MAGALATWIYA 2:9 - Ha`bari Ndjema ya I Maore

⁹ Na ɓaanda wafahamu ineema nadjaãliwayo, Yakoɓu, Monye na Yuhani, wakorengwa amba ɗe zingidzo za iDjama Ndziwaminifu, wariv̄a umuhono wa hume wami na Ɓarnaɓasi ha ãlama ya uv̄umoja, amba wasi ritsendra ha watru tsi Mayahudi, na wao ha yaMayahudi.

MAGALATWIYA 2:9 Referans Kwoze

MAROMU 12:3

Ha ineema nadjaãliwayo, nisuambia kula moja hanyuju: musudzione uju rahana yalazimu, ɓadi kula moja nadzione na ikiasi yalingana na uaminifu Mungu amukadiriawo.

MUV̄ENULIO 3:12

Uwo ashindra nitsomufanya ake ngidzo moni na iNyumba Ndzitwaharifu ya Mungu wangu, tsena katsoilawia ata idahari. Nitsoangiha uju mwaye lidzina la Mungu wangu, na lidzina la liɗago la Mungu wangu, iYerusalemu pia ishukao ulawa pev̄oni ha Mungu wangu. Nitsoangiha raha uju mwaye lidzina pia langu.

MAGALATWIYA 2:2

Tsihea ɓaanda napara muv̄enulio. Tsiwaeledza iIndjili niijudzao ha watru wa zinishani zangina kazimuji Mungu; tsiieledza ha faraha ha wao wakoonehana amba makizi-mbeli, ha uria amba mbio niziremao au nazirema, zasuke za ɓanaraju.

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

1 YUHANI 1:3

Trongo raiona na uikia, risumujudzaniyo wanyu wajau, ile wanyu wajau mukane uv̄umoja na wasi. Na v̄av̄o uv̄umoja watru wa na waye Ɓaɓa, na Mwana wahe Insa-Kristi.

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

1 TIMUTAUSU 3:15

Ɓadi neka nisuhoma, itsoka amba ha zini usujua inamuna ya udziv̄inga moni na idjama ya Mungu, ilio iDjama Ndziwaminifu ya Mungu alio hayi, ilio raha amba ɗe ingidzo na umusingi wa ukweli.

MAKOLOSIYA 1:29

Ɗe ha siɓaɓu ya iyo ɗe nidzirumao ha usongefu, ha zinguvu zahe zirendrao moni hangu v̄umoja na ushindzi.

MAEFESO 2:20

Muja muundrwa hari mwa umusingi wafanyiha ha yaMav̄ingizi-Risala|Mav̄ingizi-Risala na yimitrume, musingi ulio amba Insa-Kristi waye-waye ɗe liɓwe la nyongaju.

2 MAKORINTIYO 8:4

Warirayi ha kusudi amba warenge fuvu hari mwa ineema ya urumishi wa utolea musada uwatwaharifu.

1 MAKORINTIYO 15:10

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

MAROMU 15:15

Ɓadi v̄anu, tsisuɓutu nimuangishiyeni ɓaãdhwi ya trongo ɓila udzizia, ile nimaruse fahamu lanyu, ha siɓaɓu ya ineema Mungu anidjaãlia.

MAV̄INGIZI-RISALA 15:13

Wakati wahisa ulagua, Yakoɓu arenge umurongo, arongoa: «Wananyangu, namunivulishiye.

MAV̄INGIZI-RISALA 15:7

Ɓaanda ya muda mwengi wa marongozi, Monye ahimi, awaambia: «Wananyangu, musujua amba rangu zisuku za handra, Mungu anitsahua hari mwanyu; arenge satua amba ha ihanyo yangu, watru wa zinishani zangina wakiye urongozi wa iHaɓari Ndjema, amwesa waamini.

MAV̄INGIZI-RISALA 4:36

Yusufu, ule yaMav̄ingizi-Risala wakomuhira Ɓarnaɓasi, yaãni Mutria-Ɓari, Mulawi|Lawi wa shi Kupro,

MATIYO 16:18

Na wami nisuhuambia: wawe Monye, na hari mwa ɓwe-monye lilo nitsoundra iDjama Ndziwaminifu yangu, ilio amba ata uushindzi wa Uzimu wa uwafu, ne kautsoshindra waishindra.

LUKASI 22:8

Ɓas, Insa amuv̄eleha Monye na Yuhani, awaambia: «Namwendre mwatayarishe uMutupio, pare riuɗye.»

YUHANI 1:42

Amuv̄ingi ha Insa. Insa amuangalia, arongoa: «Wawe ɗe Simoni, mwana wa Yuhani. Ulawa v̄anu utsohiriwa Sefasi.» (Mana yayo, Monye.)

MAV̄INGIZI-RISALA 12:17

Sa ile ha umuhono awaambia waɓurihe, amwesa awaeledza inamuna Mola amutoa shiv̄ani. Awaambia raha: «Namumujudzezo Yakoɓu na wananya waɓaki.» Amwesa alawa, andre mukaɓala wangina.

2 MAKORINTIYO 11:5

Ne tsisuona amba tsa muv̄ungufu hari mwa itsokao yotsi ulawana na «mav̄ingizi-risala wahu» wale.

2 MAKORINTIYO 12:11

Tsika tsifanyiha mujinga, na wanyu ɗe mwaka mwanitsongesha. Kweli amba ika ilazimu wanyu ɗe munisifu, mana tsaka muv̄ungufu rahana «mav̄ingizi-risala wahu» wale hari mwa itsokao yotsi, wala ukana wami tsi shitru.

MAGALATWIYA 1:16

wa univ̄enulia uMwana wahe, ile nimujudze ha uwatru wa zinishani zangina kazimuji Mungu, ɓasi wakati uwo tsatsaha shauri ha mutru atsokao yotsi,

MAGALATWIYA 1:18

Ɓaanda ya maha miraru, tsihea Yerusalemu namujuwe Monye, tsena tsiɓaki suku kumi na tsano hahe.

MAGALATWIYA 2:1

Maha kumi na minne uv̄ira yayo, tsihea raha Yerusalemu v̄umoja na Ɓarnaɓasi, tsena tsimuv̄ingi Titusa na wami.

MAGALATWIYA 6:3

Neka mutru asudzifikiria amba muɓole wakati ulio amba waye shitru titi, asudzilaɓa waye monyewe.