MAFILIPI 3:5 - Ha`bari Ndjema ya I Maore

⁵ tsitahiriwa isuku ya nane, Muisraila, wa udjama wa Ɓenyamini, Muheɓraniya nadzalwa na Maheɓraniya; yahusu iSharia, wami Mufarisayo;

MAFILIPI 3:5 Referans Kwoze

2 MAKORINTIYO 11:22

Amba wao Maheɓraniya? Wami wajau. Maisraila? Wami wajau. Wao zilembwe za Iɓrahima? Wami ne.

MAROMU 11:1

Ɓasi v̄anu nisudzisa: Hali v̄av̄o Mungu ajeledza umati wahe? Ata hata! Mana wami-wami mutru wa Israila, shilembwe ya Iɓrahima, wa udjama wa Ɓenyamini.

MAV̄INGIZI-RISALA 23:6

Ha iv̄o akojua amba nusu ika watru wa ishama ya dini ya Masadukayo na inusu ishama ya Mafarisayo, Ɓaulusu arongoa ha nguvu mbeli za uMungulidzano Muɓole ule: «Wananyangu, wami Mufarisayo, mwana wa Mafarisayo. Ɗe ha siɓaɓu ya itama yangu ya umuregezeo hayi wa uwafu ɗe nijao ninamulwe.»

MAV̄INGIZI-RISALA 22:3

«Wami Muyahudi nadzalwa Tarsisi hari mwa liɓavu la Silisiya, ɓadi tsilelesheha Yerusalemu. Ɗe ha uketsi mindruni ha Djamalayilu, ɗe nasomedzewa niɗunge umunofu wa iSharia ya wadzaɗe watru. Tsikana djitihadi ya kusudi na Mungu, mauri ɗe inamuna piyanyu mulionayo ileo ini.

LUKASI 1:59

Ata isuku ya nane, waja ha utahiri umwana. Watsaha wamuv̄e lidzina la ɓaɓahe Zakariya,

MAV̄INGIZI-RISALA 6:1

Hari mwa zisuku zizo, ɓaanda ihisaɓu ya maswihaɓa yakwendra na uengedzeha, wale wakolagua Shigiriki wakonguruma kinyume na wale wakolagua Shiheɓraniya, mana hawo watruwashe wafiliwa na waume wawo kawakov̄olwa sawa na wanyawo wasalia umusada wakotolwa kula suku.

LUKASI 2:21

iSuku ya nane yamopara atahiriwa, av̄olwa lidzina la Insa, dzina laka lajudziwa mayahe na imalayika kaɓula ya waye umumira.

LUKASI 5:38

Ɓadi ilazimu trembo lajemwa av̄asa litrilwe moni na ziya za ngwezi pia.