MAFILIPI 1:14 - Ha`bari Ndjema ya I Maore

¹⁴ Ha zifungo za silisili zangu ɗe uwengi wa wananya wa shi uaminifu wangia ɓari hari mwa uv̄umoja wawo na Raɓi, ata wasuɓutuo wajudze Urongozi wa Mungu ɓila trisidzo.

MAFILIPI 1:14 Referans Kwoze

1 MATESALONIKA 2:2

Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole.

LUKASI 1:74

amba atsorikomboa mihononi ha maãduwi yatru, ile pare wala tsi ha uria, rimurumishiye

MAKOLOSIYA 4:4

Ɓasi namunimiliye niirongowe mauri ɗe inamuna yalazimu niirongowe.

MAFILIPI 1:7

Iyo haki neka nisumufikirini piyanyu namuna iyo, mana nisumuv̄ingani rohoni, wanyu mulio amba neka hari mwa zifungo za silisili zangu, mauri hari mwa idifaĩ na uhakikisha iIndjili, musurenga fuvu piyanyu hari mwa ineema nadjaãliwayo.

MAKOLOSIYA 4:7

Hari mwa izo zanihusu, umwananya wa shi uaminifu muv̄endzewa Tihikusa, alio murumishi muaminifu amma munyangu wa hazi hari mwa uv̄umoja na Raɓi, atsomujudzani kula trongo.

MAFILIPI 4:1

Ha izo, wananya wav̄endzewa wangu, wanyu mulio amba tsina hamu na wanyu, wanyu mulio furaha yangu tsena hishima yangu, namuke watru wasika hari mwa uv̄umoja na Raɓi, wandzani wa roho wangu.

MAEFESO 3:13

Ɓasi nisumumiani, musupuhe ɓari na maondo niyav̄iriao ha siɓaɓu ya wanyu: yao ɗe utukufu wanyu.

2 MAKORINTIYO 3:12

Ɓasi ha iv̄o riliona utumainivu mauri ɗe uwo, rina uhodari wa kusudi.

2 MAKORINTIYO 7:4

Tsina uaminifu muɓole na wanyu, tsena nisujiv̄iwa ha kusudi ha siɓaɓu ya wanyu. Tsijaya mutrulidzio. Hari-hari na piya taãɓu zatru, furaha yangu isutrisa.

MAFILIPI 1:20

Trongo naiv̄a matso ha kusudi niitumainiao, ɗe amba tsitsoona haya na itsokao yotsi, ɓadi nike na uhodari watsimu, amba rangu av̄asa ata ha daima, Kristi atsotukuziwa mwilini hangu, neka tsa hayi, au neka tsifu.

2 TIMUTAUSU 2:9

Ha wiyo nisuondesheha, ata tsifungwa mauri murendrezi-mbovu. Ɓadi urongozi wa Mungu kawafungwa.

MARKUSI 3:3

Ɓas, Insa aambia mutru ule afa umuhono: «Hima hari v̄ale.»