MAFILIPI 3:15 - Ha`bari Ndjema ya I Maore

¹⁵ Ɓasi v̄av̄o neka wasi rikamilishiha, nariɓaki hari mwa fikira iyo; na neka v̄wa trongo ilio amba musuiona namuna yangina, Mungu atsomuv̄enuliani wajau inamuna yayo.

MAFILIPI 3:15 Referans Kwoze

YUHANI 7:17

Mutru atsahao afanye mav̄endzeleo yahe waye Mungu, atsojua neka musomo wangu ulawa ha Mungu, au neka nisulagua ha iwami yangu.

MAGALATWIYA 5:10

Wami yangu, hari mwa uv̄umoja watru na Raɓi, tsina uaminifu na wanyu amba kamutsofikiri namuna yangina. Ɓadi mutru amumenyaoni zifikira, neka ɗe mbani au mbani, atsopara zifungo.

1 MAKORINTIYO 2:6

Na v̄av̄o, kweli amba risujudza hikima hari mwa watru waaminifu wakamiliha shiroho, ɓadi hikima ilio amba tsi ya ulemengu unu, wala tsi ya matawalizi wa lidunia lini, walio amba wahetsiwa wandre waangamidziwe;

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

1 MAKORINTIYO 14:20

Wananyangu, musuke wanatsa hari mwa unamuzi. Hari mwa yahusu imbovu, namuke wanazaza, ɓadi yahusu unamuzi, namuke watru waɓalihi.

MATIYO 5:48

Ɓasi namurahare, mauri ɗe Ɓaɓanyu mbinguni, alio amba arahara.»

MAHEƁRANIYA 5:14

Ɓadi shahula mangavu, ya watru waɓalihi, walio amba koho la unamuzi lawo lihodarishiha hari mwa trongo ya utafautisha indjema na imbovu.

MAKOLOSIYA 1:28

Waye uwo ɗe rijudzao, ha ufahamisha kula shiumbe mwanadamu na usomedza kula shiumbe mwanadamu ha piya zihikima, ile riv̄inge kula mutru akamilishihe hari mwa uv̄umoja na Kristi.

MAROMU 15:1

Wasi rilio wahodari, rilazimu rireme ɓega udziro wa wale kawasi wahodari, wala tsi ha udzijiv̄idza wasi wenyewe.

LUKASI 11:13

Ɓasi neka wanyu namuna mulio waovu, musujua uv̄a wana wanyu zitru ndzuzuri, ha mara ngav̄i zaidi Ɓaɓa alio mbinguni atsov̄ao iRoho Ndzitwaharifu wao wamumiaoyo?»

1 YUHANI 2:5

Ɓadi mutru asikao urongozi wahe, uv̄endza wa Mungu ha kweli uswafishiha haheju. Ha ini ɗe rijuao amba ra hari mwa uv̄umoja na waye:

2 TIMUTAUSU 3:17

ile mutru wa Mungu akamilishihe, ake tayari ya ufanya kula shitrendro ndjema.

YUHANI 6:45

V̄uangihwa moni mwa yimiangishio ya yimitrume: ‹Watsosomedzewa piyawo na Mungu.› Kula mutru amuvulishia Ɓaɓa, tsena apara umusomo wahe, unijilia.

MAEFESO 1:17

Ɓasi Mungu wa Raɓi watru Insa-Kristi, Ɓaɓa mwendza utukufu, namudjaãliyeni roho ya hikima na muv̄enulio, ile pare mumujuwe ha ukamilifu wahe.

1 MATESALONIKA 4:9

Hari mwa yahusu uv̄endzana wa shi unanya, tsi paka muangishiwe, mana wanyu-wanyu musomo ha Mungu amba muv̄endzane wanyu na wanyu.