MAEFESO 6:19 - Ha`bari Ndjema ya I Maore

¹⁹ Namunimiliye na wami wajau, pare kula namoɓua ihanyo urongozi niv̄olwewo, ile nijudze ha uhodari iãdjaɓu ya iIndjili,

MAEFESO 6:19 Referans Kwoze

MAKOLOSIYA 4:3

Namurimiliye wasi wajau, ile Mungu ariɓuliye mulongo wa ujudza Urongozi wa iãdjaɓu yahusu Kristi, ilio amba ha siɓaɓu ya wiyo ɗe nafungwa.

MAV̄INGIZI-RISALA 4:29

Av̄asav̄anu Mwalatru, ngalia marisidzo yawo, amwesa uriv̄e wasi warumishi waho ushindzi wa ujudza urongozi waho ha uhodari wa kusudi.

2 MATESALONIKA 3:1

Yaɓaki v̄anu wananya wa shi uaminifu, namurifanyiye mamilio, ile urongozi wamuhusu Raɓi wendre mbeli amwesa utukuzihe, mauri ɗe inamuna ulio hanyu,

1 MATESALONIKA 5:25

Wananyatru, namurimiliye wajau wasi.

MAHEƁRANIYA 13:18

Namurimiliye Mungu. Kweli wasi rina yakini amba roho zatru zirahara, iv̄o riliona nia ya udziv̄inga ha uzuri hari mwa piya zitrongo.

MAV̄INGIZI-RISALA 4:31

Wamomalidza mamilio yawo, mukaɓala ule waka wangulidzana ugudzuha; piyawo wajadziwa iRoho Ndzitwaharifu, amwesa wakojudza urongozi wa Mungu ha uhodari.

1 MATESALONIKA 2:2

Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole.

2 MAKORINTIYO 8:7

Mauri ɗe inamuna mwazidishiha hari mwa piya zitrongo: uaminifu, urongozi, ujuzi, djitihadi ya kula namuna, na yamahaɓa mwayapara ha ndzia yatru, namuzidishihe wajau hari mwa ineema ya urumishi wa utoa musada.

MAEFESO 1:9

Arijudza iãdjaɓu ya mav̄endzeleo yahe, ne ɗe umupango wa mav̄endzeleo yahe yamujiv̄ia adzitayarishawo rangu kaɓula autsimidze ha indzia ya Kristi,

1 MAKORINTIYO 4:1

Ha izo, watru nawarione amba warumishi wa Kristi, madhwamana ya zisiri za Mungu.

MAV̄INGIZI-RISALA 28:31

Akojudza uUtawalizi wa Mungu na usomedza zapatana na Raɓi Insa-Kristi ha uhodari watsimu, ɓila udhuri utsokao yotsi.

MAV̄INGIZI-RISALA 19:8

Amwesa Ɓaulusu aangia moni na iNyumba ya Uswali, akorongoa ha uhodari. Hari mwa muda wa mezi miraru akolagua zapatana na uUtawalizi wa Mungu, na udjereɓu uv̄inga watru wakomuvulishia waamini.

MAV̄INGIZI-RISALA 13:46

Ɓas, ha dhwahiri Ɓaulusu na Ɓarnaɓasi wawaambia: «Ɗe hanyu kadimu ɗe yaka yalazimu Urongozi wa Mungu ujudziwe. Ɓadi rangu muuharao, amwesa mudzionao wanyu wenyewe amba kamwastahiki uhayati wa daima, ɓasi risulekedza ha zinishani zangina.

FILIMUNA 1:22

Ɓaanda ya v̄av̄o, nitayarishiye v̄ahanu v̄wa uketsi, mana nisutumainia amba ha yamamilio yanyu, niregezewe hanyu.

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

2 MAKORINTIYO 3:12

Ɓasi ha iv̄o riliona utumainivu mauri ɗe uwo, rina uhodari wa kusudi.

1 MAKORINTIYO 1:5

Mana hari mwa uv̄umoja na waye, mudjaãliwa kula utadjirifu wa kula urongozi na kula ujuzi,

MAV̄INGIZI-RISALA 14:3

Ɓas, Ɓaulusu na Ɓarnaɓasi waɓaki ɗagoni Ikoniyumu muda kiasi na wao wakolagua ha uhodari hari mwa uv̄umoja wawo na Raɓi, alio amba akodhiɓitisha ukweli wa urongozi wawo ju la ineema yahe ha uwakuɓalia v̄urendrehe ãlama za midjuza na trongo za ãdjaɓu ha yimihono yawo.

MAV̄INGIZI-RISALA 9:27

Ɓas, Ɓarnaɓasi amurenge, amuv̄ingi ha yaMav̄ingizi-Risala|Mav̄ingizi-Risala. Awajudza ha namuna jeje ndziani Saulusu amuona Raɓi alio amba alagua na waye, na inamuna Damasko hule akoĩdhia watru ha uhodari ha lidzina la Insa.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

2 MAKORINTIYO 7:4

Tsina uaminifu muɓole na wanyu, tsena nisujiv̄iwa ha kusudi ha siɓaɓu ya wanyu. Tsijaya mutrulidzio. Hari-hari na piya taãɓu zatru, furaha yangu isutrisa.

2 MAKORINTIYO 1:11

Wanyu-wanyu musurisaidi wajau ha yamamilio yanyu. Ha izo, wengi watsohimidia ha siɓaɓu ya wasi na ineema radjaãliwa, yaparihwana ha mamilio ya wengi.

1 MAKORINTIYO 2:7

risujudza ihikima ya Mungu yendza siri tsena yatsitswa, ilio amba Mungu aka aiãzimia ha utukufu watru rangu kaɓula madza ina mida.

MAROMU 15:30

V̄av̄o ɓasi wananyangu, nisumumiani ha uv̄umoja wa Raɓi watru Insa-Kristi na ha uv̄endza iv̄olwao na iRoho, muwane v̄umoja na wami ha unimilia Mungu,

MAV̄INGIZI-RISALA 18:26

Aandrisa urongoa ha uhodari moni na iNyumba ya Uswali. Ɓaanda Priskila na Akila wamukia, wamuv̄ingi v̄umoja na wao, amwesa wamueledza ha namuna yarahara zaidi indzia ya Mungu.

MAV̄INGIZI-RISALA 4:13

Wakati waona uhodari wa Monye na Yuhani, waremwa na ushangavu, mana wafahamu amba wao tsi watru wendza ĩlimu wala maãrifa. Wawafahamu iv̄o waka v̄umoja na Insa.

MAV̄INGIZI-RISALA 2:4

Wajadzwa piyawo na iRoho Ndzitwaharifu, ata waandrisa ulagua ha luha zangina ha inamuna iRoho yakowav̄a ushindzi walaguwe.

MAV̄INGIZI-RISALA 9:29

Tsena akolagua na uhadisi na wale wakorongoa Shigiriki. Ɓadi wao wakotsaha wamuule.

MAROMU 16:25

Natukuzihe uwo aliona ushindzi wa umuhodarishani, ha uɗunga iIndjili niijudzao yamuhusu Insa-Kristi, yalingana na izo zav̄enulwa zapatana na isiri yaka yasikwa rangu daima,

2 MAKORINTIYO 6:11

Ha unafasi rilagua na wanyu Makorintiyo, rimuɓuliani roho zatru ha kusudi.

MAEFESO 3:9

tsena ya utria heuni ha piya wanadamu umutrilio-ndziani wa iãdjaɓu yadzamisiha rangu zamani ha Mungu, Muumbizi wa piya.