MAGALATWIYA 4:15 - Ha`bari Ndjema ya I Maore

¹⁵ Ɓasi ifuraha mwaka nayo ya hav̄i? Mana nisumulawiani ushahidi amba na djeli ika trongo mukinishiha, mwatsodzivoɓoa ya matso, ne muniv̄ewo.

MAGALATWIYA 4:15 Referans Kwoze

MAROMU 5:2

Waye ɗe ariɓulia indzia ya upara, ha uaminifu watru, ineema ini ilio amba ra hari mwayo, tsena risufurahi ha itama ya urenga fuvu hari mwa utukufu wa Mungu.

MAKOLOSIYA 4:13

Wami nisumulawia ushahidi amba asudzisonga ha kusudi ha siɓaɓu ya wanyu, ha siɓaɓu ya wa shi Laodiseya, tsena na wa shi Hiyerapulisu.

1 MATESALONIKA 5:13

Namuwav̄e hishima ha kusudi na mahaɓa, ha siɓaɓu ya urumishi wawo. Namukane amani wanyu na wanyu.

1 MATESALONIKA 2:8

Ha uv̄endza rilionayo na wanyu, rakojiv̄iwa rimuv̄eni tsi tu amba iHaɓari Ndjema ya Mungu, ɓadi tsena ata ziroho zatru, ha ikiasi mwaka mwafanyiha wav̄endzewa hatruju.

MAGALATWIYA 6:4

Ɓadi kula mutru nadzitunde na zitrendro zahe monyewe, na v̄av̄o atsopara trongo ya udziɓua yalawana na iwaye yahe, ɓadi tsi ha mutru wangina.

MAGALATWIYA 5:22

Ɓadi mavuna ya iRoho ɗe: uv̄endza, furaha, amani, suɓira, uwema, roho ndjema, uaminifu,

MAGALATWIYA 4:19

Wana wangu mulio amba tsina utungu wa madzazi raha na wanyu, ata mupaka Kristi afanyishihe moni hanyu!

MAGALATWIYA 3:14

Na iyo pare iɓaraka ya Iɓrahima iwaswili ha zinishani zangina ha ndzia ya Kristi-Insa, amwesa ha uaminifu, ripare iRoho yaka yatolewa wahadi.

2 MAKORINTIYO 8:3

ha inamuna wakoshindra, tsiishuhudia, ata uzidi izo wakoshindra, tsena ha uv̄endza yawo wenyewe.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MAROMU 10:2

Nisuwalawia ushahidi amba wana djitihadi na Mungu, ɓadi kayaketsi hari mwa ujuzi.

MAROMU 9:3

Natsov̄endza wami yangu nilaãnishihe, niɓaushane na Kristi ha tanafu ya wananyangu, wao wa ikaɓila yangu uv̄andre wa shiuɓinadamu,

LUKASI 8:13

Yao yapuliha hari mwa kawe, ɗe wale wamokia urongozi ule, waurengao ha furaha, ɓadi kausisi mizi. Wao uamini hari mwa muda ata wamodjereɓiwa, wao ulisha.

MAGALATWIYA 4:14

Wala ukana ihali ya umwili wangu ika ndziro hanyuju ne kamwanionea, wala kamwanirungamia. Ɓadi ha kinyume, munirenge mauri malayika ya Mungu, mauri ɗe Kristi-Insa.

MAGALATWIYA 4:16

Hali v̄anu tsifanyishiha ãduwi yanyu, mana nisumuambiani zikweli?