MAFILIPI 2:14 - Ha`bari Ndjema ya I Maore

¹⁴ Namufanye trongo piya pasipo ya unguruma ɓila mashindrano,

MAFILIPI 2:14 Referans Kwoze

1 MONYE 4:9

Namukariɓisane ɓila unguruma.

1 MAKORINTIYO 10:10

Mwasungurume mauri wasalia mengoni mwa wao wakonguruma, ata waangamidziwa na uMuangamifu.

MAFILIPI 2:3

Musufanye itsokao yotsi ha mashindrano, wala ha udzirendra, ɓadi ha uwekevu, namuone wasalia ɓorwa rahana wanyu.

YAKOƁU 5:9

Mwasungurume wanyu na wanyu, wananyangu, pare mwasuhukumulwe. Tsuwo, hakimu ahimi mulongoju.

MAROMU 12:18

Neka trongo mukinishiha, ha ikadiri itrongo itsokao djukumani hanyu, namuẽshi hari mwa amani v̄umoja na watru piya.

1 MATESALONIKA 5:15

Namutahadhari amba v̄usuke mutru aɗiv̄a mbovu ha mbovu, ɓadi ha daima namuendreleye hari mwa zindjema, rangu wanyu na wanyu, ata ha piya wanadamu.

YAKOƁU 1:20

mana hasera ya mwanadamu kairendre iyo Mungu aonao amba haki.

MAGALATWIYA 5:26

Rasudzione, nariziye utukizana na uoneana uwivu.

MAGALATWIYA 5:15

Ɓadi neka musuremana manyo na uɗyana, namufahamu, musuje mwaangamidziwa wanyu na wanyu.

YAKOƁU 3:14

Ɓadi neka rohoni hanyu muna uwivu muhali, na taɓia ya udziwanilia, ɓasi mwasudzifahari, wala mwasulaɓe ikweli.

MAROMU 14:1

Namurenge ha uzuri uwo kasina uaminifu muhodari, wala musushindrane yahusu fikira zahe.

YUDA 1:16

Wao watru wangurumao, waululao na inamuna yawo, tsena wav̄ingwao ha zingushauku zawo wenyewe; hanyo zawo ulagua trongo za zirusi, tsena wao usifu watru ha mupario wawo.

1 MONYE 3:11

Nadziɓause na mbovu, afanye indjema, natsahe iamani, tsena aiɗunge.

MAHEƁRANIYA 12:14

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.

MAROMU 16:17

Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao.

MAV̄INGIZI-RISALA 15:2

Wakati ule Ɓaulusu na Ɓarnaɓasi wangia na mahadisi na mashindrano ya kusudi v̄umoja na wao. Ha izo, uwananya warenge ãzima amba Ɓaulusu na Ɓarnaɓasi v̄umoja na ɓaãdhwi ya wanyawo, waheye Yerusalemu ha yaMav̄ingizi-Risala|Mav̄ingizi-Risala na yamadhwamana ya iDjama Ndziwaminifu, wandre watwaliye itrongo ile.

MAV̄INGIZI-RISALA 6:1

Hari mwa zisuku zizo, ɓaanda ihisaɓu ya maswihaɓa yakwendra na uengedzeha, wale wakolagua Shigiriki wakonguruma kinyume na wale wakolagua Shiheɓraniya, mana hawo watruwashe wafiliwa na waume wawo kawakov̄olwa sawa na wanyawo wasalia umusada wakotolwa kula suku.

1 MATESALONIKA 5:13

Namuwav̄e hishima ha kusudi na mahaɓa, ha siɓaɓu ya urumishi wawo. Namukane amani wanyu na wanyu.

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

MAV̄INGIZI-RISALA 15:39

Mashindrano yawo yale yaka madziro ata watsapushiana. Ɓarnaɓasi amurenge Markusi, watreke wandre hari mwa ishisiwa ya Kupro.

MAV̄INGIZI-RISALA 15:7

Ɓaanda ya muda mwengi wa marongozi, Monye ahimi, awaambia: «Wananyangu, musujua amba rangu zisuku za handra, Mungu anitsahua hari mwanyu; arenge satua amba ha ihanyo yangu, watru wa zinishani zangina wakiye urongozi wa iHaɓari Ndjema, amwesa waamini.

MARKUSI 14:5

Yatsoka ɓorwa yaudziwe ha turuturu miya ata mara traru za fedha, ziv̄olwe zimasikini.» V̄ale wamulagulia mutrumama ule.

MATIYO 20:11

Wamoliv̄wa v̄ale, wanguruma kinyume na monyewe shamba

MARKUSI 9:14

Wakati waja wapara maswihaɓa yasalia yale, waono dunia nyengi yawazingidzia, na Mafundi ya Sharia wakoshindrana na wao.

LUKASI 5:30

Watru wa ishama ya Mafarisayo na Mafundi ya Sharia yawo wakonguruma na uambia maswihaɓa yahe: «Manatrini muɗyao na unwa v̄umoja na maliv̄isa-latete na wendza taɓia mbi?»