MAGALATWIYA 3:22 - Ha`bari Ndjema ya I Maore

²² Ɓadi uMuangishio urongoa amba ulemengu piya uɓaliwa hari mwa madhambi, ile uwahadi udjaãliwe, ha uaminifu na Insa-Kristi, ha wao waaminio.

MAGALATWIYA 3:22 Referans Kwoze

MAROMU 11:32

Mana Mungu aɓalia piya wanadamu hari mwa umuharalio wa utuĩ wawo, ile awaonese urehema piyawo.

MAHEƁRANIYA 9:15

Iyo ɗe imana ata waye alio muparanisa wa mukataɓa muv̄ia, iv̄o v̄wahidjiri ufa ha ukombofu wa mahosa yafanyiwa hari mwa umukataɓa wa handra, pare wao wahiriwa na Mungu, wapare umwaratha wa daima waka watolewawo wahadi.

MAGALATWIYA 3:23

Kaɓula ya uaminifu uja, rika rifungiha hari mwa ugogezi wa iSharia, ata mupaka uaminifu uv̄enulwe.

1 YUHANI 2:25

Na uwahadi ariv̄a ɗe unu, ɗe uhayati wa daima.

YUHANI 3:36

Monyewe uamini uMwana ana uhayati mukamilifu wa daima, ɓadi uwo ahara uamini uMwana katsoona uhayati, ɓadi hadhaɓu ya Mungu uketsi ju lahe.»

YUHANI 12:46

Tsija mauri nuru ulemenguni v̄anu, pare mutru yotsi aniaminio, asuɓaki shidzani.

YUHANI 5:24

Nisumuambiani ha kweli, mutru avulikiao urongozi wangu tsena aaminio ule aniv̄eleha, ana uhayati mukamilifu wa daima. Katsohukumulwa, mana madza avuku uufa, angia uhayatiju.

2 MONYE 3:13

Ɓadi ha uɗunga wahadi wahe, wasi risulindra wingu muv̄ia na shiv̄andre ya tsi pia, v̄ulio amba v̄utsoka uhaki.

2 MONYE 1:4

Ha wizo ariv̄a zinguwahadi zendza thamani tsena zazidi uɓole zahe, ile ha wizo mukane ushirika hari mwa ihali ya shiungu yahe, mutrale umenyefu uv̄ingwao ulemenguni ha zingushauku zendza uovu.

2 TIMUTAUSU 1:1

Wami Ɓaulusu, Muv̄ingizi-Risala wa Kristi-Insa ha yamav̄endzeleo ya Mungu ya ujudza wahadi wa uhayati ulio ha Kristi-Insa,

MAGALATWIYA 3:29

Na neka wanyu wa Kristi, v̄av̄o mwa zilembwe za Iɓrahima, tsena mwa mawarithi ha uɗunga uwahadi.

MAROMU 10:9

Mana neka ukuɓali ha ihanyo yaho amba: «Insa ɗe Raɓi», tsena neka uamini rohoni haho amba Mungu amuregeza hayi ulawa ha uwafu, v̄av̄o utsohuyiha.

MAROMU 5:12

Iyo ɗe imana ata mauri ɗe iheli amba ha ndzia ya mutru moja dhambi lingia hari mwa ulemengu, na ha ndzia yalo ufa, v̄av̄o ufa ungilia piya wanadamu, iv̄o piyawo waãswi.

MAROMU 3:23

mana piya waãswi, ɓasi walatsishiwa na utukufu wa Mungu.

MAV̄INGIZI-RISALA 16:31

Ɓaulusu na Silasi wadjiɓu: «Muamini Raɓi Insa, na wawe utsohuyiha, wawe v̄umoja na udjama waho.»

YUHANI 20:31

Ɓadi zini ziangihwa pare muamini amba Insa ɗe Mutsahuliwa, uMwana wa Mungu, na ha uamini, mukane uhayati ha lidzina lahe.

YUHANI 6:40

Mana mav̄endzeleo ya Ɓaɓangu ɗe uka amba mutru yotsi aonao uMwana, amuaminio, akane uhayati mukamilifu wa daima; na wami nitsomuregeza hayi isuku ya mwiso.»

MAGALATWIYA 3:17

Trongo nitsahao niirongowe ɗe ini: Mukataɓa wafungwa na Mungu namuna yastahiki, kautsojua wazimwa na iSharia yaja ɓaanda ya maha aruɓamiya wa thalathini, trongo itsoɓuliao uwahadi wa Mungu.

MAGALATWIYA 3:14

Na iyo pare iɓaraka ya Iɓrahima iwaswili ha zinishani zangina ha ndzia ya Kristi-Insa, amwesa ha uaminifu, ripare iRoho yaka yatolewa wahadi.

MARKUSI 16:16

Uwo atsoaminio amwesa atsoɓaĩshiwao|uɓaĩsha, atsohuyiwa, ɓadi uwo katsoamini, atsohukumulwa.

MAROMU 3:22

Uwo muhakisho wa Mungu ha uaminifu na Insa-Kristi ha piya wao waaminio, wala kav̄u tafauti: