MAFILIPI 4:6 - Ha`bari Ndjema ya I Maore

⁶ Musudzitriye hamu na itsokao yotsi, ɓadi hari mwa kula trongo, ha ĩɓada na mamilio v̄umoja na himida, namumujudze Mungu hadja zanyu.

MAFILIPI 4:6 Referans Kwoze

1 MONYE 5:7

Namutsuwe piya taãɓu zanyu, mumulishiyezo, mana waye na utungu na wanyu.

MATIYO 6:8

Musufanye mauri ɗe wao, mana Ɓaɓanyu asujua zamulazimuni, kaɓula wanyu umumia.

MAKOLOSIYA 4:2

Namudziv̄e iwanyu yanyu ha yamamilio; namushese ha uendrelea nayo, v̄umoja na himida.

MAEFESO 6:18

Namufanye kula wakati ha iRoho kula aina ya ĩɓada na mamilio. Na v̄av̄o, namuke hashiri wala musulemewe ya umilia piya watwaharifu.

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

LUKASI 18:1

Insa awatolea mufano ha uwaeledza amba walazimu wafanye mamilio ha daima, wala wasulawe tama.

LUKASI 12:22

Ɓasi Insa aambia maswihaɓa yahe: «Iyo ɗe imana nimuambiaoni, musudzitriye hamu na maẽsha yanyu na iyo mutsoɗyao, wala umwili wanyu na iyo mutsopindrao.

MAKOLOSIYA 3:15

Utrulivu wa Kristi ulio amba muhiriwa mukanewo ile mufanyihe mwili moja, nautawale rohoni hanyu. Namuke wendza himida.

MAEFESO 5:20

Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.

LUKASI 10:41

Ɓadi Raɓi amudjiɓu: «Marta mama, usudzitria hamu na udzidanganya iroho ha siɓaɓu ya trongo nyengi.

LUKASI 18:7

Hali Mungu katsov̄a haki watru wahe awatsahua, wamuliliao mauku na mitsana? Hali atsohoma uwadjiɓu?

MATIYO 10:19

Ɓadi mwamov̄elehwa, mwasudzitriye hamu na izo mutsorongoao, wala na inamuna mutsolaguao, mana izo zalazimu muzirongowe, mutsov̄olwazo isa iyo kamwe.

LUKASI 12:29

Ɓasi wanyu, musudzisonge na izo mutsoɗyao na unwa; musuke na hamu.

2 MAKORINTIYO 1:11

Wanyu-wanyu musurisaidi wajau ha yamamilio yanyu. Ha izo, wengi watsohimidia ha siɓaɓu ya wasi na ineema radjaãliwa, yaparihwana ha mamilio ya wengi.

1 MAKORINTIYO 7:32

Natsov̄endza ike amba kamusina taãɓu. Mutru kasi hari mwa ndrolo, udzishuhulisa na trongo za Raɓi, na inamuna ya umujiv̄idza Raɓi.

1 MONYE 4:7

uMwiso wa piya zitrongo ukuruɓia. Ɓasi namukane zifikira zanyu, tsena muke hashiri, pare mufanye mamilio.

MATIYO 13:22

Na uwo apara yamaela hari mwa malavu yendza miɓa, ɗe uwo akiao uurongozi, ɓadi mifikirisho ya lidunia lini na uv̄endza-mali uɓala pumu urongozi ule, ata kaudza mavuna.

1 MAKORINTIYO 7:21

Hali uhiriwa yaho uka murumwa? Isuhutriye shuhuli. Ɓadi neka utsoshindra upare unafasi, parilia.

MATIYO 6:34

Ɓasi musudzitriye hamu na imeso, mana imeso itsodzishahilisha wiyo monyewe. Kula suku utosheha na taãɓu zayo.»

1 TIMUTAUSU 2:1

Kaɓula ya kula trongo, nisutsaha v̄uv̄elehwe ha Mungu hadja, mamilio, mirayilio, v̄umoja na himida ya wanadamu piya.

1 TIMUTAUSU 5:5

Mutrumushe afiliwa wa kweli alio amba aɓaki weke, ahetsi tama yahe ha Mungu, amwesa waye uendrelea ha hadja na mamilio uku na mutsana.