MAEFESO 5:18 - Ha`bari Ndjema ya I Maore

¹⁸ Mwasudzileze na ushi: uwo uv̄inga hari mwa uangamifu; ɓadi ha kinyume, namujaye na iRoho.

MAEFESO 5:18 Referans Kwoze

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

LUKASI 1:15

mana atsoka muɓole mbeli za Mola, katsolazimu anwa ushi wa zaɓiɓu, wala shinoa yangina ilezao, atsojadziwa iRoho Ndzitwaharifu rangu mimbani ha mayahe.

1 MAKORINTIYO 5:11

Ɓadi v̄ale itrongo namuangishiani, ɗe amba musudziparanise na mutru adzihirao amba mwananya wa shi uaminifu, ne asufanya taɓia ya peu ya shi mwili, au ya uv̄endza upara, au ya uãɓudu masanamwe, au ya urongoa nnayi, au ya ulevi, au ya udangamanyifu. Ata musuɗye ata hata na mutru mauri ɗe uwo.

MAV̄INGIZI-RISALA 11:24

Ha yakini waye aka mutru mwema, aka ajaya iRoho Ndzitwaharifu na uaminifu. Dunia ha uwengi imuamini Raɓi.

1 MATESALONIKA 5:7

Mana wao walalao, ulala uku, na wao wadzilezao, ulewa uku.

LUKASI 12:45

Ɓadi neka murumizi ule asudziambia: ‹Murumisa wangu asuhoma uja›, ɓas asuandrisa uɓuɓua wanyahe watruɓaɓa na watrumama, na uɗya, unwa, na ulewa,

LUKASI 11:13

Ɓasi neka wanyu namuna mulio waovu, musujua uv̄a wana wanyu zitru ndzuzuri, ha mara ngav̄i zaidi Ɓaɓa alio mbinguni atsov̄ao iRoho Ndzitwaharifu wao wamumiaoyo?»

1 MAKORINTIYO 6:10

waidzi, mav̄endza-upara, walevi, marongoa-nnayi, na warav̄izi, kawatsopara fungu hari mwa Utawalizi wa Mungu.

TITUSA 1:6

Muɓole wa Djama Ndziwaminifu alazimu ake ɓila tuhuma, mume wa mutrumushe moja, wana wahe wake waaminifu tsena wasurongolwe na taɓia mbi, wala yaka amba tsi watuĩvu.

LUKASI 21:34

«Namudzifahamishe, ha uria ziroho zanyu zasutrihisiwe trongo ya uv̄endza uɗya na unwa, na ya udzishuhulisa taãɓu za maẽsha, ile pare isuku iyo isumujiliyeni ha hafula yaka mauri kamwakodzilindrilia.

1 MAKORINTIYO 11:21

Mana mwamoɗya, kula mutru uhafilia arenge muɗyio wahe monyewe, ha namuna amba moja uɓaki na ndza, na wangina ulewa.

MATIYO 23:25

Maondo hanyuju, wanyu Mafundi ya Sharia na Mafarisayo, wanafiki! Wanyu utwaharisha shikombe na sahani v̄ondze, na moni v̄ujaya urav̄izi na uv̄endza-upara.

MATIYO 24:49

ɓasi aandrisa uɓuɓua wanyahe, asuɗya na unwa v̄umoja na walevi,

YUHANI 2:10

amuambia: «Watru piya uyeleshea raɓuzi maji ya zaɓiɓu mazuri, ata neka watru wano ha nguvu ɗe wayelesheao yale tsi mazuri. Ɓadi wawe uhetsi yamazuri yanu ata upara av̄asav̄anu!»