MAFILIPI 4:5 - Ha`bari Ndjema ya I Maore

⁵ Umakini wanyu naujulihane ha watru piya. Raɓi a kariɓu.

MAFILIPI 4:5 Referans Kwoze

MATIYO 6:25

«Iyo ɗe imana nimuambiaoni, musudzitriye hamu na maẽsha yanyu na iyo mutsoiɗyao na mutsoinwao, wala na umwili wanyu na iyo mutsoipindrao. Maẽsha, yao tsi ɓorwa rahana shahula, na umwili rahana nguo?

TITUSA 3:2

wasutefuwe mutru atsokao yotsi, wake watrulivu, wasuke waguguru, ɓadi wake wema mbeli za piya wanadamu.

MAHEƁRANIYA 10:37

Mana v̄uangihwa: «Mwana muda raha, mushashi tu, na Uwo alazimu aje atsoja, waye katsohoma.

1 MONYE 4:7

uMwiso wa piya zitrongo ukuruɓia. Ɓasi namukane zifikira zanyu, tsena muke hashiri, pare mufanye mamilio.

1 MAKORINTIYO 6:7

Ɓasi rangu muliona mashitaka wanyu na wanyu, v̄av̄o mushindriha halisi. Tsi ɓorwa mwadhulumiwa? Tsi ɓorwa mwadzilisha mwav̄oshewa mali zanyu?

MAHEƁRANIYA 10:25

Rasulishe ungulidzana na wanyatru wa shi uaminifu, mauri ɓaãdhwi waliona udzevu nayo, ɓadi naritriyane ɓari wasi na wasi, na zini hususwani iv̄o muonao amba iSuku isukuruɓia.

MUV̄ENULIO 22:7

«Tsami nisuja tsi hale! Aɓarikishiha uwo asika marongozi ya shi mutrume yashukidziwa ya ishio ini.»

1 MAKORINTIYO 8:13

Iyo ɗe imana ata neka shahula isukwalisa umwananya muaminifu wangu, tsisina tsena suku nitsoɗyao nyama, pare nasukwalise mwananyangu.

MATIYO 6:34

Ɓasi musudzitriye hamu na imeso, mana imeso itsodzishahilisha wiyo monyewe. Kula suku utosheha na taãɓu zayo.»

MUV̄ENULIO 22:20

Monyewe ulawia ushahidi trongo zini asurongoa: «Ewa, nisuja tsi hale.» Amina. Ko, Raɓi Insa.

1 MONYE 1:11

Wakozunguha wajuwe amba wakati trini, na ha namuna jeje zitsohidjirio zitrongo zarongolwa na iRoho ya Kristi yaka hawoju, Roho ilio amba ijudza rangu kaɓula matungu ya Kristi na utukufu wakoja uɗunge v̄av̄o.

1 MAKORINTIYO 9:25

Piya walio hari mwa mashindrano udziɓalidza na nyengi. Na wao ufanya trongo iyo, ile wapare hishima ilio amba muola. Ɓadi wasi yatru tsi muola, ya daima.

2 MATESALONIKA 2:2

musudzilishe mwaɓaɓanyisiwa ha upesi zifikira, wala mwahafilishiwa, neka ha marongozi ya shi mutrume yashukidziwa, au ha kalima, au ha ɓarua lirengwao mauri lilawa hatru, amba isuku ya umuregeo wa Raɓi iwaswili.

LUKASI 21:34

«Namudzifahamishe, ha uria ziroho zanyu zasutrihisiwe trongo ya uv̄endza uɗya na unwa, na ya udzishuhulisa taãɓu za maẽsha, ile pare isuku iyo isumujiliyeni ha hafula yaka mauri kamwakodzilindrilia.

1 MAKORINTIYO 16:22

Neka v̄wa mutru kamuv̄endze Raɓi, nalaãniwe. Maranatha!

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,