MAEFESO 5:23 - Ha`bari Ndjema ya I Maore

²³ Mana mutrumume waye ɗe shitswa wa umutrumushe, mauri ɗe Kristi alio shitswa wa iDjama Ndziwaminifu ilio mwili wahe, waye alio uMuhuyifu wayo.

MAEFESO 5:23 Referans Kwoze

MAKOLOSIYA 1:18

Waye ɗe Shitswa wa umwili, ilio iDjama Ndziwaminifu; waye ɗe umwandro, umudzalwa wa handra alawa ha uwafu, ile hari mwa piya ake ɗe wa handra.

MAEFESO 4:15

Ɓadi ha urongoa ikweli ha mahaɓa, ritsohua hari mwa piya zitrongo ha ukaɓili inamuna ya ule alio ishitswa, ne ɗe Kristi.

1 MATESALONIKA 1:10

na ulindra ulawa mbinguni uMwana wahe amuregeza hayi ulawa ha uwafu, ne ɗe Insa alio amba asurikomboa na zihadhaɓu zijao.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.

1 MAKORINTIYO 6:13

Na tsena: «Zahula, izo za mimba, na imimba, ya zahula.» Izo kweli; ɓadi Mungu atsoziangamidza izo mbili. Na umwili tsi wa ufanya taɓia za shahawa kazalazimu; uwo wa Raɓi, na Raɓi waye, wa umwili.

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAEFESO 5:24

Ɓasi mauri ɗe iDjama Ndziwaminifu iv̄o idzihetsio tayari ya umutuĩ Kristi, watruwashe nawake tayari ya utuĩ waume wawo hari mwa piya.

MUV̄ENULIO 19:7

Narijiv̄iwe na uka hari mwa furaha, amwesa rimutukuze, mana iharusi ya uMwana Ɓariɓari ija, na umushe-harusi wahe adzitayarisha.