MAGALATWIYA 2:16 - Ha`bari Ndjema ya I Maore

¹⁶ Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.

MAGALATWIYA 2:16 Referans Kwoze

MAFILIPI 3:9

niparihane hari mwa uv̄umoja na waye, wala tsi amba ha muhakisho wangu monyewe ujao ha ulawana na iSharia, ɓadi ɗe uwo ujao ha uaminifu na Kristi, muhakisho ulawao ha Mungu, tsena waketsi hari mwa uaminifu.

MAROMU 9:30

Ɓasi v̄av̄o rirongowe jeje? Watru wa zinishani zangina kawakodzishahilisa na umuhakisho ha Mungu wapara muhakisho ha ndzia ya uaminifu,

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

MAROMU 4:2

Na djeli Iɓrahima aka ahakishiha mbeli za Mungu ha siɓaɓu ya zitrendro, atsokana trongo ya udzisifu, ɓadi tsi mbeli za Mungu.

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

MAROMU 3:30

mana v̄wa Mungu moja tu, na waye atsohakisha wao watahiriwa ha uaminifu wawo, na wao kawatahiriwa ha siɓaɓu ya uaminifu wawo wajau.

MAROMU 1:17

Mana moni na iIndjili ini ɗe v̄wav̄enuha umuhakisho wa Mungu ha indzia ya uaminifu, ɓadi tsi ha trongo yangina, mauri ɗe inamuna yaangihwa moni na uMuangishio Mutwaharifu amba: «Uwo ahakishiha ha uaminifu wahe, atsokana uhayati.»

1 YUHANI 1:7

Ɓadi neka risendra heuni, mauri waye-waye alio heuni, v̄av̄o ra hari mwa uv̄umoja wasi na wasi, amwesa idamu ya Insa, Mwana wahe, isurirahatsa na kula dhambi.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

MUV̄ENULIO 7:9

Ɓaanda ya v̄ale, tsiono dunia ha uɓole ilio amba kav̄u ata mutru akoshindra aihasiɓu, ya kula nishani, kula kaɓila, kula umati, na kula luha. Waka wahimi mbeli na ishiri ya ufalume, tsena mbeli na uMwana Ɓariɓari, amwesa waka wapindri nguo ndjeu, wasiki na mahuri mihononi.

MAGALATWIYA 5:4

Muɓauhana na Kristi, wanyu mutsahao muhakisho mbeli za Mungu ha ndzia ya iSharia; mulawa hari mwa urehema.

1 MAKORINTIYO 6:11

Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

YUHANI 20:31

Ɓadi zini ziangihwa pare muamini amba Insa ɗe Mutsahuliwa, uMwana wa Mungu, na ha uamini, mukane uhayati ha lidzina lahe.

MAGALATWIYA 4:5

ile akombowe wao wakotawaliwa na iSharia, pare rifanyihe wana.

MUV̄ENULIO 7:14

Tsimudjiɓu: «Mutukufu, wawe usujua.» Amwesa aniambia: «Wao ɗe walawao hari mwa lidjondo ɓole. Wafua nguo zawo, wazifanya ndjeu hari mwa idamu ya uMwana Ɓariɓari.

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.

MAROMU 4:24

ɗe ha siɓaɓu ya wasi wajau ilio amba ritsohakishiha, wasi riaminio Uwo amuregeza hayi ulawa ha uwafu, Insa Raɓi watru,

MAV̄INGIZI-RISALA 4:12

Uhuyifu kausi ha mutru wangina atsokao yotsi, mana shiv̄andreju mwa tsi v̄anu kav̄usi dzina langina lav̄elehwa mbeli za wanadamu amba ha lilo ɗe ralazimu rihuyiwe.»