MAFILIPI 4:4 - Ha`bari Ndjema ya I Maore

⁴ Namufurahini daima hari mwa uv̄umoja wanyu na Raɓi. Nisurudi niirongowe, namufurahini!

MAFILIPI 4:4 Referans Kwoze

MAROMU 12:12

Hari mwa itama mulionayo, namufurahi, moni na taãɓu, namuke na suɓira, mudzifungamanise na mamilio.

MAFILIPI 3:1

Yaɓaki, wananyangu wa shi uaminifu, namufurahi hari mwa uv̄umoja wanyu na Raɓi. Kaisunitaãɓisha umuangishiani trongo ɗe wizo-wizo, na hanyuju, iyo hifadhwi.

MATIYO 5:12

Namujiv̄iwe, tsena muke hari mwa furaha, mana thawaɓu zanyu zitsoka ɓole pev̄oni. Mana ɗe ha inamuna iyo ɗe yakotreswa yimitrume yav̄ira kaɓula ya wanyu.»

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

MAV̄INGIZI-RISALA 16:25

Ata hari-hari za uku, Ɓaulusu na Silasi wakofanya mamilio na uhedza madjimbo ya usifu Mungu. Na wafungwa wasalia wakowavulishia.

MAV̄INGIZI-RISALA 5:41

yaMav̄ingizi-Risala yale yalawa hari mwa uMungulidzano wa Waɓole, wafurahi ha iv̄o waonehana amba wastahiki warendrwe mbovu ha siɓaɓu ya lidzina la Insa.

MAGALATWIYA 1:8

Ɓadi neka v̄wa mutru, wala ukana ɗe wasi, au malayika yalawa pev̄oni, amba asumujudzani Haɓari Ndjema yangina na ile ramujudzaniyo, ɓasi nalaãniwe.

2 MAKORINTIYO 6:10

mauri watru wahuzunishiha, ata iv̄o rilio rahani daima; mauri masikini, ata iv̄o ritadjirisao wengi; mauri watru kawasina itsokao yotsi, ata iv̄o riliona piya.

MAFILIPI 2:18

Ɓasi ɗe inamuna iyo wajau, namufurahi wanyu, namufurahi v̄umoja na wami.