MAGALATWIYA 2:4 - Ha`bari Ndjema ya I Maore

⁴ Piya zile ha siɓaɓu ya watru wadzifanyao wananya wa shi uaminifu wadziseledza hari mwa wasi, ile watunde unafasi rilionawo hari mwa uv̄umoja watru na Kristi-Insa|Kristi, pare warifanye warumwa.

MAGALATWIYA 2:4 Referans Kwoze

YUDA 1:4

Mana v̄udziseledza hari mwanyu ɓaãdhwi ya watru walio amba hukuma yawo iangihwa rangu kaɓula. Wao wakufuru wagaudzao urehema wa Mungu watru ha uufanya shisa ya taɓia mbovu, na umuhara Insa-Kristi, alio weke wahe Fundi watru amma Raɓi.

MAGALATWIYA 5:1

Ile wasi rikane unafasi, ɗe Kristi arikomboa. Ɓasi v̄av̄o namuhodarishihe, wala musudzilishe mwarudi tsena mwatrika mulandza wa urumwa.

MAGALATWIYA 4:3

Wasi wajau, wakati raka wanatsa, rika warumwa wa zinguvu ziv̄ingao ulemengu.

2 MAKORINTIYO 11:26

Wakati mwengi hari mwa misafara, nakokaɓili adjali za miro, za marav̄izi, adjali za watru walio amba nishani moja na wami, adjali ha watru wa nishani zangina, adjali hari mwa yamalago, adjali mav̄adzani, adjali ɓaharini, adjali tsena hari mwa wao wadzifanyao amba wananya wa shi uaminifu.

1 YUHANI 4:1

Wav̄endzewa wangu, mwasuamini kula roho, ɓadi namutunde ziroho, ile mujuwe neka za shi Mungu, mana v̄uenea ulemenguni wengi wadzifanyao amba wasujudza marongozi ya shi mutrume washukidziwa.

2 MONYE 2:19

Wasuwav̄a wahadi wa unafasi, wakati ulio amba wao-wao wa warumwa wa taɓia ndziangamifu. Mana kula mutru uka murumwa wa iyo yamutawalia.

2 TIMUTAUSU 3:6

Hari mwawo v̄wa ɓaãdhwi wadziseledzao moni na malago ya watru, na urenga matreka watruwashe wendza zitswa ndzangu, watruwashe wadzitrihisao udziro wa madhambi, na uv̄ingwa ha ngushauku za namuna na namuna.

MAGALATWIYA 5:10

Wami yangu, hari mwa uv̄umoja watru na Raɓi, tsina uaminifu na wanyu amba kamutsofikiri namuna yangina. Ɓadi mutru amumenyaoni zifikira, neka ɗe mbani au mbani, atsopara zifungo.

2 MAKORINTIYO 11:20

Kweli amba musustahamili mufanyiwe warumwa, muɗyiwe, murav̄we, mufedheshewe, muremwe mav̄i usoni.

2 MAKORINTIYO 11:13

Watru mauri ɗe wao, wao mav̄ingizi-risala ya trambo, warumishi wadangamanyifu, watru wadzifanyao mav̄ingizi-risala ya Kristi.

2 MAKORINTIYO 3:17

Na Raɓi, waye ɗe iRoho, tsena v̄ahali iRoho ya Raɓi ilio, ɗe v̄ukao unafasi.

MAV̄INGIZI-RISALA 20:30

Na ata hari mwanyu v̄anu, ne v̄utsohima watru watsov̄ao misomo kayaɗunga ndzia, ile wagogore yamaswihaɓa wawaɗunge.

MAV̄INGIZI-RISALA 15:24

Rijudzwa amba v̄urilawia watru hunu, wala tsi ha iãmuri yatru, waja wamutashaushini zifikira zanyu ha yamarongozi yawo, wamumenyeni ziroho zanyu.

MAV̄INGIZI-RISALA 15:1

V̄uja watru waka walawa Yudeya, wakosomedza uwananya wa shi uaminifu ha uwaambia: «Neka kamwatahiriwa ha uɗunga imila ya Musa, kamushindri mwahuyiwa.»

1 MONYE 2:16

Namudziv̄inge shi wendza unafasi, ɓila ufanya unafasi wanyu amba shitamba ifinikiao taɓia mbi; mudziv̄inge shi warumwa wa Mungu.

MAGALATWIYA 4:25

Na Hadjira ɗe uMulima wa Sinayi|Mulima wa Sinayi hari mwa iAraɓiya, na waye asurengwa mauri ɗe iYerusalemu ya leo, mana ya hari mwa urumwa na uwana wayo.

2 MAKORINTIYO 11:17

Trongo nijao nirongowe v̄anu, iyo kayalawa ha Raɓi, ɓadi mauri ujinga, v̄umoja na yakini amba tsina trongo ya udziɓua.

MAROMU 8:15

Na Roho iyo mwav̄olwayo tsi ya umufanyani warumwa amba irudise hari mwa trisidzo; ɓadi muv̄olwa Roho imufanyaoni wana, na ha wiyo, risuhira: «Aɓɓa, Ɓaɓa!»

MAGALATWIYA 1:7

Tsi amba v̄wa Haɓari Ndjema yangina, ɓadi v̄wa wamuɓaɓanisaoni, watsahao wagaudze iIndjili ya Kristi.

YAKOƁU 1:25

Ɓadi mutru aangaliao ha makini iSharia yendza ukamilifu iv̄ingiao unafasi, amwesa aendreleao nayo, tsi amba ha uivulishia na uiɗela, ɓadi ha uitria ndziani, mutru uwo atsoɓarikishiha hari mwa izo atsofanyao.

LUKASI 5:38

Ɓadi ilazimu trembo lajemwa av̄asa litrilwe moni na ziya za ngwezi pia.