MAGALATWIYA 1:18 - Ha`bari Ndjema ya I Maore

¹⁸ Ɓaanda ya maha miraru, tsihea Yerusalemu namujuwe Monye, tsena tsiɓaki suku kumi na tsano hahe.

MAGALATWIYA 1:18 Referans Kwoze

YUHANI 1:42

Amuv̄ingi ha Insa. Insa amuangalia, arongoa: «Wawe ɗe Simoni, mwana wa Yuhani. Ulawa v̄anu utsohiriwa Sefasi.» (Mana yayo, Monye.)

MAGALATWIYA 2:7

Ɗe ha kinyume, waono amba tsidhwaminishiwa umujudzio wa iIndjili ha watru tsi Mayahudi, mauri Monye ha yaMayahudi.

MAGALATWIYA 2:9

Na ɓaanda wafahamu ineema nadjaãliwayo, Yakoɓu, Monye na Yuhani, wakorengwa amba ɗe zingidzo za iDjama Ndziwaminifu, wariv̄a umuhono wa hume wami na Ɓarnaɓasi ha ãlama ya uv̄umoja, amba wasi ritsendra ha watru tsi Mayahudi, na wao ha yaMayahudi.

MAGALATWIYA 2:11

Ɓadi wakati Monye awaswili Antiyokiya, maswa ha maswa tsamukuɓalia, mana aka akoso.

MAGALATWIYA 2:14

Uona yangu amba kawakoɗunga ndzia yaondzoha yalingana na ukweli wa iIndjili, tsimuambia Monye mbeli za idjama piya: «Neka wawe ulio Muyahudi usuẽshi ha inamuna ya watru tsi Mayahudi, ɓadi tsi mauri Muyahudi, ha namuna jeje ushindrao ulazimishe wale tsi Mayahudi waɗunge mila za shi Uyahudi?»