MAEFESO 6:23 - Ha`bari Ndjema ya I Maore

²³ Utrulivu na uv̄endza, v̄umoja na uaminifu, trongo zilawao ha Mungu amma Ɓaɓa na Raɓi Insa-Kristi, naziendreleye ha uwananya wa shi uaminifu.

MAEFESO 6:23 Referans Kwoze

MAGALATWIYA 6:16

Ha piya wao waɗungao musariɓio uwo, utrulivu na urehema naziendreleye, tsena ha iIsraila ya Mungu.

1 MONYE 5:14

Namusalimiane wanyu na wanyu ha maɓuso ya shi mahaɓa. Amani ju lanyu piyanyu mulio hari mwa uv̄umoja na Kristi.

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

1 TIMUTAUSU 1:14

Na urehema wa Raɓi watru uzidishiha, v̄umoja na uaminifu na uv̄endza ulio ha Kristi-Insa.

MUV̄ENULIO 1:4

Wami Yuhani nisuangishia ziDjama Ndziwaminifu saɓa zilio hari mwa liɓavu la Aziya: Urehema na amani nazimuendreleyeni ulawa ha Uwo alio, aka, amwesa ajao, tsena ulawa ha ziroho saɓa zilio mbeli za ishiri ya ufalume yahe,

1 TIMUTAUSU 1:3

Mauri ɗe inamuna nahutafadali ulawa yangu ha uendra Makadoniya, amba uɓaki Efeso, pare usariɓiye ɓaãdhwi ya watru wasusomedze misomo yangina.

2 MATESALONIKA 3:16

Ɓasi Raɓi Monyewe utrulivu namuv̄eni waye-waye utrulivu kula wakati, ha kula namuna. Raɓi nake v̄umoja na wanyu piyanyu.

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

1 MATESALONIKA 5:8

Ɓadi wasi rilio wa mutsana, narike hashiri. Naripindre uaminifu na uv̄endza, zirihifadhwi mauri ngwezi ya shuma, na itama ya uhuyifu mauri kofia ya shuma.

1 MAKORINTIYO 1:3

Urehema na amani zalawa ha Ɓaɓatru Mungu na Raɓi Insa-Kristi nazimuendreleyeni.

MAROMU 1:7

Nisumuangishiani wanyu piyanyu mulio ɗagoni Romu, mulio wav̄endzewa wa Mungu, mwahiriwa muke watwaharifu. V̄av̄o ineema na utrulivu zilawao ha Ɓaɓatru Mungu na Raɓi watru Insa-Kristi nazimuendreleyeni.

YUHANI 14:27

Nisumulishiani utrulivu wa roho, nisumuv̄ani utrulivu wangu; tsisumuv̄aniwo mauri ɗe inamuna ulemengu uv̄ao. Roho yanyu isuhafilihe, wala isuke na trisidzo.

1 TIMUTAUSU 5:8

Neka mutru kasuangalia wadjamazahe, na hususwani wale muraɓani hahe, v̄av̄o av̄a mengo uaminifu, tsena a movu rahana mutru kaamini.

MAROMU 15:33

Mungu, Monyewe uv̄a usalama, nake v̄umoja na wanyu piyanyu. Amina.

2 MAKORINTIYO 13:11

Zaɓaki v̄av̄o wananyangu, namufurahi, mukusudiye ukamilifu, namutriane ɓari, muke na nia moja, namuẽshi hari mwa amani. Na Mungu Monyewe uv̄endza na utrulivu atsoka v̄umoja na wanyu.

MAEFESO 6:24

Urehema nauendreleye ha piya wamuv̄endzao Raɓi watru Insa-Kristi ha uv̄endza kaukomo.

3 YUHANI 1:14

Nisutumaini uja nihuone tsi hale, v̄av̄o ritsohadisi maswa ha maswa.