MAFILIPI 2:13 - Ha`bari Ndjema ya I Maore

¹³ Mana Mungu ɗe Monyewe utria moni hanyu iutsaha na iurendra ha ulingana na mav̄endzeleo yahe.

MAFILIPI 2:13 Referans Kwoze

MAHEƁRANIYA 13:21

namudjaãliyeni ushindzi wa kula ndjema itsomuruhusunio mufanye mav̄endzeleo yahe; nafanye moni hatru izo zimujiv̄iao, ha indzia ya Insa-Kristi, alio amba haheju utukufu naumuendreleye ha daima. Amina.

2 MAKORINTIYO 3:5

Ɓila tsi amba ha iwasi yatru ɗe rishindrao ridzihetsiye itsokao yotsi amba yalawa ha wasi wenyewe, ɓadi ushindzi watru ulawa ha Mungu.

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

MAROMU 9:16

Ha izo, kayaketsi ha yamav̄endzeleo ya mutru, au ha idjitihadi yahe, ɓadi ɗe ha Mungu Monyewe urehemu.

1 MAKORINTIYO 15:10

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

YUHANI 3:27

Yahaya adjiɓu: «Mutru kashindri upara shitru neka kav̄olwayo na Mungu, Monyewe pev̄oni.

MAEFESO 1:11

Hari mwa uv̄umoja watru na waye, ripara wajau fungu latru la umwaratha, wasi ratsahulwa rangu kaɓula, ha uɗunga mupango wa Uwo arendrao piya ha ulingana na inia ya mav̄endzeleo yahe,

1 MAKORINTIYO 12:6

V̄wa tafauti za hazi, ɓadi Mungu ɗe waye-waye ɗe arendrao piya ha piya.

2 MATESALONIKA 1:11

Iyo ɗe imana dahari rimufanyiaoni mamilio, ile Mungu watru amuoneni amba mustahiki muhirio wahe, tsena atsimidze ha ushindzi wahe kula nia ndjema mulionayo, na kula shitrendro muifanyao ha uaminifu.

MAEFESO 1:5

aripangisa rangu kaɓula rifanyishihe wana wahe ha ndzia ya Insa-Kristi. Yao ɗe mav̄endzeleo yahe yamujiv̄ia,

MAEFESO 2:8

Mana ha rehema ɗe mwahuyiwa, ha ndzia ya uaminifu. Na iyo kaisuja ulawa hanyuju, ɓadi iyo ɗe ineema ya Mungu.

LUKASI 12:32

«Usuriye mwana ɓangwe, mana Ɓaɓanyu aono ndjema amuv̄eni uUtawalizi.

MAEFESO 1:9

Arijudza iãdjaɓu ya mav̄endzeleo yahe, ne ɗe umupango wa mav̄endzeleo yahe yamujiv̄ia adzitayarishawo rangu kaɓula autsimidze ha indzia ya Kristi,

YUHANI 6:65

Aengedza raha: «Iyo ɗe imana namuambiani amba kav̄u mutru ashindrao anijiliye neka kav̄olwa itrongo na Ɓaɓa.»

MAROMU 9:11

Na kaɓula ya wana wahe udzalwa, raha kawafanya ndjema wala mbovu, ile pare umupango wahe uɓaki, ne ɗe uka amba waye ɗe atsahuao,

YUHANI 6:45

V̄uangihwa moni mwa yimiangishio ya yimitrume: ‹Watsosomedzewa piyawo na Mungu.› Kula mutru amuvulishia Ɓaɓa, tsena apara umusomo wahe, unijilia.

1 MONYE 1:3

Naɓarikishihe Mungu amma Ɓaɓa wa Raɓi watru Insa-Kristi, alio amba ha urehema muɓole wahe, ariv̄a uhayati muv̄ia ha umuregezeo hayi wa Insa-Kristi ulawa ha uwafu, ile rikane tama ilio hayi,

MAV̄INGIZI-RISALA 11:21

Ushindzi wa Raɓi uka v̄umoja na wao, ata wengi waamini, ziroho zawo zigauha ha Raɓi.

LUKASI 2:14

«Natukuzihe Mungu hari mwa yimikaɓala ya uju rahana uju, na amani shiv̄andreju mwa tsi ha wao awav̄a fadhwila.»

MAROMU 12:3

Ha ineema nadjaãliwayo, nisuambia kula moja hanyuju: musudzione uju rahana yalazimu, ɓadi kula moja nadzione na ikiasi yalingana na uaminifu Mungu amukadiriawo.