MAEFESO 4:24 - Ha`bari Ndjema ya I Maore

²⁴ mudzipindrise uutru muv̄ia waumbwa ha mufano wa Mungu, hari mwa uhaki na utwaharifu zijao ha ukweli.

MAEFESO 4:24 Referans Kwoze

2 MAKORINTIYO 5:17

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAROMU 13:14

Ɓadi namudzipindrise Raɓi Insa Kristi, wala musudzishuhulise na itaɓia ya shiuɓinadamu ha ujiv̄idza zingushauku zayo.

MAEFESO 6:11

Namupindre piya zombo za kondro za Mungu, ile mushindre mukingiye yimipango ya Iɓilisa.

MAROMU 6:4

Hari mwa umuɓaĩsho|uɓaĩsha wa ufa uwo, v̄av̄o ridzihwa v̄umoja na waye, ile pare mauri ɗe inamuna Kristi aregezewa hayi ha ulawa hari mwa ufa ha utukufu wa Ɓaɓa, wasi wajau rikane maendreleo ya uhayati muv̄ia.

2 MAKORINTIYO 3:18

V̄av̄o wasi piya sura zafunukulwa, risuv̄enua mauri hari mwa shiɗo utukufu wa Raɓi. Risugaudziwa rike mufano ɗe uwo-uwo, rikane utukufu ju la utukufu, trongo ifanyiwao na Raɓi, alio amba waye ɗe iRoho.

2 MAKORINTIYO 4:16

Iyo ɗe imana ata karisupuha ɓari. Ata neka amba hatruju ɓuumbio la v̄ondze latru lisuangamia, ɓadi la moni lisufanyiha pia suku ha suku.

MAROMU 13:12

Uku uendre mbeli, wa kariɓu na usha. Ɓasi narilishe zitrendro za shidzani, riɓange zizombo za iheu.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

1 MONYE 2:2

Mauri wana wadzalwa av̄asa, namutsahe dzia swafi-swafi la shiroho, ile ha wilo muhuwe, mupare uhuyifu,

MAROMU 8:29

Mana wao awajua rangu mwandro, awahetsi wajau rangu kaɓula walingane na umufano wa uMwana wahe, ile pare uMwana wahe ake ɗe zuki hari mwa wananya wengi.

YUHANI 17:17

Watwaharishe ha uukweli; urongozi waho, uwo ɗe ukweli.

MAGALATWIYA 6:15

Mana ilio muhimu tsi ɗe amba mutru atahiriwa, au katahiriwa, ɓadi ilio muhimu ɗe uka shiumbe pia.

MAGALATWIYA 3:27

Kweli amba piya wanyu mwaɓaĩshiwa hari mwa uv̄umoja na Kristi, mumupindri Kristi.

1 MAKORINTIYO 15:53

Kweli amba ilazimu ndziangamia ipindre itsindziangamia, na ndzifa ipindre itsindzifa.

MAEFESO 2:15

Azimi hatwi iSharia na ziãmuri zayo na masharutwi yazo, ile hari mwa uv̄umoja na iwaye yahe, afanye amba waili wale wake mutru moja muv̄ia ha ujisa iamani,

MAHEƁRANIYA 12:14

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.

MAHEƁRANIYA 1:8

Ɓadi uhusu uMwana arongoa: «Shiri ya yezi yaho, wawe Mungu, iyo ya daima, na itsimbo ya utawalizi waho, iyo tsimbo ya haki.

LUKASI 1:75

ha uraharifu na utuĩvu mbeli zahe hari mwa piya zisuku za uhayati watru.

MAROMU 7:6

Ɓadi av̄asa riɓuliwa mbeli za iSharia, mana rifu ha itrongo ile yakorifunga, ha namuna amba av̄asa risumurumishia Mungu ha utawalizi muv̄ia wa iRoho, ɓadi tsi ɗe ha indzia ya utawalizi wa hale, ne ɗe iSharia yaangihwa.

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

2 MONYE 1:4

Ha wizo ariv̄a zinguwahadi zendza thamani tsena zazidi uɓole zahe, ile ha wizo mukane ushirika hari mwa ihali ya shiungu yahe, mutrale umenyefu uv̄ingwao ulemenguni ha zingushauku zendza uovu.