amba iyo itsoniv̄ingia uhuyifu ha mamilio yanyu, na ha umusada wa iRoho ya Insa-Kristi.

MAEFESO 2:18

Kweli amba ha ndzia yahe wasi waili risujua rimukuruɓia Ɓaɓa, ha Roho moja wiyo-wiyo.

2 MAKORINTIYO 3:17

Na Raɓi, waye ɗe iRoho, tsena v̄ahali iRoho ya Raɓi ilio, ɗe v̄ukao unafasi.

MAEFESO 4:30

Musutriye huzuni iRoho Ndzitwaharifu ya Mungu, iRoho ilio amba ha wiyo muremwa muhuri wa isuku ya ukombofu.

YUDA 1:20

Ɓadi wanyu wav̄endzewa, namudziundre hari mwa uaminifu wazidi utwaharifu wanyu, mufanye mamilio ha iRoho Ndzitwaharifu,

YUHANI 16:7

Ɓadi nisumuambiani zikweli: ya ɓorwa hanyuju ya wami ulawa. Mana neka tsalawa, Musaidizi katsomujiliani; ɓadi neka nisendra, nitsomuv̄eleshedzeaniwo.

YUHANI 14:16

Na wami nitsomumia Ɓaɓa amuv̄eni Musaidizi wangina, ake dahari na wanyu.

LUKASI 11:13

Ɓasi neka wanyu namuna mulio waovu, musujua uv̄a wana wanyu zitru ndzuzuri, ha mara ngav̄i zaidi Ɓaɓa alio mbinguni atsov̄ao iRoho Ndzitwaharifu wao wamumiaoyo?»

2 MAKORINTIYO 1:22

Waye ɗe aritria umuhuri wahe, tsena waye ɗe atria rohoni hatru iRoho, ile ike fungu la handra la izo arilishia.

YUHANI 15:26

«Wakati uMusaidizi atsojao, uwo nitsomuv̄elesheaniwo ulawa ha Ɓaɓa, ne ɗe iRoho ya ukweli ilawao ha Ɓaɓa, atsonilawia ushahidi.

LUKASI 11:2

Sa ile awaambia: «Mwamofanya mamilio, namurongowe: ‹Ɓaɓa, dzina laho nalitukuzihe, utawalizi waho nauje.

YUHANI 3:34

Na Uwo Mungu amuv̄eleha, urongoa yamarongozi ya Mungu, mana Mungu umudjaãlia iRoho ɓila shiv̄imo.

1 MONYE 1:11

Wakozunguha wajuwe amba wakati trini, na ha namuna jeje zitsohidjirio zitrongo zarongolwa na iRoho ya Kristi yaka hawoju, Roho ilio amba ijudza rangu kaɓula matungu ya Kristi na utukufu wakoja uɗunge v̄av̄o.

MAEFESO 6:18

Namufanye kula wakati ha iRoho kula aina ya ĩɓada na mamilio. Na v̄av̄o, namuke hashiri wala musulemewe ya umilia piya watwaharifu.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MAEFESO 1:13

Wanyu wajau hari mwa uv̄umoja wanyu na waye ɓaanda mwakia urongozi wa ukweli, ne ɗe iIndjili ya ukombofu wanyu, ɓasi hari mwa uv̄umoja uwo, mungia hari mwa uaminifu, tsena muremwa muhuri ha iRoho Ndzitwaharifu yaka yatolwa wahadi.

1 MAKORINTIYO 15:45

Iyo ɗe imana ata v̄waangihwa moni na uMuangishio Mutwaharifu: «uMwanadamu wa handra, Adamu, afanyiha shiumbe yendza roho»; Adamu wa mwiso waye, roho iv̄ao uhayati.

MAV̄INGIZI-RISALA 16:7

Upara yawo kariɓu na iMisiya, wadjereɓu ungia Ɓitiniya, ɓadi iRoho ya Insa kayawakuɓalia.

YUHANI 7:39

Na trongo iyo airongoa husuana na iRoho watru wamuaminio wakoja wav̄olweyo. Mana v̄ale raha iRoho kayaka yadjaãliwa watru, ha iv̄o Insa raha kaka atukuziwa.

MARKUSI 14:36

Arongoa: «Ɓaɓangu, piya trongo umukinishiha haho. Niɓausiye ishikombe ya matreso ini; ne mav̄endzeleo tsi ɗe yangu, ɓadi ɗe yaho.»

1 MATESALONIKA 4:8

Ha izo, mutru aharao maosio yao kasuhara mwanadamu, ɓadi Mungu, waye kamwe amuv̄aoni Roho Ndzitwaharifu yahe.