MAEFESO 5:11 - Ha`bari Ndjema ya I Maore

¹¹ musurenge fuvu hari mwa zitrendrwa za shidza zilio amba kazina faida, ɓadi ha kinyume namuziv̄enuwe.

MAEFESO 5:11 Referans Kwoze

MAROMU 13:12

Uku uendre mbeli, wa kariɓu na usha. Ɓasi narilishe zitrendro za shidzani, riɓange zizombo za iheu.

1 TIMUTAUSU 5:20

Wao waãswio, warudi mbeli za piya uwatru, pare wasalia wajau wariye.

2 MATESALONIKA 3:6

Risumusariɓiani wananyatru ha lidzina la Raɓi Insa-Kristi, mudziɓause na kula mwananya wa shi uaminifu aliona maẽsha yendza musadjadja, ɓadi tsi ha uɗunga maosio ramuv̄aniwo.

MAROMU 16:17

Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao.

MUV̄ENULIO 18:4

Amwesa tsikia raha ji langina lalawa pev̄oni larongoa: «Namulawe hari mwalo, wanyu umati wangu, ile mwasurenge fuvu na madhambi yalo, mwapara fungu hari mwa maɓa yalo.

TITUSA 2:15

Ɓasi izo ɗe zalazimu usomedze, utriye ɓari na urudia v̄umoja na yezi ndzikamilifu. V̄usuke ata mutru ahudharau.

2 MATESALONIKA 3:14

Neka v̄wa mutru kasutuĩ marongozi yatru hari mwa liɓarua lini, namumutriye ãlama, tsena mwasushahilihe na waye hari mwa itsokao yotsi, pare aone haya.

MAROMU 6:21

Mavuna mwakopara trini, iv̄o mwakofanya trongo zilio amba musuzionea haya leo? Mana mwiso wazo ɗe ufa.

2 TIMUTAUSU 4:2

judza Urongozi, parilia kula wakati, neka mwema au tsi mwema. Fundra na urudi watru, tria ɓari na usomedza v̄umoja na suɓira ndzikamilifu.

2 TIMUTAUSU 3:5

Watsodzifanisa na watru waɗungao trongo za shiungu, ne kawatsokuɓali uushindzi wazo. Dziɓause na watru wao.

MAGALATWIYA 6:8

Mana monyewe utaɓu ha shiuɓinadamu yahe, atsovuna za shiuɓinadamu, ne ɗe uangamifu; ɓadi monyewe utaɓu ha iRoho, atsovuna za iRoho: uhayati mukamilifu.

1 MATESALONIKA 5:7

Mana wao walalao, ulala uku, na wao wadzilezao, ulewa uku.

LUKASI 3:19

Ɓadi wakati dhwamana Hirudu arudisiwa na Yahaya ha siɓaɓu ya trongo yahe na Hirudiyati, mutrumushe wa mwananyahe, na zitrendrwa mbovu nyengi zangina azifanya,

MAEFESO 5:7

Ɓasi mwasushangiriane na wao.

MAEFESO 4:22

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu,

MATIYO 18:15

«Neka munyaho ahukoso, endra wamupare weke, umueledze likosa lahe. Neka ahuv̄ulishia, v̄av̄o itsoka amba umupara munyaho.

1 TIMUTAUSU 6:5

mashindrano kayakomo ya watru wendza ãkili zamenyeha, kawasujua ukweli, watru wadanio amba ĩɓada utadjirisha.

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAEFESO 5:12

Mana izo wafanyao ha siri, ata ya uzirongoa ne aĩɓu.

MAKOLOSIYA 1:12

Namumuhimidiye Ɓaɓatru Mungu amushindrisani ustahiki upara fungu hari mwa umwaratha wa watwaharifu hari mwa iheu.

1 TIMUTAUSU 5:22

Usudzihafilishe udhwaminisha mutru atsokao yotsi ha mukadzio-mihono, wala usurenge fuvu hari mwa dhambi la wangina. Wawe ha wawe, dzisike muraharifu.