MAFILIPI 2:3 - Ha`bari Ndjema ya I Maore

³ Musufanye itsokao yotsi ha mashindrano, wala ha udzirendra, ɓadi ha uwekevu, namuone wasalia ɓorwa rahana wanyu.

MAFILIPI 2:3 Referans Kwoze

MAROMU 12:10

Namuv̄endzane wanyu na wanyu ha huɓa ya shi unanya; namukane djitihadi ya uhishimiana.

MAGALATWIYA 5:26

Rasudzione, nariziye utukizana na uoneana uwivu.

MAEFESO 5:21

Kula moja hari mwanyu nadzihetsi tayari ya utuĩ munyahe ha mastaha mulionawo na Kristi.

MAEFESO 4:2

hari mwa uwekevu na umakini, v̄umoja na suɓira. Namustahamiliane wanyu na wanyu hari mwa mahaɓa.

1 MONYE 5:5

Wanyu wajau mashaɓaɓi, namudzituĩse ha uwaɓole. Piyanyu hari mwa maendreleo yanyu wanyu na wanyu, namudziɓangise uwekevu, mana v̄uangihwa: «Mungu waye kinyume na wao wadzionao, ɓadi waye udjaãlia urehema wahe ha waekevu.»

MAFILIPI 2:14

Namufanye trongo piya pasipo ya unguruma ɓila mashindrano,

MAGALATWIYA 5:15

Ɓadi neka musuremana manyo na uɗyana, namufahamu, musuje mwaangamidziwa wanyu na wanyu.

1 TIMUTAUSU 6:4

v̄av̄o ajaya ufahari, kasina yotsi aijuao; ana uwaɗe wa ushindrana na umani hari mwa zikauli. V̄av̄o ɗe v̄udzalishihao uwivu, mashindrano, naza, misingidzio miovu,

LUKASI 18:14

Ɓasi nisumuambiani, mutru unu aregea hahe amba akuɓaliwa mbeli za Mungu rahana moja ule. Mana yotsi adzihedzao, atsoshukidziwa, na uwo adzishukidzao, atsohedzewa.»

MAKOLOSIYA 3:8

Ɓadi av̄asa, wanyu wajau, namulatse piya zini: hasera, utukifu, upeu, uruhana, na marongozi maovu yalawao hanyoni.

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

1 MAKORINTIYO 3:3

Mana raha musudziv̄inga shiuɓinadamu. Rangu hari mwanyu v̄ulio uwivu na umani, v̄av̄o kamusi shiuɓinadamu? Hali kamusudziv̄inga ha namuna ya shi ulemengu?

1 MAKORINTIYO 15:9

Mana wami ɗe umuv̄ungufu hari mwa yaMav̄ingizi-Risala, tsisustahiki ata uhiriwa Muv̄ingizi-Risala, mana tsitrese iDjama Ndziwaminifu ya Mungu.

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

MAROMU 2:8

Ɓadi hadhaɓu na hasera ha wao wadzinafasishao, waharao ukweli na uɗunga udhuluma.

MAKOLOSIYA 3:12

Ɓasi v̄av̄o wanyu mwatsahulwa na Mungu, amba watwaharifu amma wav̄endzewa, namudzipindrise mo wa poreho, uwema, uwekevu, umakini, na suɓira.

1 MONYE 3:8

Ha muhutaswari, namuke konyo moja piyanyu, namuoneane utungu, muv̄endzane shiunanya, muv̄orehane, mukane uwekevu.