MAGALATWIYA 2:1 - Ha`bari Ndjema ya I Maore

¹ Maha kumi na minne uv̄ira yayo, tsihea raha Yerusalemu v̄umoja na Ɓarnaɓasi, tsena tsimuv̄ingi Titusa na wami.

MAGALATWIYA 2:1 Referans Kwoze

MAGALATWIYA 2:3

Ɓasi ata Titusa aka na wami alio amba aka Mugiriki, ne kalazimishiwa utahiriwa|utahiri.

TITUSA 1:4

Nisuhuangishia wawe Titusa, mwana wangu wa kweli hari mwa uaminifu watru shirika: Rehema na utrulivu zilawao ha Mungu amma Ɓaɓa v̄umoja na Kristi-Insa, Muhuyifu watru, nazihuendreleye.

MAKOLOSIYA 4:10

Aristarkusa, munyangu wa shiv̄a, asumusalimuni, waye v̄umoja na Markusi, mudjamaza wa Ɓarnaɓasi. Waye uwo madza mupara malagidzo yamuhusu: amoja hanyu, namumurenge ha uzuri.

MAGALATWIYA 2:13

Mayahudi yangina tsena wadzitria moni na trongo ya unafiki ile, ha namuna amba Ɓarnaɓasi waye-waye, ne adzilishi agogorwe hari mwa unafiki wawo ule.

MAGALATWIYA 1:18

Ɓaanda ya maha miraru, tsihea Yerusalemu namujuwe Monye, tsena tsiɓaki suku kumi na tsano hahe.

2 MAKORINTIYO 8:23

Hari mwa yamuhusu Titusa, waye munyangu tsena mushangirizi wangu hari mwanyu. Na ha wananya wa shi uaminifu wasalia, wao ɗe mawakala wa ziDjama Ndziwaminifu, ha utukufu wa Kristi.

2 MAKORINTIYO 8:16

Mungu nahimidiwe, Monyewe utria rohoni ha Titusa djitihadi moja na iyo rilionayo na wanyu.

1 MAKORINTIYO 9:6

Au wami tu na Ɓarnaɓasi, ɗe rilio amba karisina ruhusa rasufanye hazi?

MAV̄INGIZI-RISALA 15:25

Iyo ɗe imana, ha nia moja, ritsahua watru rimuv̄elesheyeniwo v̄umoja na wananya wa roho watru, Ɓarnaɓasi na Ɓaulusu,

MAV̄INGIZI-RISALA 14:12

Ɓas, wamuhiri Ɓarnaɓasi Zeus na Ɓaulusu Hermisa, mana aka ɗe umurongozi mahususu.

MAV̄INGIZI-RISALA 13:50

Ɓadi Mayahudi yakotsotsoa watruwashe wendza sheo watuĩvu na yamakizi-mbeli ya liɗago. Watsongo umani kinyume na Ɓaulusu na Ɓarnaɓasi, ata wawaĩdzia hari mwa liɓavu lawo lile.

MAV̄INGIZI-RISALA 13:2

V̄uka suku, wakati wakoãɓudu Mola na ufunga, iRoho Ndzitwaharifu iwaambia: «Namunihetsiye Ɓarnaɓasi na Saulusu ha ihazi nawahira nawo.»

MAV̄INGIZI-RISALA 12:25

Ɓaanda Ɓarnaɓasi na Saulusu wamalidza urumishi wawo Yerusalemu walawa, wamuv̄ingi Yuhani akohiriwa tsena Markusi.

MAV̄INGIZI-RISALA 11:30

Iyo ɗe inamuna wafanya, wav̄eleha musada ule ha waɓole wa idjama ha yimihono ya Ɓarnaɓasi na Saulusu.

MAV̄INGIZI-RISALA 11:25

Amwesa Ɓarnaɓasi andre Tarsisi pare amuzunguhe Saulusu.

2 MAKORINTIYO 2:13

Ata ha izo, tsaka natrulia roho yangu, mana tsaka namupara mwananyangu wa shi uaminifu, Titusa. Ɓasi tsilaga watru v̄ale, tsilekedza Makadoniya.

MAGALATWIYA 2:9

Na ɓaanda wafahamu ineema nadjaãliwayo, Yakoɓu, Monye na Yuhani, wakorengwa amba ɗe zingidzo za iDjama Ndziwaminifu, wariv̄a umuhono wa hume wami na Ɓarnaɓasi ha ãlama ya uv̄umoja, amba wasi ritsendra ha watru tsi Mayahudi, na wao ha yaMayahudi.