MAFILIPI 2:6 - Ha`bari Ndjema ya I Maore

⁶ Waye alio amba aka hali moja na Mungu, kaona uka yahe sawa na Mungu amba trongo ya usika,

MAFILIPI 2:6 Referans Kwoze

YUHANI 5:18

Ɓasi ha izo tsena ɗe yamakizi-mbeli ya Mayahudi yakozidi uzunguha ndzia wamuule. Mana tsi tu amba akovundza iSharia ya iSuku ya Uv̄umuzi, ɓadi akorongoa amba Mungu ɗe Ɓaɓahe kweli-kweli, na ha izo akodzifanya sawa na Mungu.

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

YUHANI 17:5

Na av̄asav̄anu Ɓaɓa, v̄enua utukufu wangu mbeli zaho, utukufu naka nawo haho, kaɓula ya lidunia uka.

MUV̄ENULIO 21:6

Aniambia tsena: «Zitsimidziha. Wami ɗe Alfa na Omega, uMwandro, na uMwiso. Uwo aliona nyora, nitsomuv̄a anwe hari mwa lidzitso la maji ya uhayati ɓila uliv̄a.

YUHANI 10:30

Wami na Ɓaɓa, wasi moja.»

MAHEƁRANIYA 13:8

Insa-Kristi a ɗe waye-waye, jana, leo, na daima.

YUHANI 10:33

Mayahudi yamudjiɓu: «Tsi ha siɓaɓu ya shitrendro ndjema ɗe ritsahao rihuvutsiye mawe, ɓadi ɗe iv̄o wamukufuru Mungu, mana wawe mwanadamu usudzifanya Mungu.»

MAROMU 9:5

Wadzaɗe wawo ɗe wadzaɗe wa zamani wale, na uv̄andre wa shiuɓinadamu Kristi alawa hari mwa ikaɓila yawo, waye Monyewe uju na zitrongo piya, Mungu naɓarikishihe daima. Amina.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

YUHANI 20:28

Sa ile Tomasi amudjiɓu: «Raɓi wangu, tsena Mungu wangu!»

YUHANI 10:38

Ɓadi neka nisuzifanya, wala ukana amba kamusuniamini wami, namuamini zitrendro zile, pare mujuwe amwesa muelewe, amba Ɓaɓa a moni hangu, na wami tsa moni ha Ɓaɓa.»

MAHEƁRANIYA 1:6

Na tsena, uv̄eleha yahe umudzalwa wa handra uwo ulemenguni, arongoa: «Piya zimalayika za Mungu nazimuãɓudu.»

TITUSA 2:13

ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi.

MATIYO 1:23

«Mutrumushe-mwanamutsa atsomira, atsodza mwana mutruɓaɓa atsohiriwao Emanueli.» Faswiri ya v̄av̄o: «Mungu a v̄umoja na wasi».

YUHANI 14:9

Insa amuambia: «Filiɓusa, ina muda mwengi nilio na wanyu, ne kwanijua? Mutru aniona, amuono Ɓaɓa. Ɓas, ha namuna jeje ata urongoao: ‹Rionese Ɓaɓa›?

MAHEƁRANIYA 1:8

Ɓadi uhusu uMwana arongoa: «Shiri ya yezi yaho, wawe Mungu, iyo ya daima, na itsimbo ya utawalizi waho, iyo tsimbo ya haki.

YUHANI 5:23

pare watru piya wahishimu uMwana mauri ɗe inamuna wamuhishimuo waye Ɓaɓa. Mutru kahishimu uMwana, v̄av̄o waye kahishimu Ɓaɓa, ule amuv̄eleha.

YUHANI 14:28

Mukia amba tsimuambiani: ‹Wami nisendra dzangu, amwesa nitsomurudiani›. Neka musuniv̄endza, mutsofurahi iv̄o nendrao ha Ɓaɓa, mana Ɓaɓa muɓole rahana wami.

YUHANI 1:18

Kav̄u ata mutru aparomuona Mungu, ɓadi Mungu uMwana moja-moja alio v̄umoja na Ɓaɓa, ɗe amujudza.

1 TIMUTAUSU 1:17

Ɓasi ha uMufalume wa daima, tsi mufa, tsi muonehana, Mungu weke wahe, nav̄uke hishima na utukufu daimani aɓada. Amina.

2 MAKORINTIYO 8:9

Mana musujua ineema ya Raɓi watru Insa-Kristi|Insa: waye alio amba akana utadjirifu, adzisikinisha ha tanafu yanyu, pare ha usikini wahe, wanyu mutadjirishihe.