MAFILIPI 2:19 - Ha`bari Ndjema ya I Maore

¹⁹ Nisutumainia hari mwa uv̄umoja wa Raɓi Insa, nimuv̄elesheyeni Timutausu hari mwa muda wa tsi hale, ile wami-wami nitrilihe ɓari namopara haɓari zanyu.

MAFILIPI 2:19 Referans Kwoze

1 MAKORINTIYO 4:17

Iyo ɗe imana nimuv̄elesheaoni Timutausu alio amba hari mwa uv̄umoja na Raɓi, waye mwana wangu muv̄endzewa, tsena muaminifu. Atsomunahanidzani maendreleo yangu hari mwa uv̄umoja na Kristi-Insa, mauri ɗe inamuna niyasomedzao kula v̄ahanu moni na kula Djama Ndziwaminifu.

1 MATESALONIKA 3:2

amwesa rimuv̄elehe mwananyatru Timutausu, mushangirizi wa Mungu ha ihaɓari ndjema ya Kristi, ile amuhodarisheni na umutriani ɓari ha tanafu ya uaminifu wanyu,

MAFILIPI 1:1

Ɓaulusu na Timutausu, warumishi wa Kristi-Insa, ha piya watwaharifu hari mwa uv̄umoja wawo na Kristi-Insa walio ɗagoni Filipi, ha yamadhwamana na wasaidizi:

MAFILIPI 2:28

Ɓasi iyo ɗe imana nazidi ukana inia ya umuv̄eleha, ile mufurahi mwamomuona raha, na wami niv̄unguhe huzuni.

YAKOƁU 4:15

Ɗe ikinyume ilazimu murongowe amba: «Neka Mola av̄endze, ritsoka hayi, amwesa rifanye ini au ile.»

2 TIMUTAUSU 1:12

Na iyo ɗe imana ata niparwao na maondo yanu, ɓadi tsisuyaonea haya, mana nisujua uwo namuamini, tsena tsina yakini amba ana ushindzi wa usika iyo nadhwaminishiwayo ata mupaka Suku iyo.

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

MAEFESO 1:13

Wanyu wajau hari mwa uv̄umoja wanyu na waye ɓaanda mwakia urongozi wa ukweli, ne ɗe iIndjili ya ukombofu wanyu, ɓasi hari mwa uv̄umoja uwo, mungia hari mwa uaminifu, tsena muremwa muhuri ha iRoho Ndzitwaharifu yaka yatolwa wahadi.

MAROMU 16:21

Timutausu, munyangu wa ihazi, asumusalimuni, v̄umoja na wadjemazangu Lukiyusu, Yasuna, na Susiɓateri wasumusalimuni wajau.

MAROMU 15:12

Na tsena, mutrume Izaya arongoa: «V̄utsoja mutse wa inaswila ya Yesi, uwo atsohimao atawaliye zinishani; haheju zinishani zitsotria tama yazo.»

MATIYO 12:21

Na zinishani zitsohetsi tama yazo hari mwa lidzina lahe.»

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

MAV̄INGIZI-RISALA 16:1

Ɓaanda ya v̄ale Ɓaulusu andre ata Derɓi na Listra. Na hule v̄uka swihaɓa akohiriwa Timutausu, mwana mutruɓaɓa wa mutrumushe Muyahudi muaminifu, ɓadi ɓaɓahe kaka Muyahudi.

MAFILIPI 2:18

Ɓasi ɗe inamuna iyo wajau, namufurahi wanyu, namufurahi v̄umoja na wami.

1 MATESALONIKA 3:5

Iyo ɗe yatsonga amba ɓaanda tsakoshindra nastahamili tsena, tsimuv̄eleha Timutausu aje arenge haɓari ya uaminifu wanyu, ha trisidzo amba uMuzainifu aja amuzainini ata yaka amba hazi yatru kaina mana.