MAEFESO 4:7 - Ha`bari Ndjema ya I Maore

⁷ Ɓadi kula moja hatruju adjaãliwa rehema, ha kadiri ya ishiv̄imo ya ineema ya Kristi.

MAEFESO 4:7 Referans Kwoze

MAROMU 12:3

Ha ineema nadjaãliwayo, nisuambia kula moja hanyuju: musudzione uju rahana yalazimu, ɓadi kula moja nadzione na ikiasi yalingana na uaminifu Mungu amukadiriawo.

1 MONYE 4:10

Kula mutru narumiye ha wanyahe ineema adjaãliwayo; v̄av̄o mutsoka warumishi wema wa urehema wa namuna ha namuna wa Mungu.

MAEFESO 3:2

neka amba mwaparokia anga urumishi Mungu anidjaãliawo ha irehema yahe, amba niufanye ha tanafu yanyu.

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MATIYO 25:15

Moja amuv̄a mapauni matsano ya fedha, moja maili, na wa raru av̄olwa pauni moja, kula mutru av̄olwa ha ulingana na inamuna atsoshindrao, amwesa alawa.

YUHANI 3:34

Na Uwo Mungu amuv̄eleha, urongoa yamarongozi ya Mungu, mana Mungu umudjaãlia iRoho ɓila shiv̄imo.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

MAHEƁRANIYA 2:4

Mungu waye adhiɓitisha ushahidi wawo ha ãlama za midjuza na ãdjaɓu, v̄umoja na midjuza za namuna na namuna, tsena raha ha neema za iRoho Ndzitwaharifu zaɗungana na mav̄endzeleo yahe.