MAFILIPI 2:11 - Ha`bari Ndjema ya I Maore

¹¹ tsena kula hanyo ikuɓali ha hadhwira amba Insa-Kristi ɗe Raɓi, ha utukufu wa Mungu amma Ɓaɓa.

MAFILIPI 2:11 Referans Kwoze

1 YUHANI 4:15

Uwo akuɓalio amba Insa ɗe uMwana wa Mungu, Mungu uẽshi hari mwa uv̄umoja na waye, na waye hari mwa uv̄umoja na Mungu.

MAROMU 14:11

Mana v̄uangihwa moni mwa uMuangishio: «Ha ikweli nilio hayi, arongoa Mola, kula mutru atsovundza malondro mbeli zangu, na kula hanyo itsokuɓali amba wami Mungu.»

YUHANI 13:13

Musunihira Fundi, na Raɓi, tsena muna haki, mana wami ɗe wizo zile.

1 YUHANI 4:2

Ɗe ha ini ɗe mujuao iRoho ya Mungu: kula roho ikuɓalio amba Insa-Kristi|Insa aja shimwili, iyo ya shi Mungu.

MAROMU 14:9

Mana neka amba Kristi afu, tsena aregezewa hayi, ɗe iv̄o ake Raɓi wa wao wafa, na wa wao walio hayi.

1 MAKORINTIYO 12:3

Ha izo, nisutsaha muelewe amba kav̄usi alaguao ha iRoho ya Mungu arongoao: «Insa nalaãnwe», wala kav̄usi ashindrao arongowe: «Insa ɗe Raɓi», neka tsi ha iRoho Ndzitwaharifu.

YUHANI 14:13

Na yotsi mutsoimiao ha lidzina langu, nitsoifanya, ile pare Ɓaɓa atukuziwe ha uMwana.

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

1 MAKORINTIYO 8:6

ɓadi hatruju v̄wa Mungu moja tu, Ɓaɓa alio amba zitru piya ulawa haheju, na ha waye ɗe rilio; na Raɓi moja, Insa-Kristi, alio amba ha ndzia yahe ɗe piya zilio, na ha ndzia yahe tsena ɗe rilio.

MUV̄ENULIO 3:5

V̄av̄o uwo ashindra atsopindra nguo ndjeu; tsitsozima ata hata lidzina lahe moni na ishio ya uhayati, tsena nitsokuɓali dzina lahe mbeli za Ɓaɓangu na mbeli za zimalayika zahe.

MATIYO 10:32

«Ha izo, yotsi anikuɓalio mbeli za wanadamu, nitsomukuɓali wami wajau mbeli za Ɓaɓangu alio mbinguni.

MAV̄INGIZI-RISALA 10:36

Av̄eleha Urongozi wahe ha yaMaisraila|Maisraila, ha uwajudza iamani ha ndzia ya Insa-Kristi, alio ɗe Raɓi wa piya uwanadamu.

MAV̄INGIZI-RISALA 2:36

«Ha izo, piya umati wa Israila naujuwe ha yakini amba Mungu amufanya Raɓi amma Kristi, Insa uwo mwamurema mizumari hari mwa muri wa pawa.»

YUHANI 9:22

Wadzaɗe wahe warongoa zile mana wakoria yaMayahudi, iv̄o waka waafikiana amba mutru atsomukuɓalio Insa amba ɗe Mutsahuliwa, atsoɓalidziwa iNyumba ya Uswali.

YUHANI 5:23

pare watru piya wahishimu uMwana mauri ɗe inamuna wamuhishimuo waye Ɓaɓa. Mutru kahishimu uMwana, v̄av̄o waye kahishimu Ɓaɓa, ule amuv̄eleha.

2 YUHANI 1:7

Kweli amba wengi wa madangamanyifu watsambadziha ulemenguni, watru kawasukuɓali amba Insa-Kristi aja ha mwili. Uwo ɗe uMudangamanyifu amma uMukanyusha-Kristi.

1 MAKORINTIYO 15:47

uMwanadamu wa handra arengwa shiv̄andreju mwa tsi, afanyiwa ha trotro; wa v̄ili aja ulawa pev̄oni.

MAROMU 15:9

na watru wa zinishani zangina wamutukuze Mungu ha siɓaɓu ya urehema wahe. Mauri ɗe iheli yaangihwa moni na uMuangishio Mutwaharifu: «Iyo ɗe imana ata nitsohusifuo hari mwa zinishani zangina, nitsohedza djimbo la utukuza dzina laho.»

YUHANI 20:28

Sa ile Tomasi amudjiɓu: «Raɓi wangu, tsena Mungu wangu!»

YUHANI 17:1

Ɓaanda alagua trongo zile, Insa adzua yamatso mbinguni, arongoa: «Ɓaɓa, wakati uwaswili. V̄enua utukufu wa uMwana waho, pare uMwana ahutukuze,

YUHANI 12:42

Na v̄ale ata hari mwa yamadhwamana, wengi waja wamuamini, ɓadi ha siɓaɓu ya Mafarisayo kawakoirongoa, ile wasuɓalidziwe iNyumba ya Uswali.

LUKASI 2:11

Mana leo ini, hari mwa liɗago la Daudu, mudzaliwa Muhuyifu, ne ɗe Kristi, Raɓi watru.

YUHANI 14:23

Insa amudjiɓu: «Neka mutru asuniv̄endza, atsosika urongozi wangu, tsena Ɓaɓangu atsomuv̄endza; ritsomujilia, amwesa ritsofanya makazi yatru hahe.

YUHANI 13:14

Na ha izo, neka tsimuhosoni yimindru, wami Raɓi amma Fundi, imulazimuni wajau muhosane yimindru wanyu na wanyu.