MAEFESO 5:15 - Ha`bari Ndjema ya I Maore

¹⁵ Namutunde ha uzuri ɓasi maendreleo yanyu: yasuke mauri ya magedze, ɓadi yake mauri ya wendza hikima.

MAEFESO 5:15 Referans Kwoze

MAKOLOSIYA 4:5

Namudziv̄inge v̄umoja na hikima mbeli za wao walio v̄ondze. Namurumiye ha uzuri uwakati mulionawo.

YAKOƁU 3:13

Uv̄i mengoni mwanyu alio mwendza hikima, tsena mwendza ujuzi? Ɓasi mutru uwo nav̄enuwe ha umuendreleo mwema wahe zitrendro zahe, ha umakini v̄umoja na hikima.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

1 MAKORINTIYO 14:20

Wananyangu, musuke wanatsa hari mwa unamuzi. Hari mwa yahusu imbovu, namuke wanazaza, ɓadi yahusu unamuzi, namuke watru waɓalihi.

1 TIMUTAUSU 6:9

Ɓadi wao watsahao watadjirihe upuliha hari mwa madjereɓio, wao usikwa hari mwa utra na hari mwa ngushauku ndzijinga zendza hatwari ha uwengi, zitriao watru hari mwa uangamifu na hasara.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

MATIYO 10:16

«Namujuwe, nisumuv̄elehani mauri maɓariɓari hari-hari na mbwa nyeha. Ha izo, namuke wendza ãkili mauri ɗe zinyoha, tsena muke warembwavu mauri zukuru.

1 MATESALONIKA 5:15

Namutahadhari amba v̄usuke mutru aɗiv̄a mbovu ha mbovu, ɓadi ha daima namuendreleye hari mwa zindjema, rangu wanyu na wanyu, ata ha piya wanadamu.

LUKASI 24:25

Sa ile Insa awaambia: «He wanyu kamuna ãkili muliona roho ndziro za uamini piya izo zarongolwa na yimitrume!

MAGALATWIYA 3:3

V̄anu kweli amba murendreha wajinga namuna iyo? Ɓaanda mwaandrisa ha iRoho, amba av̄asa musuja mukamilishe ha ushindzi wa shiunadamu wanyu?

MAHEƁRANIYA 12:25

Namufahamu, musuharaliye uwo alaguao. Neka wao waharalia uwo akowafahamisha shiv̄andreju mwa tsi kawashindra watrala, ha mara ngav̄i zaidi wasi karitsoshindra ratrala, neka risudziɓausa na Uwo arifahamishao rangu pev̄oni!

MATIYO 27:24

Ɓilatusa umaizi yahe amba kav̄u shauri la waye uvulishiwa ɓadi fidjo ɗe lakozidi, arenge maji, ahoso yimihono mbeli za idunia ile na urongoa: «Wami tsirahara na idamu ya mutru uwo! Lilo djukuma lanyu!»

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MATIYO 8:4

Insa amuambia: «Fahamu, usuambiye ata mutru trongo izo. Ɓadi endra wadzionese ha Mutolezi-Masadaka, utowe lisadaka laãmurishiwa na Musa, ile ike ushahidifu mbeli zawo.»

MAEFESO 5:33

Ɓadi namuna yotsi itsokao, kula moja mengoni mwanyu nav̄endze mushe wahe mauri ɗe waye monyewe, na mutrumushe astehi mume wahe.

MAKOLOSIYA 1:9

Iyo ɗe imana ata wasi wajau, rangu isuku raikia, karisuzia umumiliani Mungu na utsaha amba mujadziwe ujuzi wa mav̄endzeleo yahe, ha kula hikima na ushindzi wa uelewa shiroho,

MAGALATWIYA 3:1

He wanyu Magalatwiya mudzifanyao wajinga! Mbani ɗe amugangini? Ne muv̄enuliwa hadhwira matsoni hanyu Insa-Kristi, amba aremwa mizumari hari mwa muri wa pawa.

MATIYO 27:4

Awaambia: «Tsikoso, iv̄o nafitini mutru kasina kosa aulawe.» Ɓadi wamudjiɓu: «Kayaritria shuhuli, izo zaho!»

MATIYO 25:2

Watsano hari mwawo waka wapuzi, na watsano waka wendza hikima.

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.